"Qərblə Soyuq Müharibə mümkün deyil" Vladimir Putin qərblə Soyuq Müharibənin

"Qərblə Soyuq Müharibə mümkün deyil" Vladimir Putin qərblə Soyuq Müharibənin mümkünlüyünü rədd edibRusiyanın baş naziri deyib ki, ölkəsi dünyaya inteqrasiya etməyini istəyir.O bildirib ki, ölkəni Soyuq Müharibə vaxtlarına geri qaytarmaq Rusiyanın iqtisadi müasirləşdirmə layihəsinə birbaşa hədədir.Cənab Putin bunları ABŞ-nın dövlət katibi Kondoliza Raysın çıxışından bir gün sonra deyib.Xanım Rays bildirib ki, Rusiya Gürcüstanı işğalı üzündən özünütəcrid istiqamətində irəliləyir. -----------------------------------------------------------------------
Paralimpiyaçılarımız Bakıya qayıtdılar
Hava limanında hərarətli qarşılama mərasimi olub
Pekin Yay Paralimpiada oyunlarında iştirak edən Azərbaycan idmançıları sentyabrın 19-da Vətənə dönüblər. Heydər Əliyev adına hava limanında idmançılarımızı Gənclər və İdman Nazirliyinin, Milli Paralimpiya Komitəsinin rəhbər şəxsləri, idmançıların yaxınları və çoxsaylı azarkeşlər qarşılayıb. Lent.az-ın əməkdaşı da onların arasında olub.
Hərarətli qarşılanmadan sonra Lent.az-a açıqlama verən cüdo üzrə 100 kq-dan yuxarı çəki dərəcəsində ikiqat Paralimpiya çempionu İlham Zəkiyev bildirib ki, Azərbaycan kimi ölkədə idmançı olmaq şərəflidir: “Mən bu qələbəmi xalqıma və Prezidentimizə həsr edirəm. Özümü xoşbəxt hiss edirəm və bu hissi yaşamağı hər bir idmançıya arzulayıram”.
Digər Paralimpiya çempionu, atletikanın nüvə itələmə növündə qızıl medal qazanmış Uluxan Musayev isə Lent.az-ın əməkdaşına deyib ki, o, cəmi ilyarımdır idmanın bu növü ilə məşğul olur: “Ötən ilin sentyabrında Taybeydə dünya çempionu oldum, indi isə Pekində çempion olub, dünya və Paralimpiya rekordunu təzələdim. Bu qələbəni ilk növbədə ailəmə, sonra isə xalqıma həsr edirəm”.
Milli Paralimpiya Komitəsinin prezidenti İlqar Rəhimov müxbirimizə deyib ki, idmançılarımız çox yüksək səviyyədə çıxış ediblər: “Biz belə nəticələr olacağını əvvəldən proqnozlaşdırmışdıq. Şükürlər olsun ki, idmançılarımız bu proqnozlarımızı doğrultdular”.
İdmançılarımız, onlar üçün ayrılmış avtobusla hava limanından şəhərə gəliblər. Onlar Heydər Əliyev adına Sarayın qarşısındakı parkda Heydər Əliyevin heykəlinin qarşısına gül dəstələri qoyublar. Bununla da mərasim başa çatıb.
LENT.AZ

ABŞ-IN ERMƏNİSTANDAKI YENİ SƏFİRİ VƏZİFƏSİNİN İCRASINA BAŞLAYIB

ABŞ-IN ERMƏNİSTANDAKI YENİ SƏFİRİ VƏZİFƏSİNİN İCRASINA BAŞLAYIB
ABŞ-ın Ermənistandakı yeni səfiri Mari Yovanoviç səlahiyyətlərinin icrasına başlayıb. Xanım səfir etimadnaməsinin surətini xarici işlər naziri Edvard Nalbandyana təqdim edib. Qeyd edək ki, artıq iki ildir ABŞ-ın Ermənistanda səfiri vəzifəsi vakant qalmışdı. Sabiq səfir Con Evans 2006-cı ildə verdiyi bir bəyanatda Türkiyənin guya ermənilərə qarşı soyqırımı törətdiyini bəyan etməsindən sonra rəsmi Vaşinqton onu geri çağırıb. ABŞ prezidenti Corc Buş Ermənistana səfir postuna qondarma “erməni soyqırımı”nı tanımaqdan qəti şəkildə imtina edən Riçard Xoqlandın namizədliyini irəli sürsə də, Konqres onun namizədliyini təsdiqləməyib. Avqustun 1-də ABŞ Senatı Mari Yovanoviçin Ermənistana səfir təyin olunması barədə prezidentin sərəncamını təsdiqləyib. Mari Yovanoviç bundan əvvəl ABŞ-ın Qırğızıstanda səfiri vəzifəsində çalışıb.

ABŞ: “Azərbaycan hökuməti əksər dini qrupların fəaliyyətinə müdaxilə etmir”

ABŞ: “Azərbaycan hökuməti əksər dini qrupların fəaliyyətinə müdaxilə etmir” Dövlət Departamenti dünyada dini etiqad azadlığına dair illik hesabatını açıqlayıb.
APA-nın Dövlət Departamentinin rəsmi saytına istindən verdiyi məlumata görə, hesabatın Azərbaycanla bağlı hissəsində bildirilir ki, ölkə Konstitusiyası və müxtəlif qanunlar dini etiqad azadlığını təmin edir: “Əvvəlki hesabatdan ötən müddətdə hökumət tərəfindən etiqad azadlığının statusunun dəyişdirilməsinə dair hər hansı addım atılmayıb. Bəzi dini qrupların qeydiyyata alınmasından imtina edilib, dini ədəbiyyatın yayılmasında müəyyən məhdudiyyətlər var. Hökumət əksər dini qrupların fəaliyyətinə müdaxilə etmir. Bununla belə, yerlərdə qeyri-ənənəvi İslam qruplarının fəaliyyətinin araşdırılması faktları müşahidə olunub”.
Hesabatda qeyd olunur ki, ABŞ hökuməti ikitərəfli dialoq çərçivəsində dini etiqad azadlığı məsələlərini Azərbaycan hakimiyyəti ilə müzakirə edib. Sənəddə həmçinin bildirilir ki, ölkədəki dini çoxluq müsəlmanlardan ibarətdir və bu sahədə artım müşahidə olunur. Bununla yanaşı, ölkədə müsəlmanların müəyyən olunması dini deyil, milli əlamətlərə əsasən aparılır. Azərbaycandakı müsəlmanların 65%-i şiə, 35%-i sünnidir. Bundan başqa, ölkədə xristianlar (pravoslavlar, katoliklər) və yəhudilər yaşayırlar. Dini qruplar qanuni fəaliyyət göstərmək üçün dövlət qeydiyyatından keçməlidirlər. Azərbaycanda hazırda 500-dən çox dini qurum qeydiyyatdan keçib.
Hesabatda bildirilir ki, ibadətlərə ümumilikdə hökumət tərəfindən heç bir maneə yaradılmır. Bununla belə, Neftçala və Əliabadda baptistlərin ibadət etmələrinə müəyyən məhdudiyyətlərin qoyulması qeydə alınıb. Bəzi qeyri-ənənəvi İslami cərəyanların daşıyıcıları da hakimiyyət strukturlarının münasibətindən narazıdırlar. Hakimiyyət pasport üçün baş örtüyündə şəkil çəkdirməyə icazə verməsə də, insanların hicabda gəzməsinə heç bir qadağa yoxdur.
Sənəddə o da qeyd olunur ki, Dağlıq Qarabağ münaqişəsi hələ də həllini tapmayıb, bu da öz növbəsində, azərbaycanlılarla ermənilər arasında düşmənçiliyin davam etməsinə gətirib çıxarır. Etnik erməni separatçılarının nəzarəti altında olan Azərbaycan ərazilərindəki dağıdılmamış məscidlər isə fəaliyyətsizdir.
LENT.AZ

Ermənistanda ikinci hərbi baza yaradılır

Ermənistanda ikinci hərbi baza yaradılır "Kremlin 2010-cu ilə kimi İcevanda, Azərbaycan sərhədləri yaxınlığında ikinci hərbi baza tikməsi regiona nəzarəti gücləndirmək niyyətindən biridir"Rusiyanın 2010-cu ilə qədər Azərbaycanla sərhədi yaxınlığında Ermənistanın İcevan rayonunda ikinci hərbi bazasını yaratmağı planlaşdırır. Artıq hərbi bazanın yerləşəcəyi ərazinin müəyyənləşdirilməsi və hazırda həmin əraziyə düşəcək torpaq sahələrinin alınması, hərbi baza ilə bağlı digər hüquqi sənədləşdirmə işlərinin aparılması haqqında məlumatlar yayılıb.
Tural
Ekspertlər Rusiyanın 102 saylı motoatıcı alayın yerləşdiyi Gümrü hərbi bazasından sonra, İcevanda yaradılacaq ikinci hərbi bazanın Bakı-Tiflis-Ceyhan (BTC), Bakı-Tiflis- Ərzurum (BTƏ) neft-qaz kəmərləri, Bakı-Tiflis-Qars dəmiryol xətti və gələcəkdə "Nabucco" layihəsi üçün də böyük təhlükə sayırlar.Politoloq Qafar Çaxmaqlı İcevanda yaradılacaq rus hərbi bazanın Azərbaycan üçün təhlükə kimi qiymətləndirir: "Bir neçə ay əvvəl də bu məsələ gündəmə gəlmişdi. Rusiyanın Ermənistanda ikinci hərbi baza yaratması da mümkündür və Moskva bunu reallaşdırmaq üçün əməli işlərə keçib. Hələ altı ay öncə bu məsələ gündəmə gələrkən fikirləşdik ki, bu baza Türkiyə ilə sərhədlərdə yerləşdiriləcək. Ermənistanın Türkiyə ilə böyük sərhədlərinin olması səbəbindən bu bazanın həmin istiqamətlərdə qurulacağını düşünmək olardı. Amma indi görürük ki, Rusiya və Ermənistan təhlükənin Azərbaycan və Gürcüstandan olacağını fikirləşiblər". Onun sözlərinə görə, bu bazanın İcevan rayonunda yerləşdirilməsi İrəvanın təcavüzkar planlarının nəticəsidir: "Əvvəl yayılan məlumatlarda qeyd olunurdu ki, Gürcüstandan çıxarılan qoşunların yerləşdirilməsi üçün Ermənistanda problemlər yaranıb. Yəni Axalkalakidən çıxarılan hərbi sursatın və qoşunların bir hissəsi İrəvana gətirilərkən yerləşdirilmədə yaranmış problemlərə görə ikinci bir yerin təyin olunması üçün Ermənistan hökumətinə müraciət olunub. Çox güman ki, erməni rəsmiləri də Azərbaycanla sərhəd rayonunda yer təklif ediblər. Sərhədlərimizin yaxınlığında ikinci bazanın yaradılması artıq Azərbaycana böyük təhlükədir. İrəvan onsuz da müstəqil siyasət yürütmək gücündə deyil və bu ölkə hər bir siyasi-iqtisadi strukturunu Kremlə təhvil verib. Hətta bəzi sahələrdə Rusiyanın nəzarəti o qədər güclüdür ki, ermənilərin həmin sahədən xəbəri yoxdur. Rusiya öz "forpostu"nda bazalarını yerləşdirməklə Cənubi Qafqazda apardığı siyasəti gələcəkdə də davam etdirəcək. Belə getsə, Rusiyanın növbəti Gürcüstan olaylarını təkrarlaması hər zaman gözlənilən olacaq. Kremlin 2010-cu ilə kimi Qazax rayonu ilə sərhəddə ikinci hərbi baza tikməsi regiona nəzarəti gücləndirmək istəyinin göstəricilərindən biridir. Belə bir baza Bakı-Tiflis-Ceyhan neft kəmərinə, Bakı-Tiflis-Ərzurum qaz kəmərinnə, Bakı-Tiflis-Qars dəmiryolu xəttinə, təhlükələr doğurar. Hətta gələcəkdə "Nabucco" layihəsinin qarşısına sədd çəkər. Regionda baş qaldıracaq kiçik bir toqquşma və ya lokal müharibədən istifadə edən rus qoşunları Azərbaycanın Qərblə iqtisadi əlaqələrini kəsə bilər". xalqcebhesi

Azərbaycan bölgənin ən cəlbedici ölkəsidir

Azərbaycan bölgənin ən cəlbedici ölkəsidir Davamlı inkişaf və rəqabət qabiliyyətiAzərbaycanın sosial-iqtisadi inkişaf kursunun təhlilləri maraqlı nəticələr verib. Beynəlxalq təşkilatların apardığı araşdırmalar postsovet məkanındakı dövlətlərin iqtisadi sisteminin raqabətə dözümlülüyü səviyyəsini müəyyənləşdirib. Müxtəlif növ böhran situasiyalara milli sosial-iqtisadi sistemlərin reaksiyalarını indeksləşdiriblər. Misal üçün Rusiyanın maliyyə birjasının çöküşü yeridilən sosial-iqtisadi siyasətin nöqsanları ilə əlaqələndirilib. Azərbaycana isə dünyanı silkələyən maliyyə böhranının təsiri minimum səviyyədə dəyərləndirilməkdədir. Bunun səbəbləri haqqında da mütəxəssis rəyləri vardır. Əslində bu proseslərin mənbəyi bir neçə il qabağa gedib çıxır.

Hər bir müstəqil ölkənin rəqabət qabiliyyətini ifadə edən göstəriciləri vardır. Həmin göstəricilər iqtisadiyyatın müxtəlif sahələrini əhatə edir. Onlar kompleks halında milli sosial-iqtisadi sistemin inkişafa və müxtəlif kataklizmalərə dayanıqlıq dərəcəsini xarakterizə edirlər. O cümlədən, milli iqtisadi sistemin inkişafının davamlılığı müəyyən edilir. Cəmiyyətin daxili resurslar hesabına dayanıqlı inkişafını hansı şərtlər daxilində davam etdirə biləcəyi dəqiqləşir. Həmin göstəricilərin sayı təqribən 10-12 arasıdır. Beynəlxalq maliyyə qurumlarının 6 ay öncə apardığı araşdırmalarda Azərbaycan MDB məkanında rəqabətə yüksək dayanıqlığı olan ölkələrdən biri kimi xarakterizə olunmuşdu. Həmin göstəricilər arasında Azərbaycanda əhalinin həyat səviyyəsinin sürətlə qalxması ilə iqtisadi sistemdə rəqabət mühitinin səviyyəsi arasındakı nisbət diqqətləri çəkirdi. Rusiya bu göstəricidə risq bölgəsində idi. Qazaxıstan və Azərbaycanda həmin bölgəyə yaxın məskunlaşmışdı. Ancaq Rusiyadan fərqli olaraq Azərbaycan və Qazaxıstanın həmin zonadan çıxmaqda olduğu qeyd olunurdu. Bu ölkələrdə biznes rəqabəti göstəricisi yaxşı idi. Xarici sərmayələrə ölkə iqtisadiyyatının hazır olması həmin bağlılıqda ciddi faktor sayılır. Son dəyərləndirmələrdə Azərbaycan aid olduğu ölkələr kateqoroyasında xarici sərmayələrə ən əlverişli şərait yaradan ölkə olaraq göstərilir. Müqayisə üçün deyək ki, son 6 ayda qardaş Türkiyəyə xarici sərmayə qoyuluşu 35% azalıb. Azərbaycanın cəlbedicilik dərəcəsi isə ən yüksək səviyyədə qalmaqdadır. Deməli, dünyanın iş adamları üçün ölkəmiz sərmayə qoyuluşuna ən yararlı yerdir. Bu göstərici təsadüfən formalaşmır. İndi dünyada sakit məmləkət tapmaq problemə çevrilib. Həm də ona görə ki, bütün dünya dövlətləri bir-birinə bağlıdır və birində baş verən silkələnmə digərlərinə də yayılır. Bu da faktiki olaraq sərmayə qoyanın bütün dünya üzrə təhlükəsizlik haqqında düşünməyə məcbur olması deməkdir.

Bütün bu göstəricilərə görə postsovet məkanında ən etibarlı ölkənu müəyyən etmək olur. Həmin sıraya daha bir vacib amil də əlavə etmək lazım gəlir. Bu amil eneryi təhlükəsizliyi ilə bağlıdır. Qafqazdakı böhrandan sonra bu məsələ daha böyük aktuallıq kəsb etməyə başlayıb. Dünyanın böyük gücləri yeni qüvvə ilə enerji təhlükəsizliyi faktoruna diqqət yetirməkdədirlər. Həmin dalğa Xəzər hövzəsi faktorunu önə çıxarıb. Bu məkan ətrafında geosiyasi gedişlərin sürəti çox artıb. O cümlədən, Azərbaycanın etibarlılığı və təhlükəsizliyinin təmini daha geniş məzmun kəsb etməkdədir. Bu faktorların yekun effekti olaraq Azərbaycanın sosial-iqtisadi sistem kimi dünya üçün əhəmiyyəti çox artıb. Bizim ölkənin inkişafı birbaşa dünya iqtisadi sisteminin dayanıqlı tərəqqisinə bağlı olur.

Təbii ki, bu kimi qiymətləndirmələr öz-özünə yaranmayıb. Bunun arxasında kifayət qədər ciddi işlənmiş siyasi kurs dayanır. Elə bir kurs ki, bölgədə baş verən istənilən kataklizmə qarşı dayanıqlı ola bilsin. Davamlı inkişafın əsas şərtlərindən biri bundan ibarətdir. Azərbaycan prezidentinin yoxsulluğun azaldılması və ölkənin dayanıqlı inkişafının təmin edilməsi ilə bağlı verdiyi son fərman bütün bunlara görə strateji mahiyyət daşıyır. Dayanıqlı inkişafın təmin edilməsi ilə Azərbaycan bölgədə liderliyini və demokratik mahiyyətini qoruya biləcək. Prezident seçkisindən sonra bu tendensiyanın daha böyük ölçüdə davam edəcəyinə şübhə yoxdur. Ölkəmiz hər bir göstəriciyə görə yeni səviyyəyə qalxacaq. Onun dünyanın ən inkişaf etmiş ölkələr sırasına qatılmasına az qalıb.

Şahin Məhəmmədoğlu olaylar

ABŞ Rusiyanı parçalamaq haqqında düşünür?

ABŞ Rusiyanı parçalamaq haqqında düşünür?
Makkeyn və Rays Kremli hədələdi
Rusiyanı yaxın günlərdə fəlakətlər bürüyə bilər. Onun Qərblə olan çəkişmələri getdikcə daha da güclənir. Son olaraq Kondoliza Rays və respublikaçılardan prezidentliyə namizəd Con Makkeyni Rusiyanın əleyhinə hədələr yağdırıblar. Onların fikirlərinin bütövlükdə Qafqazdakı duruma aidiyyatı olduğundan diqqət yetirmək lazım gəlir.
Kondoliza Rays Rusiyanin özünü dalana dirədiyini bildirib. O mənada ki, Rusiya Gürcüstana müdaxilədən sonra özünü beynəlxalq aləmdən təcrid edib. Bu proses rəsmi Moskvanın düşünülməmiş siyasəti nəticəsində daha da dərinləşir. Rays daha sonra Rusiyanın Gürcüstanda strateji hədəfinə - Mixail Saakaşvilini devirməyə nail ola bilməyəcəyini bəyan edib. Bu məqam müşahidəçilərin diqqətini çox çəkib, çünki Amerika indiyə qədər məsələni bu şəkildə təqdim etməmişdi. Deməli, tərəflər arasında gərgin geosiyasi savaş güclənir. Respublikaçılardan prezidentliyə namizəd Con Makkeyni isə birbaşa Rusiyanı hədələyib. O, prezident seçiləcəyi təqdirdə Rusiyadakı milli qurumların müstəqilliyini tanıyacağını deyib. Müşahidəçilər bunu Rusiyanın daxilində separatizmin vüsət almasına işarə kimi dəyərləndirirlər. Yəni Rusiyadakı muxtar qurumlar özlərinin müstəqilliyini bəyan etmək prosesinə başlaya bilərlər. Bunun isə ilk ünvanının Quzey Qafqaz olduğuna şübhə yoxdur. Sonra Sibir, Volqaboyu və Mərkəzi rayonlar gəlir. Bütövlükdə Rusiya alimlərinin proqnozlarına görə ölkə 15-17 kiçik dövlətə parçalana bilər. Bu variant Rusiyanın inersial inkişaf modeli zamanı ola bilər. Özü də həmin prosesin qarşısının alınmasının mümkün olmayacağını proqnozlaşdırırlar. Rəsmi Moskva bu varianta qarşı tədbirlərini bir neçə ildir ki, alır. O cümlədən, ölkənin iqtisadi inkişafına ciddi fikir verir. Bunlara baxmayaraq, Abxaziya və Güney Osetiya məsələsindən sonra Rusiyanın muxtar qurumlarında proseslərin separatizmə doğru meyllənə biləcəyi barədə proqnozlar artdı. İndi ABŞ-ın prezidenti ola biləcək siyasətçinin açıqca bu haqda danışması nəzərdən qaçmamalıdır.
Rusiyadakı muxtar qurumların müstəqillik sevdasına düşmələri üçün əsasları da vardır. Yaxın keçmişdə çeçenlərin müstəqillik hərəkatını çox amansız yatırdan rəsmi Moskva Abxaziya və Güney Osetiyada özünü tamam başqa cür apardı. Onların müstəqilliyini tanımaqla faktiki olaraq Qafqaz xalqlarını iki cəbhəyə ayırdı. Belə çıxır ki, Qafqazın cənubundakı xalqların müstəqil olmağa haqqı var, şimalında olanların isə yoxdur. Şimali Qafqazda aparılan hərbi əməliyyatların sərtliyi heç kəsin yadından çıxmayıb. Rusiya müstəqillik uğrunda mübarizə aparan bütün liderləri silahlı yolla məhv etdi. Qafqazın cənubunda isə tamam əks siyasət yeritdi. Odur ki, bu dalğanın təsirsiz ötüşəcəyini gözləmək olmaz. Həmin baxımdan rəsmi Vaşinqtonun Qafqaz da daxil olmaqla Rusiyadakı muxtar qurumlara ciddi dəstək verdiyi halda Kremlin işi çox olacaq.
Rusiyanın dövlət olaraq zəiflədilməsi prosesinin fond birjalarindakı durumun ağırlaşmasından başladığını təxmin edənlər vardır. Əgər həmin proses dərinləşsə, Rusiyanı doğurdan da çox ağır günlər gözləyir. O halda ölkə içində narazılığın artmasının qarşısını almaq çox çətin olacaqdır. Proseslərin ölkənin parçalanması mərhələsinə keçməsi ilə böyük fəlakətlərin başlayacağını gözləmək olar. Ona görə ki, Rusiya nəhəng dövlətdir və onun süqutu geniş məkanda təsirini göstərəcək. Bunların fonunda Con Makkeynin Amerikanı da risqə ata biləcəyini təxmin etmək olar.
Hər bir halda dünyanın iki böyük dövləti arasında ciddi savaşın başladığını deyə bilərik. Onların qarşılıqlı olaraq təzyiqləri müəyyən həddən sonra Qafqaz da daxil olmaqla böyük bir məkanda hərbi böhrana yol aça bilər. Amerikanın Gürcüstan məsələsinə görə Rusiya ilə sona qədər qavğa edəcəyini proqnozlaşdırırlar. Çünki məsələ həm də enerji təhlükəsizliyinə bağlıdır. ABŞ bu bölgədə təşəbbüsü əldən versə, bütövlükdə durumu ağırlaşacaq. OPEK ölkələri onun əleyhinə bəzi addımları atmaqda davam edirlər. Rusiyada dövlətçilik böhranının yaranması isə bir çox baxımdan yeni faktorları önə çıxarmış olur.
ABŞ-da prezidentliyə namizədlərdən birinin və dövlət katibinin Rusiyanı hədələməsi ictimai rəyə təsir etməyə də bağlı ola bilər. Bütün hallarda sözün elə-belə deyilmədiyini qəbul etmək lazım gəlir. Ona görə ki, tərəflər geosiyasi aspektdə çox qabağa gediblər.
Orxan Güneyli olaylar

Minsk qrupu səhnədən silinir

Minsk qrupu səhnədən silinir "ABŞ-la Rusiyanın Minsk qrupunda bir araya gələcəyi inandırıcı deyil"Rusiyanın Gürcüstana hərbi müdaxiləsindən sonra ATƏT-in Minsk qrupunun taleyi sual altına düşdüyü bir daha təsdiqlənib. Söhbət tək Minsk qrupunun amerikalı və fransalı həmsədrlərinin regiona ayrılıqda gəlməsindən, rusiyalı həmsədr Yuri Merzlyakodan isə xəbər olmamandan getmir. Düzdür, Minsk qrupunun fransalı həmsədri Bernar Fasie İrəvanda nikbin görünməyə çalışıb, regiona ayrı-ayrılıqda səfər etmələrini fərqli iş qrafiklərində çalışmalarıyla əlaqələndirib: "Təəssüf ki, gərgin iş qrafiki ilə əlaqədar biz regiona birgə səfər edə bilmədik. Amma bu, o demək deyil ki, həmsədrlər arasında sıx əməkdaşlıq hansısa dəyişikliklərə uğrayıb. Biz regiona səfərlərimizi öz aramızda razılaşdırmışıq.
Ramiz Mikayıloğlu
Nyu-Yorkda isə birgə görüş keçirməyi nəzərdə tuturuq". İrəvanda çox konstruktiv görüşlər keçirdiyini dilə gətirən Bernar Fasie bildirib ki, Ermənistan rəhbərliyi ATƏT-in Minsk qrupunun formatının dəyişdirilməsinin əleyhinədir. Ancaq Bernar Fasiedən fərqli olaraq, amerikalı həmsədr Metyu Brayza birmənalı və şərtlə danışıb. Bakıda keçirdiyi mətbuat konfransında o vurğulayıb ki, Gürcüstanda baş verən hadisələrdən sonra ATƏT-in Minsk qrupunun fəaliyyətinin əvvəlki qaydada davam etməsi mümkün deyil və Rusiya Dmitri Medvedyev-Nikolas Sarkozi razılaşmaları çərçivəsində öz öhdəliklərini yerinə yetirməlidir: "Əgər Rusiya Mixail Saakaşvili və Fransa prezidenti Nikola Sarkozi qarşısında üzərinə götürdüyü öhdəlikləri yerinə yetirsə, ümidvaram ki, biz Minsk qrupu çərçivəsində fəaliyyəti davam etdirə bilərik. Minsk qrupu əvvəllər necə fəaliyyət göstərirdisə, bu cür davam edə bilməz. Amma mən düşünürəm ki, biz Minsk qrupunun fəaliyyətinin bərpasına qayıtmaq yolundayıq. Rusiya da görür ki, onun atdığı addımlar beynəlxalq imicinə ziyan vurub". Onu da xatırladaq ki, Gürcüstan olaylarından sonra öncə ABŞ-ın vitse-prezidenti Riçard Çeyni, daha sonra Metyu Brayza, səfir Ann Dersi Vaşinqtonun Dağlıq Qarabağ münaqişəsinin Azərbaycanın ərazi bütövlüyü çərçivəsində həllini dəstəklədiyini söyləyib. Ona qədər belə açıq və birmənalı fikirlər dilə gətirilmirdi. Minsk qrupunun taleyilə bağlı fikirlərini öyrəndiyimiz "İnkişafa Baxış" Araşdırmalar Mərkəzinin rəhbəri Niyaz Qaraöynəli deyir ki, Minsk qrupu əvvəllər də effektiv fəaliyyət göstərməyib, bundan sonra effektiv fəaliyyət göstərəcəyinə inam isə daha da azalıb. Çünki həmsədr ölkələr arasında həmrəylik yoxdur, Cənubi Qafqazdakı qanlı hadisələrdən sonra onların ortaq məxrəcə gələcəyi inandırıcı görünmür. Onun sözlərinə görə, Fransa-Rusiya münasibətlərinin xarakteri ABŞ-Rusiya münasibətlərindən fərqlənir. Vaşinqton-Moskva münasibətləri daha kəskin xarakter alıb. Ona görə də ABŞ-la Rusiyanın Minsk qrupunda bir araya gələcəyi inandırıcı görünmür. Ancaq bununla belə, Vaşinqtonla Rusiyanın Minsk qrupunda bir araya gəlmələri ehtimalını tam istisna da saymaq olmaz. Çünki hər ikisinin Dağlıq Qarabağ məsələsində ortaq nöqtələri daha çoxdur: "Gürcüstan hadisələrindən sonra Qərbdəki analitik mərkəzlər, ekspertlər vurğulayırlar ki, bu cür münaqişəli bölgələrin "dondurulmuş" şəkildə qalması qorxulu, təhlükəli tendensiyaların başlanğıcı ola bilər. Ona görə də hazırda Minsk qrupunun ümumilikdə münaqişənin tənzimlənməsi prosesində təşəbbüsü gözə dəyməsə də, ayrı-ayrılıqda Bernar Fasie və Metyu Brayza Ermənistana, Azərbaycana gəlir, o cümlədən Dağlıq Qarabağdakı separatçı qurumun nümayəndələriylə görüşür. Türkiyə də fəallıq göstərir. Çalışırlar ki, bu sahədə müəyyən işlər görülsün, irəliləyişlər olsun". Niyaz Qaraöynəli onu da bildirdi ki, rəsmi Bakı Minsk qrupunun həmsədrlərinin fəaliyyətindən narazı qalsa belə, yeni format olmadığı üçün həmin qrup çərçivəsində müzakirələrə hazırdır. Rusiyaya gəlincə, "İnkişafa Baxış" Araşdırmalar Mərkəzinin rəhbəri dedi ki, Moskva xarici işlər naziri, prezident, o cümlədən hökumətə yaxın politoloqların dilindən vurğulamağa çalışır ki, Dağlıq Qarabağ münaqişəsi üçün Cənubi Osetiya və Abxaziya presedent ola bilməz. Amma Cənubi Osetiya və Abxaziyadakı separatçı rejimlərin tanınmasının özü də Azərbaycan üçün bir təzyiq vasitəsidir: "Qərbin vahid mövqeyinin olmaması Rusiyanın Gürcüstana təcavüzü zamanı özünü göstərdi. Ola bilsin ki, Qarabağ münaqişəsinə münasibətdə də Qərbin vahid mövqeyi yoxdur. Münaqişənin tənzimlənməsi prosesində hər kəs öz tərəfindən təşəbbüskar kimi çıxış etməyə çalışır. Daha çox isə erməniləri şirnikləndirməklə onları Rusiyanın təsirindən çıxarmaq siyasəti yürüdülür. İrəvanın bu mərhələdə qazanacaqlarına gəlincə, ola bilər ki, Ermənistan alternativ enerji koridorlarında iştirak etsin. Yəqin ki, ABŞ, Fransa və Türkiyə diplomatları bunu ermənilərə söyləyir. Rusiyanın məhz Minsk qrupu formatında aktivliyinin olmaması Moskvanın da bu qrupa maraq göstərmədiyinə işarə edir. Yəni Minsk qrupunun yaxın dövr üçün prespektivi görünmür. Məntiq də, hadisələrin gedişi də bunu ortaya qoyur. Yəqin ki, Minsk qrupunun bərpası da mümkün olmayacaq". Onun sözlərinə görə, Azərbaycan bu mərhələdə fəallıq göstərməklə Dağlıq Qaabağ münaqişəsində ikili standartların aradan qaldırılmasına nail ola bilər. Vitse-prezident Dik Çeyninin, Minsk qrupunun amerikalı həmsədrinin açıqlamaları göstərir ki, hazırda ABŞ-da belə qərara gəliblər ki, ərazi bütövlüyünü birmənalı dəstəkləmək lazımdır: "Amma Azərbaycanın ərazi bütövlüyü çərçivəsində Dağlıq Qarabağdakı separatçı rejimlə təmas, ümumiyyətlə, münaqişənin həlli hansı şəkildə olacaq, hələ aydın deyil. Yenə bizdə inam yoxdur ki, Vaşinqton ərazi bütövlüyümüzün bərpasını Azərbaycanın Dağlıq Qarabağ üzərində süverenliyinin tam bərpası şəklində görür. Məsələn, Minsk qrupunun bir neçə il əvvəl təklif etdiyi həll variantlarından biri o idi ki, müştərək dövlət yaradılsın. O halda Azərbaycan Dağlıq Qarabağa heç bir müdaxilə edə bilmirdi. Azərbaycan büdcəsindən Dağlıq Qarabağa pul ayrılmalı, amma Bakı həmin pulun xərclənməsinə nəzarət etməməli, ərazidə hər hansı polis qüvvəmiz olmamalı idi. Qarabağın statusu da beynəlxlq qüvvələr tərəfindən qorunmalıydı. Yəni formal şəkildə Azərbaycanın ərazi bütövlüyünü tanımaqla faktiki Dağlıq Qarabağ ermənilərinin müstəqilliyinin təminini nəzərdə tuturdular. Ola bilsin ki, ABŞ-ın yeni yanaşmasının da mahiyyətində bu durur. Yəqin ki, rəsmi Bakı belə variantla yenə razılaşmayacaq". xalqcebhesi

VAŞİNQTONDAN RUSİYAYA İKİ AÇIQ HƏDƏ GƏLDİ Rays Moskvanı

VAŞİNQTONDAN RUSİYAYA İKİ AÇIQ HƏDƏ GƏLDİ Rays Moskvanı “ağıllanmağa” çağırdı, Pentaqon rəhbəri isə “ABŞ sözlə yox silahla cavab verəcək” dedi
ABŞ dövlət katibi Kondoliza Rays Rusiya-Gürcüstan münaqişəsi başlayandan bu yana Moskvaya qarşı ən sərt bəyanatla çıxış edib. Raysın əvvəlcədən anons edilən çıxışı Vaşinqtondakı Transatlantik Siyasət Mərkəzi - Marşal Fondunda olub. O bəyan edib ki, Rusiya Gürcüstana müdaxilə etməklə özünə quyu qazıb, Cənubi Osetiya və Abxaziyanı müstəqil dövlət kimi tanımaqla bu quyunu daha da dərinləşdirib. Dövlət katibi deyib ki, ABŞ və Avropa birmənalı olaraq, Rusiyaya qonşu dövlətlərin müstəqillik və ərazi bütövlüyünü dəstəkləyir: “Biz Rusiyanın suveren ölkələrə və azad xalqlara qarşı təzyiq cəhdlərinin qarşısını alacağıq".Rays qeyd edib ki, hələ bir müddət öncə pozitiv mövqe nümayiş etdirən Moskvanın davranışı kəskin şəkildə dəyişib: “Ola bilsin ki, Rusiya üçün ən pisi onun özünün bundan sonra hansı istiqamətdə inkişaf edəcəyini bilməməsidir. Artıq ABŞ və Rusiya arasında dinc nüvə energetikası sahəsində əməkdaşlıq inkişaf etdirilməyəcək. Rusiyanın Ümumdünya Ticarət Təşkilatına, eləcə də İqtisadi Əməkdaşlıq və İnkişaf Təşkilatına üzvlüyü sual altındadır. Rusiyanın öz hərbi gücünü nümayiş etdirməsi tarixi geri döndərə bilməz. Rusiya suveren ölkələrlə münasibətlərini müəyyən etmək hüququna malikdir. Amma onlar da Rusiya ilə münasibətlərini müəyyən etmək hüququndadırlar”.ABŞ dövlət katibi Rusiyanın Gürcüstana müdaxiləsinin öz hədəfinə çatmadığını və heç bir zaman da çatmayacağını bəyan edib: “Rusiya rəhbərləri Gürcüstan hakimiyyətinin devrilməsi kimi əsas məqsədlərinə çata bilməyəcəklər. Bizim də vəzifəmiz Rusiya liderlərinə onların özünütəcrid və beynəlxalq uyğunsuzluq yoluna qədəm qoyduqlarını anlatmaqdan ibarətdir. Rusiyanın davranışında ən narahat edən məqam ondan ibarətdir ki, Moskva son illər inkişaf etməkdə olan davranış modelinə uyğunlaşıb. Suveren dövlətlərin daima alçaldılması, neft və qazdan siyasi silah kimi istifadə edilməsi, beynəlxalq razılaşmalardan birtərəfli qaydada çıxılması, nüvə silahını dinc xalqlara yönəltmək hədəsi, rusiyalı jurnalistlərin, dissidentlərin izlənilməsi, öldürülməsi... Belə bir davranış diqqətdən kənarda qalmayacaq və onların dünyaya meydan oxuması eşidiləcək”.Rays Rusiyanın müqavimətinin Ukrayna və Gürcüstanın NATO-ya qəbulu planlarına mane ola bilməyəcəyini də bəyan edib: “Əgər Rusiya xammal tədarükçüsü səviyyəsindən çıxmaq istəyirsə, sadə bir həqiqəti anlamalıdır: Rusiyanın uğurlu inkişafı dünyadan asılıdır və bununla heç nə etmək mümkün deyil”.Dövlət katibi “böyük səkkizlik” formatına da toxunaraq Rusiyanın artıq ciddiyə alınmadığını vurğulayıb: “Son zamanlar baş verənlər faktiki olaraq “səkkizlik” deyil, “yeddilik” idi. Məsələn, Gürcüstana maliyyə köməkliyi ilə bağlı maliyyə nazirlərinin görüşü yeddi ölkə çərçivəsində keçib. Son zamanlar atdığımız addımların çoxu da “yeddilik” çərçivəsində olub. Ümid edirəm ki, Rusiya Abxaziya və Cənubi Osetiyanı tanımaqla özünə qazdığı quyunu dərinləşdirməkdən əl çəkəcək”.Rays deyib ki, Amerika və Avropa Rusiyaya qonşu dövlətlərlə əlaqələrini möhkəmlədir. “Biz regionun daha bir münaqişəsi Dağlıq Qarabağ məsələsini həll etmək və dost ölkələr, Türkiyə kimi müttəfiqlərimizlə Qafqazda əməkdaşlıq fondu yaratmaq üzərində işləyirik”. Qafqazda enerji məsələsinə də toxunan dövlət katibi deyib: “Birləşmiş Ştatlar və Avropa böyük enerji müstəqilliyinə nail olmaq üçün Azərbaycan, Gürcüstan, Türkiyə və Xəzər ölkələri ilə əməkdaşlığı gücləndirir. Biz iqtisadiyyatda açıq qlobal enerji əməkdaşlığını genişləndirəcək və ziyanlı təcrübədən müdafiə edəcəyik. Hər şey tək Rusiya və ya bir başqasının qoyduğu qaydalara uyğun ola bilməz” . Rays vurğulayıb ki, Rusiyanın gələcəyi öz əlindədir. Onun sözlərinə görə, Gürcüstanla münaqişədən sonra Rusiyanın beynəlxalq aləmdəki mövqeyi 1991-ci ildəkindən də zəifləyib. Dövlət katibi Rusiyada avtoritar tendensiyaların gücləndiyini, xarici təcavüzkarlığın isə artdığını deyib.ABŞ dövlət katibinin bu çıxışına Rusiyanın xarici işlər naziri Sergey Lavrov deyib ki, xanım Rays onsuz da hər şeyi bilir. Baş nazir Vladimir Putin isə dünənki yumşaq tondakı çıxışında Qərblə “soyuq müharibə”nin mümkünlüyünü rədd edib. O deyib ki, ölkəsinin dünyaya inteqrasiya etməsini istəyir. Putin bildirib ki, ölkəni “soyuq müharibə” vaxtlarına geri qaytarmaq Rusiyanın iqtisadi müasirləşdirmə layihəsinə birbaşa hədədir.Qərb mətbuatı isə yazır ki, NATO ölkələri Rusiyanın alyansa üzv ölkələrdən hansısa birinə mümkün hərbi müdaxiləsinə cavab olaraq tədbirlər hazırlayır. Bura Rusiyaya qarşı istifadə oluna biləcək mobil hərbi qüvvələr daxildir. Amerikanın müdafiə naziri Robert Geyts isə Rusiya prezidenti Dmitri Medvedyevin bu günlərdə verdiyi “Gürcüstan NATO üzvü olsa belə, hücum etməkdən çəkinmərik” bəyanatına münasibət bildirərək deyib ki, Rusiya NATO-nun siyasi klub yox, hərbi blok olduğunu nəzərə almalıdır: “Ona görə də əgər Gürcüstan NATO üzvü olsa və Rusiya ona hücum etsə, ABŞ sözlə yox, silahla cavab verəcək.” Xəbər verildiyi kimi, Rusiya iqtisadiyyatı hazırda çox ciddi böhranla üzləşib və bunun səbələrindən biri Gürcüstana müdaxilədir. Çünki Qərb investorları sürətlə kapitallarını Rusiyadan çıxarır, digər tərəfdən isə Amerikanın maliyyə bazarlarında baş verən mürəkkəb proseslərin fonunda Rusiya müəssisələrinin səhmləri sürətlə dəyərdən düşür. ABŞ mətbuatı və rəsmiləri açıq deyirlər ki, Rusiya iqtisadiyyatındakı böhran Gürcüstana qarşı edilənlərə cavabdır.F.MƏMMƏDOV musavat

Türkiyə, Azərbaycan və Ermənistan xarici işlər nazirləri sentyabrın 25-26-da görüşəcəklər

Türkiyə, Azərbaycan və Ermənistan xarici işlər nazirləri sentyabrın 25-26-da görüşəcəklərƏli Babacan, Elmar Məmmədyarov və Edvard Nalbadyanın görüşü BMT Baş Assambleyasının 63-cü sessiyası çərçivəsində baş tutacaq Türkiyə, Azərbaycan və Ermənistanın xarici işlər nazirləri Əli Babacan, Elmar Məmmədyarov və Edvard Nalbandyan sentyabrın 25-26-da görüşəcəklər. Bu barədə məlumatı CNNtürk kanalı yayıb. Görüş BMT Baş Assambleyasının Nyu - Yorkda keçiriləcək 63 - cü sessiyası çərçivəsində baş tutacaq. Görüşün keçirilməsinə təşəbbüs isə Türkiyə xarici siyasət idarəsinin rəhbəri Əli Babacandan gəlib. Babacan əvvəlcə Azərbaycanın xarici işlər naziri Elmar Məmmədyarovla, daha sonra ermənistanlı həmkarı Edvard Nalbandyanla danışıqlar aparacaq. Bu görüşlərdən sonra hər üç nazir Qarabağ məsələsini üçtərəfli görüş çərçivəsində birgə müzakirə edəcək./ANS TV/

Ermənilər Qarabağdan qaçır

Ermənilər Qarabağdan qaçır Akif Nağı: "Azərbaycanın işğal olunmuş torpaqlarında ermənilərin məskunlaşdırılmasıyla bağlı rəsmi İrəvanın siyasəti iflasa uğrayıb"
Ermənistanın Dağlıq Qarabağda etnik ermənilərin məskunlaşdırılması ilə bağlı apardığı siyasət artıq iflasa uğrayıb. Ermənistan mətbuatının yaydığı məlumata görə, separatçı regimin işğal olunmuş ərazilərdə məskunlaşdırdığı ermənilərin bir qismi köçərək gəldikləri ölkələrə qayıdıblar. Bəzi erməni mətbuat orqanları həyəcan təbili çalaraq, bu ilin əvvəlindən 200-dən artıq ailənin köç etməsini təhlükəli amil sayıblar. Qarabağ Azadlıq Təşkilatının (QAT) sədri Akif Nağı erməni mətbuatının yaydığı məlumatlarda müəyyən həqiqət olduğunu bildirdi. Onun sözlərinə görə, ermənilərin köçünün əsas hissəsi hələ qabaqdadır: "Adətən, Dağlıq Qarabağın əhalisilə bağlı erməni mətbuatının verdiyi məlumatlar həmişə saxtalaşdırılıb.
Tural
Yəni bu kimi informasiyalar yayılarkən çox vaxt ziddiyyətlərin şahidi oluruq. Bu ilin əvvəli üçün qondarma rejimin statistika idarəsi belə bir məlumat yaydı ki, guya Dağlıq Qarabağdakı ermənilərin sayı 137 min nəfərdir. Bu rəqəmin özü də ciddi şübhə doğurur. Bu saxtalaşdırılmış informasiya göstərir ki, Ermənistan və Dağlıq Qarabağdakı separatçı rejim rəhbərlərinin vaxtaşırı belə məlumatlarla çıxış etməsi müəyyən bir siyasi xəttə yönəlib". QAT sədri bildirdi ki, erməni rəsmiləri Dağlıq Qarabağda 137 min erməninin yaşaması məsələsini gündəmə gətirməklə, cəmiyyətə çatdırmaq istəyir ki, guya münaqişə başlayandan sonra burada məskunlaşan ermənilərin sayı artıb: "Rəsmi məlumatlara görə, Dağlıq Qarabağa köçən ermənilərə imtiyazlı şərait yaradılır və torpaq sahələri ayrılır. Vergilərdən azad olunan bu "köçkünlərə" birdəfəlik maliyyə yardımları da göstərilir. Eyni zamanda Dağlıq Qarabağda yaşayan erməni ailələrinin hesabına hər doğulan uşaq üçün müəyyən məbləğdə pul keçirilir". Bütün bunlara baxmayaraq, beynəlxalq müşahidəçilər dəfələrlə bildiriblər ki, Dağlıq Qarabağın ərazisində yaşayış yox dərəcəsindədir. Məskunlaşmanın sıxlığı nisbətən Xankəndində çoxdur və Şuşada isə yaşayış həddindən artıq azdır. Bəzi beynəlxalq təşkilatların nümayəndələri bu rəqəmin beş min nəfər olduğunu deyirdilər: "Amma "Qarabağ-Çernıy sad" kitabının müəllifi Tomas de Vaal bildirib ki, Şuşada yaşayan əhali iki min nəfərdən artıq deyil və heç kim də bu ərazilərə gəlib yaşamağa, tikintilər aparmağa maraq göstərmir. Yəni bütün bunların hamısı onu deməyə əsas verir ki, Azərbaycanın işğal olunmuş ərazilərində məskunlaşdırılmış ermənilər ağır iqtisadi sıxıntılar içərisindədir. Bu qondarma qurum isə xarici donorların və ya Ermənistanın hesabına çox yaşaya bilməz. Ümumiyyətlə, Dağlıq Qarabağdakı separatçı qurumun büdcəsi Ermənistan və ABŞ formalaşdırır. Bu faktı beynəlxalq təşkilatlar da təsdiqləyiblər. Dağlıq Qarabağdakı separatçı rejimin illik büdcəsi təxminən 60-70 milyon dollar həcmindədir. Bunun yarısını isə Ermənistan öz büdcəsindən ayırır. Müəyyən məbləği isə ABŞ hökuməti Konqresin qərarıyla yardım şəkilində verir. Belə xarici maliyyə hesabına bu regionda uzun müddət hansısa məskunlaşmış insanları saxlamaq mümkün deyil. Bütün bu problemlər aldadılmış ermənilərin Dağlıq Qarabağı tərk etməsinə təkan verir". Akif Nağı dedi ki, Ermənistanın hüquq müdafiəçiləri də təsdiqləyiblər ki, Dağlıq Qarabağdan köçmək çox böyük problemə çevrilib. Yəni bu ərazilərdə xüsusi rejim yaradılıb, postlar qurulub ki, buradakı ermənilər məskunlaşdıqları əraziləri sərbəst şəkildə tərk etməsinlər: "Bu postlardan keçmək üçün ermənilər külli miqdarda rüşvət verməlidir. Qısası, işğal olunmuş ərazilərdən axın həmişə olub. İndi bu axının sürətlənməsi iqtisadi problemlərin həddindən artıq çox olmasıyla bağlıdır. Ermənilər vədlərin həyata keçirilməsini gözləməkdən beziblər. Digər səbəb isə bu ərazilərdə məskunlaşmış ermənilər Azərbaycanın hərbi gücünün artmasını və rəsmi Bakının öz mövqeyindən geri çəkilmədiyini görürlər. Bu ermənilərdə artıq belə fikir formalaşır ki, gec-tez azərbaycanlılar öz torpaqlarına qayıdacaqlar. Bu torpaqlarda müvəqqəti olduqlarını anlayan ermənilər öz işlərini indidən bilir və qaçmağa üstünlük verirlər. Nə qədər güzəştli şərtlər qoysalar da, bu gün işğal olunmuş ərazilərə erməni gətirmək ciddi problemə çevrilib. Hətta torpaq özəlləşdirilsə də, bu mülkiyyəti müəyyən şərtlərlə verirlər. Amma Laçın rayonunun ərazisində kənardan gələnlərə qeyd-şərtsiz daimi mülkiyyət verirlər. Burada on minə qədər erməni əhalisi yaşayır ki, onların da sosial problemləri çoxdur. Qısası, məskunlaşma ilə bağlı rəsmi İrəvanın apardığı siyasət iflasa uğrayıb". xalqcebhesi

"Dağlıq Qarabağ münaqişəsini həll etmək istəyirik

"Dağlıq Qarabağ münaqişəsini həll etmək istəyirik" Kondaliza Rays: "Türkiyə kimi müttəfiqlərimizlə Qafqazda əməkdaşlıq fondu yaratmaq üzərində işləyirik"
ABŞ-ın dövlət katibi Kondoliza Rays Transatlantik Siyasət Mərkəzi-Marşall Fondunda çıxışında bir sıra diqqət çəkən bəyanatlar səsləndirib. O deyib ki, ABŞ və Avropa birmənalı olaraq Rusiyaya qonşu dövlətlərin müstəqillik və ərazi bütövlüyünü dəstəkləyir. Dövlət katibi vurğulayıb ki, Vaşinqton Moskvanın suveren ölkələrə və azad xalqlara qarşı təzyiq cəhdlərinin qarşısını alacaq. ABŞ və Avropa həmin qonşu dövlətlərlə əlaqələrini möhkəmlədir: "Biz regionun daha bir münaqişəsini-Dağlıq Qarabağ məsələsini həll etmək istəyirik və dost ölkələr, Türkiyə kimi müttəfiqlərimizlə Qafqazda əməkdaşlıq fondu yaratmaq üzərində işləyirik".
Rəvan Məmmədli
Qafqazda enerji məsələsinə də toxunan dövlət katibi bildirib ki, ABŞ və Avropa böyük enerji müstəqilliyinə nail olmaq üçün Azərbaycan, Gürcüstan, Türkiyə və Xəzər ölkələri ilə əməkdaşlığı gücləndirir: "Biz iqtisadiyyatda açıq qlobal enerjini genişləndirəcək və ziyanlı təcrübədən müdafiə edəcəyik. Hər şey tək Rusiya və ya bir başqasının qoyduğu qaydalara uyğun ola bilməz"."Rusiyanın gələcəyi Rusiyanın öz əlindədir",- deyən Kondaliza Rays Gürcüstanla münaqişədən sonra Rusiyanın beynəlxalq aləmdəki mövqeyinin 1991-ci ildəki ilə müqayisədə zəiflədiyini söyləyib. Dövlət katibi Rusiyada avtoritar tendensiyaların gücləndiyini, xarici təcavüzkarlığın isə artdığını bildirib. Dövlət katibinə görə, Rusiya avqustun 7-də Gürcüstan ərazisinə müdaxilə etməklə çox uzağa gedib: "Gürcüstana hücum Rusiya rəhbərlərinin apardıqları siyasətin mahiyyətini açıb və Qərblə Rusiyanın münasibətlərini böhran həddinə çatdırıb. Bu cür münasibət rus xalqının da marağına ziddir, çünki ölkə iqtisadiyyatına da zərbə endirmiş olur".Kondaliza Rays onu da vurğulayıb ki, Gürcüstanın müdafiəsi məsələsində Avropa və Amerika tamamilə yekdildir. Rusiya liderlərinin öz xalqları üzərinə ağır iqtisadi yük qoyduğunu dilə gətirən dövlət katibi bu ölkənin Ümumdünya Ticarət Təşkilatına üzvlüyə qəbulunun ciddi sual altında qaldığı qənaətindədir. Onun fikrincə, eyni sözləri İqtisadi Əməkdaşlıq və İnkişaf Təşkilatına da aid etmək olar: "Dmitri Medvedyev və Vladimir Putinin qəbul etdiyi qərarlar iqtisadiyyatı bərbad vəziyyətə saldıqca onların xalq arasındakı populyarlığı da itəcək. Bizim indi strateji məqsədimiz Rusiya liderlərinə izah etməkdir ki, onların qərarları Rusiyanı özünütəcridə və beynəlxalq yadlaşmaya aparır. Onu da deyim ki, Moskvanın Gürcüstan müharibəsindəki əsas məqsədinə - orada hökuməti devirmək məqsədinə nail olmasına heç vaxt imkan verilməyəcək". xalqcebhesi

«Əsrin müqaviləsi»nin imzalanmasından 14 il ötür

«Əsrin müqaviləsi»nin imzalanmasından 14 il ötürBu gün Azərbaycan neftçilərinin peşə bayramıdır Bu gün əsrin müqaviləsindən 14 il ötür. Bu gün həm də Azərbaycan neftçilərinin peşə bayramıdır. Tarix boyu neft ölkəsi kimi tanınan Azərbaycanda neft istehsalı XX əsrdə daha da inkişaf edib. 1994-cü il sentyabrın 20-də isə «Əsrin neft müqaviləsi» imzalanandan sonra yeni neft strategiyası və doktrina da irəli sürülüb. Qeyd edək ki, 1994-cı ilin 20 sentyabrında Gülüstan sarayında Amerikanın «Amoko», «Yunokal», «Pennzoil», «Makdermott», Böyük Britaniyanın «British Petroleum» və «Ramko», Norveçin «Statoil», Rusiyanın «Lukoil», Türkiyənin «Türk Petrolları», Səudiyyə Ərəbistanın «Delta» şirkətinin yaratdığı konsorsium əsasında Azərbaycan Dövlət Neft Şirkəti Xəzər dənizinin Azərbaycan sektorundakı Azəri-Çıraq yataqlarının və Günəşli yatağının dərinlikdə yerləşən hissəsinin birlikdə işlənməsi və neft hasilatının pay bölgüsü haqqında «Əsrin neft müqaviləsi» adlı saziş imzaladı./ANS TV/

Türkiyə prezidentinin ABŞ-a səfəri başlayır

Türkiyə prezidentinin ABŞ-a səfəri başlayır
Bu gün(20 sentyabr) Türkiyə prezidenti Abdullah Gülün ABŞ-a səfəri başlayır. Səfərdə əsas məqsəd BMT Baş Assambleyanın iclaslarında iştirak etməkdir. Türkiyənin xarici işlər naziri Əli Babacan isə BMT Təhlükəsizlik Şurasının sesiyasına qatılmaq üçün artıq dünəndən Nyu-Yorkdadır. Sentyabrın 22-də və 26-da Gül və Babacanın BMT Baş Assambleyası çərçivəsində ikitərəfli və çoxtərəfli görüşləri nəzərdə tutulub. lidertv---------------------------------------------------------------------Soydaşlarımız müasir məktəblərdə təhsil alacaq
Gürcüstanın Kvemo-Kartli bölgəsində yeni məktəb tikilərək soydaşlarımızın ixtiyarına verilib. Yarım milyon lariyə başa gələn məktəb binası müasir avadanlıqlarla təchiz edilib. Marneuli rayonunun Mollaoğlu kəndində inşa edilən yeni məktəb binasının açılışında Gürcüstanın birinci xanımı Sandra Rulovs da iştirak etdi. Yeni avadanlıq və kompüterlərlə təchiz edilən məktəbin Kvemo-Kartlidə analoqu yoxdur. Ümumiyyətlə isə təhsil nazirliyi son üç ildə 700 məktəbi təmir edib. Daha 32 – si yenidən inşa edilib. Lakin işlər bununla bitmir. Gürcüstanın birinci xanımı Sandra Rulovs soydaşlarımız üçün ali məktəblərə qəbul imtahanlarının asanlaşdırılacağını bildirdi. Soydaşlırımızın xaricdə təhsil proqramına qoşulacağı gün də uzaqda deyil. Onların gürcü cəmiyyətinə inteqrasiyası dövlət dilini nə dərəcədə bilmələrindən çox asılıdır. Bu istiqamətdə də işlər aparılır. Amma təhsil sahəsində hələ xeyli problem var - deyən səfir Namiq Əliyev məsələnin tez bir zamanda həllini tapacağını bildirdi. Çünki, Azərbaycan dövləti Gürcüstanda yaşayan soydaşlarımızın problemlərini daim diqqətdə saxlayır.

Yeni aksiyalara yeni taktika ilə

Yeni aksiyalara yeni taktika ilə
Ermənistan prezidenti Serj Sərkisyan uğursuzluq zolağından çıxa bilmir. Hakimiyyət ölkədə hökm sürən siyasi-iqtisadi böhran qarşısında aciz qalıb. 5 aydan çox hakimiyyətdə olmasına baxmayaraq, Sərkisyan yalnız bir dəfə - Rusiyaya rəsmi səfər edib. Bu da onun beynəlxalq aləmdə hansı nüfuza malik olmasından xəbər verir. Belə bəyanatla erməni konqresinin mətbuat katibi Arman Musinyan keçirdiyi mətbuat konfransında çıxış edib. «15 sentyabrda Yerevan meriyası erməni milli konqresinə şəhərin mərkəzində mitinq keçirməsinə icazə verməsinə baxmayaraq paytaxtda bir neçə ərazini çıxmaq şərti ilə bütün regionlarda polis əməkdaşları gücləndirilmiş iş rejmində çalışıb. Yerevanın giriş və çıxışı polisin nəzarətində olduğundan mitinqə gəlmək istəyənlərin çoxu şəhərə buraxılmayıb». Bunu erməni milli konqresinin mətubat katibi arman musinyan keçirdiyi mətbuat konfransında deyib. Onun sözlərinə görə, mitiniq başlamazdan əvvəl polisin aksiyaçılara zor tətbiq etməsi ilə bağlı müxalifət danılmaz faktlara malikdir. Bu cür zorakılıq halları əsasən gənclərə qarşı həyata keçrilib. «Biz artıq görürdük ki, hakimiyyət təxribata gedir. Ona görədə hakimiyyətin tələsinə düşmədik. Gələnlərlə kifayətlənib mitiniqi keçirdik. Yürüşü isə təxirə saldıq». Mətbuat katibinin sözlərinə görə, hakimiyyət keçən aksiyada öz iç üzünü bir daha açıb göstərdi. Bütün maneələrə baxmayaraq biz istəyimizə nail olduq. Musinyan bildirib ki, Ermənistanda terror dövlət səviyyəsində həyata keçrilir. Bu məsələni nəzərə alıb müxalifət keçrilən aksiyalarda insanların təhlükəsizliyini təmin etmək üçün strategiya hazırlayır. Sözügedən startegiyada hansı nüansların əks olunmasına gəlincə müxalifət funksioneri bu barədə yaxın vaxtlarada jurnalistlərə məlumat veriləcəyini bildirib. Onun sözlərinə görə, sentyabrın 26 da keçriləcək aksiyaya qədər müxalifət hakimiyyətin bütün taktikaları üzrə hazırlıq tədbirlərini başa çatdıracaq.

Enerji təhlükəsizliyi məsələsi ön plana çıxıb

Enerji təhlükəsizliyi məsələsi ön plana çıxıb
Aydın Ağayev: "ABŞ başda olmaqla Qərb ölkələri Azərbaycanın vacib ölkə olduğunu başa düşüb"Ötən gün xarici işlər naziri Elmar Məmmədyarovla Brüsseldə görüşən NATO-ya üzv ölkələrin səfirləri çıxışlarında Azərbaycanın ərazi bütövlüyünü birmənalı dəstəklədiklərini bildiriblər. Brüsselə səfəri çərçivəsində Elmar Məmmədyarov Avropa Komissiyasının Xarici Əlaqələr və Avropa Qonşuluq Siyasəti üzrə Komissarı xanım Benita Ferrero-Valdnerlə də görüş keçirib. Görüşdə Avropa Qonşuluq Siyasəti çərçivəsində Avropa Birliyi-Azərbaycan arasında imzalanmış Fəaliyyət Planının həyata keçirilməsi, Avropa Birliyi və Azərbaycan cari münasibətləri, regional proseslər, Ermənistan-Azərbaycan münaqişəsi, enerji təhlükəsizliyi və digər bu kimi məsələlər müzakirəyə çıxarılıb.
Ramiz Mikayıloğlu
Elmar MəmmədyarovErmənistan-Azərbaycan münaqişəsi haqqında danışaraq onun yalnız Azərbaycanın ərazi bütövlüyü çərçivəsində həllinin mümkün olduğunu söyləyib. Xanım Ferrero-Valdner isə Avropa Birliyinin Azərbaycanın ərazi bütövlüyünü birmənalı dəstəklədiyini deyib.Qeyd edək ki, az əvvəl Bakıda səfərdə olan ABŞ-ın vitse-prezidenti Riçard Çeyni, daha sonra ATƏT-in Minsk qrupunun amerikalı həmsədri Metyu Brayza və səfir Ann Dersi də Vaşinqtonun münaqişənin Azərbaycanın ərazi bütövlüyü çərçivəsində həllini dəstəklədiklərini bəyanlayıblar. Bütün bunlar isə diqqət çəkməyə bilməz. Çünki son vaxtlara kimi Qərbdə Dağlıq Qarabağ münaqişəsinin mütləq Azərbaycanın ərazi bütövlüyü çərçivəsində həllini gərəkliyilə bağlı bəyanatlar səslənməyib. Sadəcə, "Azərbaycanın ərazi bütövlüyünü dəstəkləyirik" ümumi sözlər dilə gətirilib. Bəs Qərbin Azərbaycanın maraqlarına uyğun, ədalətli görünən mövqe dəyişikliyi nədən qaynaqlanır? Milli Məclisin Analitik İnformasiya şöbəsinin müdiri Aydın Ağayev deyir ki, Azərbaycan uzun illər Qərbdən və digər güc mərkəzlərindən Qarabağ probleminə ədalətli yanaşma tələb edib. Amma həmin dövlətlərin təmsilçilərinin hər dəfə müxtəlif yerlərdə, müxtəlif məzmunlu bəyanatları eşidilib. Bakı da həmin güc mərkəzlərini, o cümlədən, Qərbi ikili standartlarda günahlandırıb. Yəni Azərbaycan ikili standartlardan kifayət qədər əziyyət çəkib: "Görünür elə bir məqam gəlməliydi ki, Qərbi, ABŞ-ı belə danışmağa onların öz mənafeyi məcbur edəydi. Yəni bu aspekdə özlərinin maraqlarını düşünməyə başlayaydılar və az-çox ədalətə, həqiqətə oxşar mövqe ortaya qoyaydılar. Belə davranışın səbəbləri də aydındır. Yeni situasiyada ABŞ başda olmaqla Qərb ölkələri Azərbaycanın onlar üçün nə dərəcədə vacib olduğunu başa düşüb". Aydın Ağayev bildirdi ki, öncədən də Qərbə Qarabağ münaqişəsində ədalətin kimin tərəfində olduğu da bəlliydi. Bilirdilər ki, Azərbaycan haqsızlığa məruz qalıb, torpaqları işğal olunub: "Amma bunu etiraf edərək dilə gətirmək sahəsində problem vardı. İndi guya biz həmin problemin aradan qalxmasının başlanğıcını görürük. Allah etsin ki, Qərbin bu mövqeyi möhkəmlənsin və konkret əməli fəaliyyətlə müşahidə olunsun. Ancaq yenə mənim şübhələrim var. Çünki münaqişənin həllinin yaxınlaşdırılması üçün Ermənistana təzyiqlərin göstərilməsinin gərəkliyindən söhbət gedəndə yenə də deyirlər ki, təzyiq etmək imkanları yoxdur. Metyu Brayza da Ermənistana ABŞ-ın təzyiq etmək imkanlarının olmadığını söyləyib. Necə təzyiq etmək imkanı yoxdur? Kifayət qədər imkanlar var, sadəcə, bunun üçün siyasi iradə lazımdır. Ona görə də Qərbin ikili standartlardan uzaqlaşması kimi fikirlərin səsləndirilməsinə mən bir az ehtiyatla yanaşıram".Qərbin Dağlıq Qarabağ münaqişəsinə münasibətdə ikili standartlardan uzaqlaşması meylinin konkret səbəblərinə gəlincə, Aydın Ağayev dedi ki, artıq enerji təhlükəsizliyi və Azərbaycanın geostrateji mövqeyi ön plana çıxıb. Gürcüstan hadisələri göstərib ki, Qərbin 1997-ci ildən Azərbaycandan apardığı enerji resurslarının nəqli siyasəti nə qədər kövrəkdir. Son olaylara qədər ABŞ və Avropa dövlətləri bu barədə düşünmürdülər. Amma Gürcüstan hadisələri fərqli reallığı ortaya qoyub: "Enerji marşrutlarının müxtəlifliyi məsələsində əvvəllər ABŞ fəallıq göstərirdi, Avropa dövlətləri passiv idi. İndi Avropa təşvişə düşüb. Ona görə gündə bir yerdə yığışırlar nə cür etsinlər ki, "Nabucco" kimi yeni layihələri də işə salsınlar. Bu təşvişi əvvəldən göstərmək lazım idi. Yeni imkanlardan Avropa yararlandı. Ancaq hadisələr göstərdi ki, yaranmış və gələcəkdə yaranacaq təhlükələrə Qərb hazır deyil. Yəni oturub fikirləşməlidirlər. Digər tərəfən, şəksiz ki, öz enerji resursları və geostrateji mövqeyinə görə xüsusilə əhəmiyyətlidirsə, Azərbaycanın da səsini eşitməlidirlər". Analitik İnformasiya şöbəsinin müdiri bir müddət əvvəl Bakıda keçirilən və Avropa Parlamentinin təmsilçilərinin də qatıldığı konfransı xatırlatdı. Həmin konfransda ilk dəfə Azərbaycanın haqlı mövqeyi tam müdafiə olunub: "İnanmaq istərdim ki, Avropaya qayıdanda da eyni mövqeni təbliğ etsinlər". Analitik İnformasiya şöbəsinin müdiri dedi ki, Rusiya amili nəzərə alınarsa, yəni Moskva da analoji bəyanat və mövqe sərgiləyərsə, ümumilikdə prosesdə konstruktiv işartılar görünə bilər. Çünki hazırda Moskva dünyada bütün istiqamətlərdə öz fəallığını artırır. Bunun nə qədər belə davam edəcəyini söyləmək çətindir. Amma kiçik Cənubi Qafqaz regionu üçün Rusiya çox ağır bir amildir. Xüsusən, Moskva əlinə düşmüş fürsətdən maksimum yararlanmaq istəyir: "Ona görə də Azərbaycan məsələsində Qərb Rusiya amilini nəzərə almalıdır". xalqcebhesi

Məhəmmədhüseyn Şəhriyarın vəfatının 20-ci ildönümü qeyd olunub

Məhəmmədhüseyn Şəhriyarın vəfatının 20-ci ildönümü qeyd olunub
Məhəmmədhüseyn Şəhriyarın vəfatının 20-ci ildönümü qeyd olunub [ 18 Sentyabr 2008 18:53 ] Bakı. Ülkər Qasımova-APA. Bu gün Azərbaycan Kinematoqrafçılar İttifaqında Məhəmmədhüseyn Şəhriyarın vəfatının 20 illiyi ilə əlaqədar xatirə gecəsi keçirilib. APA-nın məlumatına görə, Azərbaycan Kinematoqrafçılar İttifaqının katibi Abbas Əliyev Şəhriyarın Azərbaycan ədəbiyyatındakı, ana dilli poeziyasındakı xidmətlərindən danışıb. Əməkdar incsənət xadimi, rejissor Ənvər Əbluc isə şairin həyat və yaradığılığını əks etdirən “Məhəmmədhüseyn Şəhriyar” adlı televiyza filmini hazırladığını bildirib. Tədbirdə təqdimatı keçirilən film “Azərbaycantelefilm” Yaradıcılıq Birliyində istehsal olunub.

BİLDİRİŞ: Göteborgda miting Bazar günü -21 Sentyabr 2008 saat13-dən 14-də

BİLDİRİŞ: Göteborgda miting Bazar günü -21 Sentyabr 2008 saat13-dən 14-də
Fars şovinizminin rəsmi əritmə siyasətinə və milli aktivistlərin tutuqlanmasına qarşı var gücümüzü ortaya qoymalıyıq.
Mehr ayının 1-ci günü Güney Azərbaycan oxullarında milli əritmə siyasətinin rəsmi başlanqıcıdır.
Dəyərli soydaşlar!
Bildiyiniz kimi, hər Günəş ilinin Mehr ayının 1-ci günü (21.09), İran adlanan ölkənin yeni təhsil günüdür. Bu gündən başlayaraq fars olmayan milyonlar uşaq və gəncin ürək istəyi və ana haqlarına baxmayaraq yalnızca Fars dilində təhsil almaq zorunda qalmaqdadırlar. 100-ilə yaxındır ki, Fars faşist rejiminin bu rəsmi əritmə siyasəti səssiz soyqırım (Etnosit) kimi sürməkdə dəvam edir.
Dünyada insan haqları ilə bağlı bütün etibarlı anlaşmaların təməl maddələrini ana dilində eytim alma haqqı təşkil edir. Bu haq dünyada qabul olunmuş ən ilkin insan haqqı sayılsa da, fars faşıst rejimi tərəfindən gobudcasına çeynənməkdədir. Rejim hər bir bahanayla qeyri fars millətləri öz ana dilindən uzaq tutmaq üçün etnik düşünürləri ən ağır təzyiqlərlə üz-üzə qoymaqdan çəkinməyir.
Panfaşist Fars rejimi 100-lərlə Güney aktivistini, yazarını, öyrəncisini və insan haqları ilə bağlı müdafiəçilərini evlərində, iş yerlərindən oğurlayaraq bəlirsiz yerlərdə işkəncələrə məruz qoymaqdadır. Son günlərdə farsçı rejim tərəfindən tutuqlanan Güney Azərbaycanın çox tanınmış milli fəallarından olan Əlirza Sərrafi, Həsən Raşidi, Əkbər Azad, Səid Muğanlı, Abbas naimi, Əkrəm Nəccari, Mehdi Nəimi, Səccad Radmehr, Fəraz Zehtab, Aydın Xacei, Daryuş Hatəmi (Elçin), Mənsur Əminiyan , Amir Mardani,Məqsud Əhdi, Məcid Makuyizad ,sayid mahamadi, sayyad Mohamadiyan,Hasan rahimi bayat, kimi şəzsiyyətlərin bu gərçəyin aydın göstərcəsidir.
Məzhəb örtüyü altında gizlənən farsçı rejim, bu son basqılarla, Azərbaycan Milli Hərəkatı qarşısında dərin çarəsizliyini bir daha göstərmiş oldu.
Bugün zindanlarda Azərbaycanın igid mübarizleri Abbas lisani ,Azim Qadimi və Elman Nurilər zindan və hədə qorxu taktiklərin , etgisiz olmasının böyük örnəkləridirlər Sayqı dəyər soydaşlar:
Fars mulla rejiminin millətimizə qarşı planlarını məhkum və ifşa etmək üçün hərəkət etməliyik. Bu bağlantıda biz, İsveçin Göteborg şəhərində yaşayan Azərbaycanılar əl- ələ verərək ulu millətimizin haqlı səsini dünya ictimaiyyətinə çatdımaq üçün bir miting təşkil edərək bütün demokrat və azadlıq sevər insanları bu toplantıya dəvət edirik. Umarıq bizim bu ricamız zamanı və imkanı olan soydaşlar tərəfindən olumlu qarşılansın.
Yer : Götenborg şəhərinin mərkəzi- Femman Huset,in qarşisi Çağ: Bazar günü -21 Sentyabr 2008 saat13-dən 14-də
Oyanış dərnəyi Babək- Azərbaycan kurslar derneyi Qadinlar dərnəyi Yanar Təbriz dərnəyi

AXCP-dən kütləvi istefalar var

AXCP-dən kütləvi istefalar var

Azərbaycan Xalq Cəbhəsi Partiyası Ali Məclisinin sədri Qulamhüseyn Əlibəylinin partiya sıralarından istefa verməsindən sonra paytaxt və yerlərdə AXCP-dən qopmalar başlayıb.
“OLAYLAR”İA-ya daxil olan məlumata görə, partiyanın Qobustan rayon təşkilatından Ali Məclisin üzvü olan Məzahir Qayıbov bir qrup tərəfdarı ilə AXCP-dən istefa verib. Bununla bağlı bəyanat yayan keçmiş cəbhəçilər Qulamhüseyn Əlibəylinin tərəfinə keçdiklərini və onun seçki kampaniyasında yaxından iştirak edəcəklərini bildiriblər.
Bəyanat müəllifləri partiyadan istefa vermələrinin səbəblərini AXCP-nin son illərdə uğursuz siyasət aparması ilə əlaqələndiriblər.

Mahmud Əhmədinejad İrana qarşı yeni sanksiyalar məsələsini zəiflik əlaməti kimi qiymətləndirib

Mahmud Əhmədinejad İrana qarşı yeni sanksiyalar məsələsini zəiflik əlaməti kimi qiymətləndirib
İran prezidenti Mahmud Əhmədinejad İranın mübashiəli nüvə proqramı ilə bağlı yeni sanksiyalar haqda danışıqları zəiflik əlaməti kimi qiymətləndirib. Bu gün dövlət televiziyasında çıxış edən cənab Əhmədinejad deyib ki, Tehran nüvə fəaliyyətlərini davam etdirəcək. Onun sözlərinə görə, Beynəlxalq Atom Enerjisi Agentliyinin bu həftə açıqladığı hesabatda İranın nüvə fəaliyyətlərinin dinc mahiyyət daşıdığı aydın bildirilir. BMT-nin Nüvə Agentliyi bildirib ki, İranın Tehranın nüvə silahı istehsalı ilə bağlı təhqiqat məsələsində İranla çıxılmaz vəziyyət yaranıb. Hesabat Fransa və Birləşmiş Ştatlar kimi bəzi dövlətlərdə İrana qarşı yeni sanksiyalar tətbiq etmək fikri yaratmışdır. Mahmud Əhmədinejad Beynəlxalq Atom Enerjisi Agentliyinin təhqiqat apararkən öz səlahiyyətlərini aşdığını deyərək bildirib ki, agentlik başqa hökumətin ittihamlarını öz gündəliyinə sala bilməz. voa

27.09.2008 de Almaniyanin Köln Sheherinde Güney Azerbaycan siyasi Tutuxlular ucun Aksiya

27.09.2008 de Almaniyanin Köln Sheherinde Güney Azerbaycan siyasi Tutuxlular ucun Aksiya
Çağırış
Sevimli soydaşlar!

Tehran şovenist hakimiyəti bir neçə gün bundan qabaq iftar üçün açılmış süfrə mərasiminə hücum etmiş ,çox sayda mıllı fəalarımızı heç bir sənəd və dəlil göstərmədən, onları yaxalayıb və onları Evin həbsxanasında saxlayıb.Elə bu hadisə ilə bağlı etiraz aksiyası keçiriləcək.
Bütün azadlıqsevər insanlardan bu etiraz aksyasyaya qatılmalarını arzu edirik.
Yer:Domplatte( am Römerbogen)
Tarix: 27.09.2008
Saat: 15:00 - 17: 00
www.Birlikinfo.Com
qurtmeydani@yahoo.De
aksya komitəsi

چاغیریش

سئویملی سویداشلار!

تهران شوونیست حاکمییتی ،بیر نئچه گون اونجه افطار اوچون چاغیریلان قوناقلیغا سالدیراراق ،چوخ سایدا میللی فعالاریمیزی هئچ علت گوسترمه دن یاخالاییب و اوز چاغ دیشی حبس خانالاریندا ،به لیرسیز حادا ساخلاییب ،
بیز بو غیر اینسانی، حقوق دیشی ،وان کبود شکیلده اینسان حاقلارینین چینه ن دیغی توتوقلامالارا ، سون قویماق و در حال باشی اوجا قهرمانلارین اوزگور بوراخیلماسی و آلمان کامو اویونا گونئی آذربایجاندا جریان ائدن ایرقجی سیاستی گوسترمک اوچون پازار(یکشنبه ) گونو ساعات 17.00-15.00آراسی، کولن شهرینین مرکزینده توپلاناجاییق .
بوتون آزادلیق سئور اینسانلاردان بو اعتراض آکسیاسیایا قاتیلمالارینی آرزو ائدیریک.
Yer:Domplatte( am Römerbogen)
Tarix: 27.09.2008
www.birlikinfo.com
qurtmeydani@yahoo.de
آکسیا کومیته سی

Azərbaycan potensial qızıl istehsalçısı və ixracatçısıdır

Azərbaycan potensial qızıl istehsalçısı və ixracatçısıdır
İlin əvvəlində qızılın dünya qiymətlərinin rekord göstəriciyə çataraq, üç vahidinin $900 unsiya olması, 2000-ci ildən 2008-ci ilədək isə üç dəfə bahalaşması, bu növ metalın istehsalçısı və ixracatçısı kimi Azərbaycan üçün çox əlverişlidir. Ölkə bu il qızıl yataqlarını Amerikanın R.V. Investment Group Services LLS şirkəti ilə birgə işləməyə başlayır.
İlkin ehtiyatları 400 ton qızıl, 2500 ton gümüş, 1,5 mln. mis olan doqquz qızıl yatağının işlənməsi nəzərdə tutulur. Ölkədə qızıl hasilatının həcmi yaxın perspektivdə ildə bir ton təşkil edə bilər.
Sarı metalın hasılatı üzrə müqavilələrdə xarici mütəxəssislərin iştirakı, Azərbaycan üçün mühüm əhəmiyyət kəsb edir, belə ki, ölkənin qızıl yataqlarının işlənilməsində təcrübəsi yoxdur.
Qızıl hasilatı üzrə Production Sharing Agreement tipli saziş “Azərqızıl” DM (“Azərqızıl” ləğv edilib, onun funksiyaları Ekologiya və Təbii Ehtiyatlar Nazirliyinə verilib) və R.V. Investment Group Services LLS arasında hələ 1997-ci il avqustun 21-də imzalanıb. Müqaviləyə əsasən, 51 faiz iştirak payı Azərbaycan tərəfinin, 49 faiz isə Amerika şirkətinin payına düşür. 2005-ci ilədək saziş üzrə işlər dondurulub. Bu yataqların işlənilməsi üzrə işlərin həyata keçirilməsi üçün “Azerbaijan International Mining Company” əməliyyat şirkəti yaradılıb.
Azərbaycanın yataqlarının sənaye təyinatlı ehtiyatları əsasən dağınıq şəkildədir. Dağınıq yataqların istismarı iqtisadi və texnoloji baxımdan kifayət qədər perspektivli hesab edilir. Dağınıq şəkildə olan qızılın hasil edilməsi iri yataqlarda həyata keçirilən mədən hasilatından bir qədər üstündür: parçalanma itkilərinə, zənginləşdirmə və texnoloji proseslərin işlənməsinə yol vermədən yüksək əyarlı qızıl əldə etmək olar. Bu halda elektrik enerjisinə qənaət də nəzərçarpacaq qədər böyük olur. Dağınıq şəkildə olan qızılın hasilatı partlayış işləri aparılmaması səbəbindən daha təhlükəsizdir.
Qızılı hasilatı həcmi yüksək olan ölkələr
Ölkələr Faiz payı ABŞ 13,0 CAR 18,5 Avstraliya 11,6 Rusiya 7,0 Özbəkistan 4,9 İndoneziya 4,2 Qazaxıstan 4,0 Kanada 3,0 Çin 2,8 Braziliya 1,9 Peru 0,5 Digərləri 39,5
İşlər yaxşı gedəcəyi təqdirdə, artıq növbəti ilin birinci rübündə Azərbaycan qızılının dünya bazarlarına ixracına başlamaq olar. Dünyada qiymətli metallar neft və ya kartof kimi adi mal hesab edilir. Onlar arasında yeganə fərq vahidin çəkisinin qiymətindədir. Qızılın qiymətinin bəzən aşağı düşməsinə baxmayaraq, sarı metalın hər il bahalaşmasını nəzərə alsaq, Azərbaycan çox yaşı qazanc götürə bilər.
Ekspertləri proqnozlarına əsasən, 2009-cu ilin əvvəlində qızılın növbəti dəfə bahalaşması gözlənilir. Bankirlər hesab edirlər ki, qızıl bzarında qiymət artımı bütün 2009-cu il ərzində müşahidə edilməklə, orta qiyməti $1050/unsiya təşkil edəcək.
Heç şübhəsiz ki, Azərbaycan bu sahədə əksər inkişaf etmiş ölkələrin rəqabəti ilə qarşılaşacaq. Hazırda bazarda CAR (dünya bazarının 17-20 faizi), ABŞ (13-15 faiz), qızıl hasilatını genişləndiriən və yaxın vaxtlarda əsas istehsalçılar Peru və Özbəkistana çata biləcək Kanada, Çin və İndoneziya kimi iri qızıl istehsalçıları var.
Leyla Abdullayeva, Trend Capital Analitik Mərkəzinin ekspertitrend

Əhmədinejad:nə Sehyunist xalqını, nə də hakimiyyətini rəsmən tanıyır və bu ərazidə yaşayan əhali dünyanın ayrı-ayrı yerlərindən «pul tələsi»nə salınar

Əhmədinejad:nə Sehyunist xalqını, nə də hakimiyyətini rəsmən tanıyır və bu ərazidə yaşayan əhali dünyanın ayrı-ayrı yerlərindən «pul tələsi»nə salınaraq bura yığıldığı kimi, gec və ya tez geri qayıtmalıdır.İran prezidenti Mahmud Əhmədinejad sentyabrın 18-də Teranda keçirilən mətbuat konfransında bildirib ki, dünya və beynəlxalq ictimaiyyəti böyük dəyişikliklər gözləyir. Bu barədə İranın İRİNN xəbər kanalı məlumat verib. «İsrail 60 il təcavüz göstərdikdən sonra süquta uğrayır», - Əhmədinejad qeyd edib. O qeyd edib ki, müstəmləkəçi ölkələrin yalan təbliğatı və məkrli siyasəti növbəti dəfə uğursuzluğa düçar oldu. «Super güclər zəif xalqlardan üzr istəməlidirlər», - deyən İran prezidenti İran xalqını dünyada məzlum xalqların haqlarının bərpası istiqamətində bayraqdar adlandırıb.
Əhmədinejad daha sonra qeyd edib ki, nə Sehyunist xalqını, nə də hakimiyyətini rəsmən tanıyır və bu ərazidə yaşayan əhali dünyanın ayrı-ayrı yerlərindən «pul tələsi»nə salınaraq bura yığıldığı kimi, gec və ya tez geri qayıtmalıdır.

Türkiyənin baş naziri tərəfdarlarını mətbuatı boykot etməyə çağırıb

Türkiyənin baş naziri tərəfdarlarını mətbuatı boykot etməyə çağırıb
Ankara – APA. Türkiyənin baş naziri Rəcəb Tayyib Ərdoğan “Doğan” media qrupuna qarşı tənqidlərini və ittihamlarını davam etdirir. APA-nın Türkiyə mətbuatına istinadən verdiyi məlumata görə, R. T. Ərdoğan medianın etibarını və inandırıcılığını itirdiyini bildirərək rəhbərlik etdiyi partiyanın üzvlərini bu qəzetləri almamağa çağırıb: “Media inandırıcılığını itirib və özünü bitirib. Ona görə də mən sizi yalan, yanlış xəbərlər yayımlayan mediaya qarşı kampaniyaya başlamağa, həmin qəzetləri almamağa səsləyirəm. Bu, bizim ən təbii haqqımızdır. Hansı dili başa düşürlərsə, o dildə danışacağıq. Bu ölkəyə xidmət edərkən bir də onlarlamı məşğul olmalıyıq? İşimiz-gücümüz var”. ----------------------------------------------------------------------Türkiyə prezidenti ABŞ-a səfər edəcək
Türkiyə prezidenti Abdullah Gül BMT Baş Assambleyasının iclaslarında iştirak etmək üçün şənbə günü Nyu-Yorka yola düşəcək. Bu haqda Türkiyənin «Dünyabulteni» agentliyi məlumat verib.
2009-2010-cu illərdə BMT Təhlükəsizlik Şurasının (TŞ) qeyri-daimi üzvlüyünə namizəd olan Türkiyənin XİN rəhbəri Əli Babacan BMT-nin 63-cü sessiyasında iştirak etmək üçün artıq Nyu-Yorkdadır. Gül və Babacanın BMT Baş Assambleyası çərçivəsində sentyabrın 22-də və 26-da ikitərəfli və çoxtərəfli görüşləri nəzərdə tutulub.

"Altılıq"ın İranın qarşısının alınmasına əməkdaşlığı

"Altılıq"ın İranın qarşısının alınmasına əməkdaşlığı
M.Əhmədinecat İsrailin İranın nüvə obyektlərinə hücum edə biləcəyi təxminləri ilə də razı deyil: "İsrail bizimlə müharibə etmək üçün çox zəifdir. Bizə hücum edəcək istənilən qüvvənin qarşısını almağa hazırıq".
İranın həyata keçirdiyi nüvə proqramı və uranın zənginləşdirilməsiylə bağlı işlər "Altılıq"ın (Çin, Rusiya, Böyük Britaniya, ABŞ, Fransa və Almaniya) xarici işlər nazirlərinin BMT Baş Assambleyası çərçivəsində keçiriləcək görüşündə müzakirə ediləcək.
ABŞ ümid edir ki, Gürcüstan məsələsindəki fikir ayrılıqlarına rəğmən, İranın nüvə proqramının qarşısının alınmasına yönəlmiş səylər çərçivəsində Moskva ilə əməkdaşlığı davam etdirmək mümkün olacaq.İran prezidenti Mahmud Əhmədinecat isə Beynəlxalq Nüvə Enerjisi Agentliyinin (BNEA) Tehranın nüvə proqramı ilə bağlı son hesabatını şərh edərkən bildirib ki, onların gördükləri işlər sırf dinc xarakterlidir.
"Bu hesabatdaa "təxmin edilən tədqiqatlar"la bağlı ifadələrdən savayı, İran üçün mənfi sayıla biləcək heç nə yoxdur, - M.Əhmədinecat söyləyib. - Təxminlənən tədqiqatlar məsələsi isə BNEA-nın səlahiyyətləri xaricində olan məsələdir".
M.Əhmədinecat İsrailin İranın nüvə obyektlərinə hücum edə biləcəyi təxminləri ilə də razı deyil: "İsrail bizimlə müharibə etmək üçün çox zəifdir. Bizə hücum edəcək istənilən qüvvənin qarşısını almağa hazırıq".
Bu arada ABŞ-da 16 xarici ölkə vətəndaşı və şirkətinə İrana hərbi məqsədlərlə istifadə edilə biləcək mallar satmaqla bağlı ittiham irəli sürülüb. Həmin mallar İrana beynəlxalq qanunların pozulması şərti ilə Birləşmiş Ərəb Əmirlikləri, Malayziya, Böyük Britaniya, Almaniya və Sinqapur vasitəsilə göndərilib.
Mayami məhəməsində müttəhim sayılanlar arasında altı iranlı (Əli Əkbər Yəhya, Fərux Niya Yaqmeyi, Bəhmən Qəndi, Fərşid Gilardiyan, İshaq Gilardiyan və Əhməd Qəhzad Məcid Seif), malayziyalı Kam Çe Mun və Almaniya vətəndaşı Cəmşid Necat var.
Şirkətlərə gəldikdə isə, onlar "Mayrow General Trading", "Atlinx Electronics", "Micatic General Trading", "Madjico Micro Electronics" və "Əl Faris" (hamısı BƏƏ); İranın "Neda İndustrial Group", habelə Malayziyanın "Eco Biochem Sdn BHD" və "Vast Solution Sdn BHD" firmalarıdır.
Bu şirkətlərdənt bəziləri İran dövlətinin nəzarətindədir.
İrana ötürülən mallar arasında 120 ventil matrisi, 5 min inteqral sxem, 345 GPS sistemi, habelə bombaları uzaqdan işə salmağa imkan verən mikroçiplər olub.
Əgər ABŞ-ın İrana qarşı tətbiq etdiyi embarqonun pozulması ilə bağlı müttəhimlərə qarşı irəli sürülən ittihamlar təsdiqlənərsə, onları 20 il həbs gözləyir.butovaz

DİNİ RƏHBƏRİN HƏRBİ MÜŞAVİRİ: «ABŞ QÜVVƏLƏRİ SƏHV BURAXSALAR, BÖYÜK İTKİ VERƏCƏKLƏR»

DİNİ RƏHBƏRİN HƏRBİ MÜŞAVİRİ: «ABŞ QÜVVƏLƏRİ SƏHV BURAXSALAR, BÖYÜK İTKİ VERƏCƏKLƏR»
Yəhya Rəhim Səfəvi
İran dini rəhbərinin hərbi müşaviri, general Yəhya Rəhim Səfəvi ABŞ və İsrailin bölgədə yeni və böyük bir müharibəyə başlatmaq imkanında olmadığını deyib.
«Media forum» saytının məlumatına görə, sentyabrın 19-da jurnalistlərə açıqlamasında Y.R.Səfəvi deyib: «Sionist rejim böyük bir müharibəyə başlamağa qadir deyil. Amerikalıların isə bölgədə İraq, Əfqanıstan və Gürcüstandan sonra dördüncü cəbhə açmaq iqtidarında olmadıqları güman edilir».
İran dini rəhbərinin hərbi müşaviri onu da deyib ki, ABŞ qüvvələri bölgədə səhv buraxsalar, böyük itki verəcəklər və «onların 200 min əsgəri ciddi təhlükə ilə üz-üzə qalacaq».
İran körfəzinə nəzarətin İran İnqilab Keşikçiləri Korpusuna («Sepah») tapşırılmasına toxunarkən general Səfəvi İran silahlı qüvvələrinin Hörmüz boğazını nəzarətdə saxlamaq iqtidarında olduğunu vurğulayıb.
«Media forum»

Rusiya və Türkiyə arasında sadələşdirilmiş gömrük proseduru haqqında müqavilə imzalanıb

Rusiya və Türkiyə arasında sadələşdirilmiş gömrük proseduru haqqında müqavilə imzalanıb
Rusiya və Türkiyə arasında sadələşdirilmiş gömrük proseduru haqqında protokol imzalanıb. Bu haqda Türkiyənin «Cihan» agentliyi məlumat verib. Sadələşdirilmiş gömrük proseduru haqqında protokolu Rusiya tərəfdən Rusiya Federal Gömrük İdarəsinin başçısı Andrey Belyaninov, Türkiyə tərəfdən isə Gömrük İdarəsinin başçısı Emin Zararsız imzalayıb. Protokola əsasən, öz malları və onların qiymətləri haqqında Rusiya tərəfini əvvəlcədən məlumatlandıran türk firmaları gömrük məntəqələrində vaxt itirməyəcəklər. Bu qaydaya əməl etməyən firmalar isə tam gömrük nəzarətindən keçəcək. Trend

5+1 İRANA QARŞI DÖRDÜNCÜ QƏTNAMƏNİ MÜZAKİRƏYƏ ÇIXARIR

5+1 İRANA QARŞI DÖRDÜNCÜ QƏTNAMƏNİ MÜZAKİRƏYƏ ÇIXARIR
5+1 qrupu ölkələri (BMT Təhlükəsizlik Şurasının daimi üzvü olan 5 ölkə – ABŞ, Rusiya, Çin, Böyük Britaniya, Fransa və Almaniya) nümayəndələri İrana qarşı daha geniş sanksiyaları nəzərdə tutan yeni qətnamə layihəsini müzakirə etmək üçün bu gün Vaşinqtonda bir araya gələcəklər.
«Media forum» saytının məlumatına görə, ABŞ və onun avropalı müttəfiqləri Fransa, Böyük Britaniya və Almaniya İrana qarşı sanksiyaları genişləndirməyin qatı tərəfdarı olsalar da, Rusiya və Çin daha mülayim qətnaməyə tərəfdar çıxırlar.
Adının çəkilməsini istəməyən bir ABŞ rəsmisi «Röyters» agentliyinə açıqlamasında Vaşinqtonda əsas mövzunun İrana qarşı dördüncü qətnamə olacağını vurğulayıb: «Lakin hazırda Rusiya bizim üçün bir problemə çevrilib. Əlbəttə, bu o demək deyil ki, biz bu məsələdə ruslarla əməkdaşlıq apara bilmərik. Hər halda bu məsələni yoxlamaq lazımdır».
BMT Təhlükəsizlik Şurası uranı zənginləşdirməyi davam etdirdiyi üçün bu günə qədər İrana qarşı üç qətnamə qəbul etsə də, İran buna məhəl qoymadan nüvə fəaliyyətinin dinc xarakter daşıdığını deyib.

«Media forum»

AYƏTULLAH XAMNEYİ: «İSRAİL XALQI İLƏ DOST OLDUĞUMUZU DEMƏK DÜZGÜN DEYİL. BU SÖZ MƏNTİQƏ ZİDDİR»

AYƏTULLAH XAMNEYİ: «İSRAİL XALQI İLƏ DOST OLDUĞUMUZU DEMƏK DÜZGÜN DEYİL. BU SÖZ MƏNTİQƏ ZİDDİR»
Dini rəhbər ayətullah Əli Xamneyi vitse-prezident İsfəndiyar Rəhim Məşayinin İranın İsrail və ABŞ xalqları ilə dost olması fikrinə münasibət bildirərək belə sözlərə son qoyulmasını tələb edib.
Vitse-prezident iki ay əvvəl turizmin inkişafına həsr olunmuş tədbirdə çıxış edərkən bir dini zorla dünyaya hakim etmək vaxtlarının keçdiyini demişdi: «Bu gün dünyanın qulağı ən gözəl mesajları eşitməyə açıqdır. Gələcəkdə soy, ölkə anlayışları öz əhəmiyyətini itirəcək. Gələcək insanlara məxsus olacaq. İnsanları bir-birindən ayıran hər hansı bir məntiqə tərəfdar çıxan tapılmayacaq. Biz dünyada heç kəslə müharibə etmək istəmirik. Bu gün İran ABŞ və İsrail xalqları ilə dostdur. Dünyada heç bir xalq bizim düşmənimiz deyil. Bu isə bir iftixardır. Biz ABŞ xalqının dünyanın ən üstün xalqlarından olduğuna inanırıq»
«Media forum» saytının məlumatına görə, sentyabrın 19-da Tehranda cümə namazında çıxış edən ayətullah Xamneyi vitse-prezidenti nəzərdə tutaraq söyləyib: «Bir nəfər çıxıb İsraildə yaşayan əhali barədə fikir irəli sürüb və İran xalqının onlarla dostluğundan danışıb. Bu fikir tamamilə səhvdir. Bizim dünyanın digər xalqları ilə bərəbər İsrail xalqı ilə də dost olduğumuzu demək düzgün deyil. Bu söz məntiqə ziddir».
Aytullah Xamneyi İranın İsrail xalqı ilə problemi olduğunu vurğulayıb: «Məgər İsrail xalqını təşkil edənlər kimlərdir? Bunlar başqalarının evini, yurdunu, tarlasını, ticarətini qəsb edən şəxslərdir. Bunlar sionizmin əlaltıları və davamçılarıdır. Bizim yəhudilərlə, xristianlarla heç bir problemimiz yoxdur. Lakin Fələstin xalqının yurdunu işğal edənlərlə problemimiz var. İşğalçı da sionist rejimdir».

«Media forum»

Tehran Qafqazdakı proseslərdən kənarda qalmaq istəmir

Tehran Qafqazdakı proseslərdən kənarda qalmaq istəmir
Əslində İran Qarabağ münaqişəsinin həllində maraqlı deyil" Türkiyənin irəli sürdüyü Qafqaz Sabitlik və Əməkdaşlıq Platfoması ideyasında adının çəkilməməsi oyundan kənarda qalmaq istəməyən Tehranı hərəkətə gətirib. Xatırladaq ki, Ankara platformada üç Cənubi Qafqaz ölkəsini, Türkiyə və Rusiyanı nəzərdə tutub. İranın xarici işlər nahiri Manüçöhr Möttəki alman həmkarı Frank-Volter Ştaynmayerlə görüşündən sonra deyib ki, Tehran Cənubi Qafqazda stabillik və təhlükəsizliyin bərqərar olması üçün strategiya təklif etməyə hazırlaşır. Onun sözlərinə görə, regionla bağlı məsələlərdə bölgədən uzaqlarda olan ölkələrə arxalanmaq düzgün deyil, çünki bu regional maraqlara xidmət etmir. Ramiz Mikayıloğlu İran hesab edir ki, kənar ölkələrin Qafqaz regionunun işlərinə müdaxilə etməsinə ehtiyac yoxdur. İranın Ermənistandakı səfiri Kamal Zareh isə daha konkret danışıb. O hesab edir ki, Ankara ideyanı tələm-tələsik və qeyri-səmimi şəkildə irəli sürüb. Səfirin əsaslandırması isə odur ki, regional problemlərin həllinə nail olmaq, əməkdaşlığı genişləndirmək üçün İranı nəzərə almamaq mümkün deyil. O əmindir ki, İranı da platformaya daxil etməklə həmin ideyanı normal hala gətirmək olar: "Ən yaxşısı 3+3 variantıdır. Bu, məsələni tənzimləmək üçün ən yaxşı modeldir. Həmin modelə üç Cənubi Qafqaz ölkəsi, o cümlədən Rusiya, İran və Türkiyə daxil olmalıdır. Diqqət yetirilsə, xarici işlər naziri Manüçöhr Möttəkinin son səfər marşrutu da Tehranın niyyətini açıq formada ortaya qoyur. Nazir sentyabrın 12-də Moskvada olub, rusiyalı həmkarıyla görüşüb, növbəti gün Bakıya gəlib, nazir Elmar Məmmədyarovla müzakirə aparıb, sentyabrın 16-da Tehranda ermənistanlı həmkarı Edvard Nalbandyanla bir masa arxasında əyləşib. İrəvan da İranın təşəbbüsünü dəstəkləyir. Tezliklə Tehrana Ermənistan prezidenti Serj Sərkisyan da təşrif buyuracaq. Cənub qonşumuzun diplomatik səylərinin ABŞ və İsrailin Fars körfəzində hərbi qüvvələrini cəmləşdirməsi fonunda olması da diqqət çəkir. Yeri gəlmişkən, Manüçöhr Möttəki ermənistanlı həmkarı ilə görüşdən sonra Qafqazdakı proseslərdə özünü əsas oyunçulardan biri kimi görmək istəyən Tehranın Bakı və İrəvan arasında vasitəçilik etmək niyyətini də açıqlayıb. O bildirib ki, İran Qafqaz regionu ilə qonşu dövlət olaraq region ölkələri arasında əməkdaşlığın bərpa olunması üçün məsləhətləşmələr keçirilməsini təklif edib. Ermənistan və İranın ümumi maraqları bölüşdüyünü və regional problemlərə baxışları eyni olduğunu söyləyən nazir, Dağlıq Qarabağ münaqişəsinin nizamlanması prosesində İrəvanla Bakı arasında vasitəçi olmağa hazır olduqlarını vurğulayıb. Əslində Tehranın hər iki təklifi yuxarıda da dediyimiz kimi, oyundan kənarda qalmamağa hesablanıb. Çünki həm Qərb və Türkiyə, həm də Rusiya Cənubi Qafqazda proseslərə yaxından təsir göstərməyə, o cümlədən Dağlıq Qarabağ münaqişəsinin tənzimlənməsində faktiki olaraq əsas vasitəçiyə çevrilməyə çalışırlar. İranın Dağlıq Qarabağ münaqişəsində vasitəçilik etmək niyyəti isə Azərbaycanda xüsusən mənfi qarşılanır. Bu da Birinci Qarabağ müharibəsində cənub qonşumuzun işğalçı ölkənin ərzaq və digər zəruri məhsullarla təminatında, Şuşanın işğalında oynadığı rolun hər bir azərbaycanlıya məlum olmasıyla bağlıdır. Bu gün də İranın Türkiyə və Azərbaycanın blokadasıyla üzləşən Ermənistanın ayaq üstə dayanmasında müstəsna yeri var. Məsələylə bağlı fikirlərini öyrəndiyimiz professor, ölkəmizin İrandakı sabiq səfiri Nəsib Nəsibli deyir ki, rəsmi Tehran əvvəllər də qonşu ölkə kimi belə təşəbbüslərdə bulunub. Amma Rusiya amilinə görə Tehranın vasitəçilik cəhdlərinin heç bir əhəmiyyəti olmayıb. 1992-93-cü illərdə Moskvanın cənub qonşumuzun vasitəçilik təşəbbüslərinə acıqlı reaksiya verdiyi, Tehranda danışıqlar aparıldığı, protokolların imzalandığı bir vaxtda Şuşa və Laçının işğal olunduğu da məlumdur. Yəni həmin vasitəçilik Azərbaycan üçün acı nəticələrlə yadda qalıb: "İndi də tez-tez Tehran vasitəçilik missiyasını yerinə yetirməyə hazır olduğunu təkrar edir. Niyə? Çünki hər bir ölkənin diplomatiyası bir sülhpərvər rol oynamaq istədiyini, yaxud oynadığını göstərməyə çalışır. Bu, həmin ökənin diplomatiyasının təbliğati tərəfidir. İkincisi, İran region dövlətidir. Bu dövlətin nümayəndəsinin dilindən bu cür təşəbbüsün səslənməsi çox məntiqlidir". Nəsib Nəsibli vurğuladı ki, hətta Tehranın vasitəçilik təşəbbüsü baş tutarsa da, bu, Azərbaycan üçün xeyirli olmaz: "Çünki Tehran Azərbaycanın bir dövlət kimi möhkəmlənməsində maraqlı olmayan bir tərəfdir. Məsələnin dərinliyinə getsək, əslində İran Qarabağ münaqişəsinin həllində maraqlı deyil. Münaqişənin həllində, Azərbaycanın ərazi bütövlüyündə maraqlı olsaydı, özünü əsl müsəlman dövləti sayan İran 1992-1993-cü illərdə işğalçı Ermənistanı ərzaq və digər zəruri mallarla təmin etməzdi. Həmin dəstək bu gün də davam edir".

Bir kitab üçün, Mehdi Vahidi tutulub!

Bir kitab üçün, Mehdi Vahidi tutulub!

Aldığımız xəbərə görə cənab Vahidi iştirak etdigi sərgidə aparılan axdarış sonucu tutulubdur.
Sulduzxəbərin verdigi məlumata əsasən, Mehdi Vahidi kültürəl və əl işləri sərgisinə ki Miyana şəhərində qurulmuşdur iştirak edərək Sulduz şəhərin təmsil etmişdir. Məlumata əsasən, sivil əlbisəli şəxslər cənab Vahidinin bölməsinə axdarış düzənləiyblər və orda bir kitab tapıblar. Hələlik cənab Vahidinin kimin tərəfindən və nədən tutulduğu kəskin olaraq bəlli dəiyldir, habelə onun harda saxlandığından xəbər yoxdur.
BayBak artırır ki Mehdi Vahidi oxulların Fars dilində bərpa olunmasına etiraz etmək suçundan tutulub və 3 ay şərtli həbsə məhküm olmuşdur. O həmdə 2006-ci ildə dünya ana dili günündə tutulmuşdur.
Bu il oxulların açılması yaxlaşdıqca Fars şovonistləri Azərbaycana daha ağır basqılar uyqulamağa başlayıblar. Son günlərdə 20 kültürəl fəal, müəllim və jurnalist tutulmuşdur.
BayBak artırır ki gələcək olan 1 həftə içində Azərbaycan şəhərlərində çeşitli şəkildə Fars dilində zoraki olaraq oxulların başlamasına etirazlar düzənlənəcək.baybak

Azərbaycanda baş redaktor özünü öldürüb

Azərbaycanda baş redaktor özünü öldürüb

Azərbaycanda nəşr olunan “Yeni Kapital” qəzetinin baş redaktoru Malik İnqilab oğlu Rəfiyevin meyiti tapılıb.
Nəsimi Rayon Prokurorluğundan APA-ya verilən məlumata görə, 1957-ci il təvəllüdlü M. Rəfiyevin meyiti bu gün səhər Dilarə Əliyeva küçəsində, Dəmiryol Vağzalının yaxınlığında onun özünə məxsus “Mercedes” markalı, 90 BE 952 dövlət nömrə nişanlı avtomobildə aşkar edilib.
M. Rəfiyev maşının tutacaq yerindən kəndirlə asılmış vəziyyətdə olub. Meyitinin yanında məktub da aşkarlanıb. Məktubda intiharla bağlı heç kimin günahkar olmadığı qeyd edilib.
Faktla bağlı Nəsimi Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi cinayət işi başlanılıb, araşdırmalar davam etdirilir.apa

"Biz bacararıq!" Ən geci 2011-ci ildə Azərbaycan bayrağı Xankəndinə sancılacaq

"Biz bacararıq!" Ən geci 2011-ci ildə Azərbaycan bayrağı Xankəndinə sancılacaqSentyabrın 17-dən prezidentliyə namizədlərin təbliğat-təşviqat kampaniyasına start verilib. Hər bir namizəd kampaniya zamanı öz platformasını cəmiyyətə təqdim edəcək. Bütöv Azərbaycan Xalq Cəbhəsi Partiyasının sədri, millət vəkili, prezidentliyə namizəd Qüdrət Həsənquliyevin də seçki platforması cəmiyyətin bütün sferalarına məsələləri özündə əks etdirir. Azərbaycanın neçə illərdir həlinə nail ola bilmədiyi Qarabağ problemi isə seçki platformasının birinci hissəsidir. BAXCP onun sədri Qüdrət Həsənquliyev daim Qarabağ probleminin həlli istiqamətində xalqın maraqlarına cavab verən təkliflər irəli sürüb. Bu təkliflər hər zaman yüksək tribunalardan səslənib və indi də səslənir.
Arzu Şirinova
Platformada əksini tapan Qarabağ probleminin həlliylə bağlı məsələyə keçməzdən öncə bir nüansı xatırlatmaq istərdim. 2001-ci ildə, Azərbaycanın Avropa Şurasının üzvlüyünə qəbulu ərəfəsində Milli Məclisə ölkəmizin öhdəliklərini əhatə edən sənəd təqdim olundu. Bu sənədin hakimiyyətlə yanaşı, həmin dövrdə aparıcı partiyaların imzalaması əsas şərtlərdən biri idi. Bu səbəbdən, partiya rəhbərləri Qarabağ münaqişəsinin yalnız sülh yoluyla həll ediləcəyi barədə müddəanın da yer aldığı sənədi imzalamaq üçün Milli Məclisə çağırıldılar. Qeyd edim ki, həmin partiyaların sənədi imzalaması üçün əsasən iki arqument irəli sürülürdü. Birincisi, bu sənəd Azərbaycanın Avropa Şurasına qəbulu üçün önəm daşıyır və bu prosesin qarşısının alınması dövlət maraqlarımızın ziddinədir. İkincisi sənədi imzalayan partiyaları Avropa Şurası aparıcı siyasi təşkilatları kimi tanıyır və bu da onların qarşısında geniş siyasi perspektivlərin açılmasına zəmin yaradır. Təbii ki, ikinci şərt öz şəxsi maraqlarını hər şeydən üstün tutan bəzi partiyalar üçün daha böyük önəm daşıyırdı və buna görə də, sənədin imzalanması prosesi tərəddüdsüz və təxminən iki gün ərzində başa çatdı. Heç şübhəsiz ki, həmin partiyaların bir hissəsini xarici himayədarları daha öncədən təlimatlandırmışdılar. Təəssüf ki, Avropa Şurasının öhdəliklərinin "imzalanma proseduru" bəzi partiyaların mərkəzi qərargahlarında bayram əhval-ruhiyyəsində, az qala böyük siyasi uğur kimi qeyd olunurdu. Avropa Şurasının öhdəlikləri sırasında yer alan əsas müddəadan, yəni Dağlıq Qarabağ münaqişəsinin yalnız sülh yolu ilə həll ediləcəyi barədə boyunduruq şərtindən isə bir kimsə söz açmırdı... Qısa bir zaman kəsiyindən sonra, Azərbaycanın işğal altında qalan ərazilərini hərbi yolla azad edə biləcəyi ehtimalı daha sərt şəkildə gündəmə gəldiyi zaman, Avropa Şurasının rəsmiləri qurum qarşısında götürülən öhdəliklər arasında yer alan "yalnız sülh yoluyla" şərtini xatırlatdılar... ... Ancaq 2007-ci il dekabrın 25-də BAXCP sədri Qüdrət Həsənquliyevin təşəbbüsü ilə 18 siyasi təşkilat Yeni Azərbaycan, Demokrat, Vətəndaş Həmrəyliyi, Müsavat, Azərbaycan Xalq Cəbhəsi və Milli İstiqlal partiyalarına Dağlıq Qarabağ münaqişəsinin yalnız sülh yolu ilə həll olunması barədə öhdəlikdən imtina etmələri məqsədilə müraciət ünvanladı. Müraciətdə bildirilirdi ki, Azərbaycan hökumətinin və bəzi partiyaların 2001-ci ildə Dağlıq Qarabağ probleminin yalnız sülh yoluyla həll ediləcəyi barədə Avropa Şurası qarşısında götürdükləri öhdəliklər beynəlxalq qurumların işğalçı ölkəyə münasibətdə ikili və loyal davranışlarına, eləcə də Ermənistanın öz təcavüzkar siyasətini davam etdirməsinə, aqressiv mövqeyindən geri çəkilməməsinə zəmin yaradan əsas amillərdən biridir. Bu baxımdan Azərbaycan ərazilərinin işğal altında qaldığı, Ermənistanın təcavüzkar siyasətinin davam etdirdiyi, münaqişənin həllində vasitəçi missiyasını yerinə yetirən ATƏT-in Minsk qrupunun həmsədrlərinin yarıtmaz fəaliyyəti, ABŞ, Rusiya və Fransa daxil olmaqla bir sıra aparıcı dövlətlərin və bəzi beynəlxalq təşkilatların Azərbaycan ərazilərinin qeyd-şərtsiz azad edilməsi haqqında BMT qətnamələrinə, dövlətlərin sərhədlərinin və ərazi bütövlüyünün toxunulmazlığına təminat verən beynəlxalq hüquq normalarına sayğısız münasibəti əsas götürülərək Dağlıq Qarabağ münaqişəsinin yalnız sülh yoluyla həll olunması barədə Avropa Şurası qarşısında götürülən öhdəlikdən imtina olunmalıdır. Müraciətdə qeyd olunur ki, Azərbaycan dövlətinin və xalqının torpaqlarımızın bir qarışının belə güzəştə gedilməyəcəyi ilə bağlı birmənalı mövqeyinin təcavüzkar Ermənistan Respublikasının, erməni ictimaiyyətinin, bu məsələdə ikili standartlardan çıxış edən, bununla da təcavüzə dəstək verən dövlətlərin və beynəlxalq təşkilatların tam ciddiyyətilə qəbul etmələri üçün belə bir addımın atılması labüddür: "Qeyd olunanları nəzərə alaraq, Dağlıq Qarabağ probleminin yalnız sülh yoluyla azad ediləcəyi barədə 2001-ci ildə Avropa Şurası qarşısında öhdəlik götürən siyasi partiyaları bu öhdəlikdən imtina etməyə çağırırıq". Bu müraciətdən sonra bəlli oldu kimi, yalnız VHP "Azərbaycanın maraqları tələb etdiyi təqdirdə" Avropa Şurası qarşısında götürülən öhdəlikdən imtinaya hazır olduğunu bildirib. Digər partiyaların təmsilçiləri nəinki öhdəlikdən imtina etməyə, hətta bu məsələ ətrafında müzakirə açmağa da çəkinirlər. "Müharibə" sözünü isə ümumiyyətlə dilə gətirmək istəmirlər. Əvəzində nəzarət etdikləri mətbuat orqanlarında Azərbaycanın ərazi bütövlüyünün təmin edilməsiylə bağlı saysız-hesabsız müsahibələr verir, öz gerçək simalarını pərdələməyə çalışırlar. Bu günə qədər ölkədə faliyyət göstərən aparıcı siyasi partiyalardan yalnız biri, Bütöv Azərbaycan Xalq Cəbhəsi Partiyası Azərbaycan torpaqlarının hərbi yolla işğaldan azad edilməsilə bağlı ardıcıl və birmənalı mövqe nümayiş etdirib. Son bir il ərzində müharibənin qaçılmaz olduğunu yəqinləşdirən və təbii ki, bununla da xalqın mütləq əksəriyyətinin mövqeyini nəzərə alan siyasi təşkilatların sayı isə artmaqdadır. İndi isə keçək prezidentliyə namizəd Qüdrət Həsənquliyevin seçki platformasında yer alan Dağlıq Qarabağ probleminin həlli yollarına. Artıq torpaqlarımız 20 ilə yaxındır işğal altındadır, 1 milyon qaçqın və məcburi köçkünümüz var. Ancaq hələ də danışıqlar davam edir və bu cür getsə, növbəti bir neçə 20 il də danışıqlar davam oluna bilər. BAXCP sədrinin seçki platformasında isə ən geci 2011-ci ildə Xankəndinə Azərbaycan bayrağının sancılacağı əksini tapıb. Bunun üçün ilk növbədə peşəkar ordu qurmaq lazımdır.BAXCP sədri, millət vəkili Qüdrət Həsənquliyev partiyanın Bakı rayonları və Abşeron rayon gənclər təşkilatlarının üzvləriylə görüşü zamanı Azərbaycanda hərbi xərclərə büdcənin 11, Ermənistanda 12 faizinin ayrıldığını nəzərə çatdıraraq deyib: "Düzdür, Azərbaycanda hərbi xərclərin miqdarı Ermənistandan iki dəfə çoxdur, çünki işğalçı ölkənin büdcəsi azdır. Əslində büdcənin 25-27 faizi hərbi xərclərə ayrılmalıdır. Əlavə olaraq, Neft Fondunda toplanmış vəsaitin 80 faizi hərbi məqsədlərə yönəldilməlidir. Bu da 10 milyard manatdan çox vəsait edəcək. Bununla ən müasir silahlar alınmalı, hava hücumundan ən güclü müdafiə sistemi qurulmalı və İrəvana 1 il vaxt verilməlidir. Əgər Ermənistan 1 il ərzində konstruktiv mövqe sərgiləməsə, Azərbaycan Bişkek protokolundan imtina etməli və istənilən an torpaqlarımızı azad etməliyik. Rəsmi İrəvan anlamalıdır ki, ona kimin kömək etməsindən asılı olmayaraq, Azərbaycanın hərbi potensialı işə düşərsə, nəinki Qarabağda, Ermənistanın özündə də daş üstə daş qalmayacaq. Bunu erməni xalqı başa düşəcək. Biz erməni və ingilis dillərində televiziya açacağıq. Azərbaycandakı inkişafı, hərbi quruculuğu erməni xalqına göstərəcəyik. Qarabağla bağlı platformamızda qeyd olunub ki, müharibə qurtarandan sonra Dağlıq Qarabağa böyük miqdarda vəsait ayrılacaq və bölgə yenidən qurulacaq. Dağlıq Qarabağda erməni millətindən olan Azərbaycan vətəndaşlarına biz bunu çatdıracağıq.Bu gün büdcənin 43 faizini təmir-tikinti işlərinə ayırırıq. Biz sanki Ermənistanla müharibəyə yox, Bakı ilə İrəvanın gözəllik müsabiqəsinə hazırlaşırıq. Təmir-tikinti xərcləri kəskin surətdə azaldılmalıdır. Büdcədə hərbi xərclər ən azı 25-27 faizə çatdırılmalıdır. Azərbaycan ciddi şəkildə müharibəyə hazırlaşmalı və dünya da bunu ciddliyilə qəbul etməlidir. Beləliklə, beynəlxalq qüvvələr də hərəkətə gəlməlidirlər. İndi həmin qüvvələr, xarici ölkələrin kəşfiyyatı, beynəlxalq təşkilatların ölkəmizdəki nümayəndələri baxırlar ki, Azərbaycan müharibəyə, torpaqlarını hərb yoluyla azad etməyə hazırlaşmır. Ona görə də düşünürlər ki, münaqişədir, qalıb, nə vaxtsa baxarlar. Azərbaycan gərək özü bu vəziyyəti dəyişsin. Yəni görəcəklər ki, bu hərbi potensial işə düşsə, bölgə dağılacaq. Bölgədə də böyük güclərin böyük maraqları var, ona görə də onlar hərəkətə keçəcəklər. Ermənistanı bu yolla konstruktiv mövqe tutmağa məcbur edə bilərik. Belə olmazsa, sonda mütləq müharibə etməliyik. İtki olacaq, kimsə şəhid olacaq, Rusiya Ermənistanı müdafiə edəcək deyə torpaqlarımızın işğalıyla barışmaq təslimçilik mövqeyi olar. Xalqımız heç nədən çəkinmədən torpaqlarını azad etməlidir". BAXCP sədri bütün xalqın arzuladığı və xalqın bunun uğrunda canından belə keçməyə hazır olduğu bir məqamı da xüsusi olaraq vurğulayıb: "İnşaallah, 2011-ci ildə Azərbaycanın bayrağı Xankəndində dalğalanacaq". xalqcebhesi

Dünyanın böhranlarıBəşəriyyət səhvlərinin hesabını verir

Dünyanın böhranları
Bəşəriyyət səhvlərinin hesabını verir

Məsəl var, deyirlər ki, bəla gələndə hər tərəfdən gəlir. Qədimdən xalqların təcrübəsindən qaynaqlanan bu məsəlin əslində ümumi mənası aydındır. Bəlanı yaradan səbəblər ümumi olanda onun təsiri də geniş olur. Müasir dünya son bir neçə ildir ki, silkələnir. İnsan həyatının bütün sahələri üzrə faciələr davam edir. Bu faciələrin təbiəti müxtəlif olsa da, mənası birdir – dünya hansısa səhvlərinin altını çəkir. Təbii fəlakətlərlə sosial qəzaların eyni mexanizmə malik olduğu elmi sübut olunanda yəqin çoxları təəccübləndi. Ancaq dünyaya bütöv sistem kimi baxanda burada təəccüblü heç nə yoxdur. Dünya özünün tərkib hissəsi olan insanı cəzalandırır. İndi dünyanın ən güclü dövləti təbii fəlakətlərin əsirinə çevrilib. Bir-birinin ardınca baş verən təbii fəlakətlər ölkənin milyonlarla insanını evsiz-eşiksiz qoyub. Amerikanlar təbiətin hesabına köçkün həyatının, yurdunu itirmənin nə demək olduğunu gördü. Onlardan bir qədər əvvəl ruslar o taleni yaşadılar. Dünyanın müxtəlif yerlərində xalqlara qaçqın və köçkün həyatı yaşadanlara təbiət eyni şeyləri yaşatmaqdadır. Bu dəfə ABŞ-ı maliyyə böhranı bürüməkdədir. Bir gündə 13 iri bank iflasa uğrayıb. ABŞ-da 150 ildir mövcud olan bank indi müflisdir. Bununla ABŞ çox ciddi böhranın ərəfəsinə gəlib. İndi mütəxəssislər dünya maliyyə sisteminin böhrandan neçə vaxta çıxa biləcəyini hesablayırlar. Bu nəticə də ürəkaçan deyil – ümumi qənaətə görə krizis gələn ilin ikinci yarısına qədər davam edə bilər. Deməli, bu dəfə dünya böyük bir sınaqla üz-üzə qalıb.
Bəşəriyyətin son illərdə problemi müxtəlif istiqamətlərdə yaranan fəlakətlərlə mübarizə olub. Elm bu böhranı öncədən proqnozlaşdırırdımı? Bilinmir, ancaq müxtəlif uzaqgörən adamlar o barədə danışırdılar. Onlar dünya üzrə haqsızlığın artmasını, insanların qəlbində sevgini praqmatik hesabların əvəz etməsini təhlükəli tendensiya sayırdılar. Psixoloqlar və homeopatiklər deyirlər ki, 2000-ci ildən başlayaraq insanların enerjisi sürətlə azalır. İnsan enerjisini nə zaman sürətlə inirir? İmmuniteti zəifləyəndə. İmmunitet isə orqanizmin müqavimət sistemidir. Bu müqavimətin mənbəyi birmənalı olaraq sevgidir, Allaha inamdır. Bəşəriyyət sevgini daha çox imitasiya edir, şəhvəti sevgi kimi qələmə verməyə çalışır, insana kömək əlini uzatmağı özünün şəxsi məqsədlərinə tabe edir. Təmənnasız sevgi və yardım anlayışlarını insan həyatından demək olar ki, qovublar. Bütün bunların nəticəsi dünyanın müxtəlif yerlərində savaşlar, insanların qanının axıdılması, silah satıb qazanc əldə etmək, insanları öz evindən didərgin salmaq kimi bədbəxtçiliklərdir. Dünya artıq bu faciələrdən doyub. Təbiət mənəvi aləmini zibilləyən bəşəriyyəti məcburi təmizləmə “əməliyyatına” başlayıb. Ona görə də təbii fəlakətlər ara vermir.
Dünyanı təbii və sosial fəlakətlərin paralel olaraq bürüməsi bütövlükdə bəşəriyyət üçün xəbərdarlıqdır. İnsanlar və dövlətlər həyata baxışlarını dəyişməlidirlər. Onlar dünyanın mövcudolma prinsiplərinə ciddi əməl etməlidirlər. Əks halda hamılıqla məhvə doğru gedirik. Amerikadan başlayan maliyyə böhranının hansı ölkələri daha çox vuracağını hesablayanlar isə səhv edirlər. Çünki bu bəla hər kəsi tutur. Dünya indi elə qloballaşıb ki, bu hallarda kənarda qalan olmur. Məsələ heç də kiminsə maliyyə durumuna bu gün təsirin olmamasında deyil. Bütövlükdə tendensiyanın istiqamətindədir – bu gün salamat qalanın sabah hansı aqibəti yaşayacağı bilinmir.
Dünyaya bir sevgi, ilahi ədalət gərəkdir. Bu prinsipləri insan övladı heç zaman unutmamalıdır. Unudanların axırı məlum deyil. Dini fərqliliyə görə insanları terrorçu adlandırmaq böyük günahdır. Bunun altı təkcə maliyyə sisteminin çökməsi ilə çəkilmir. Bu, başlanğıcdır. Bundan sonra daha dərin fəlakətlər gələ bilir.
Başqasının bədbəxtçiliyi hesabına varlanmaq siyasəti iflasa uğradı. Müharibə ilə qalib gəlmək fəlsəfəsi özünüməhvə apardı. Bəşəriyyət yeni həyat fəlsəfəsi yaratmağa məhkumdur. Bu fəlsəfənin əsas anlayışı isə insanların Allaha, dünyaya və bütün insanlara sevgisi olmalıdır. Ola bilsin ki, bu, bəziləri üçün sentimental duyğular və hətta mistika kimi görünsün. Ancaq təbiət neçə ildir sübut edir ki, sentimentallıqla, mistika ilə rasionallığın, realizmin arasındakı məsafə çox deyilmiş. Əslində onlar eyni həqiqətin iki üzüdürlər.
Orxan Güneyli olaylar

"Narıncı inqilab"dan "tünd siyasi böhran"a qədər

"Narıncı inqilab"dan "tünd siyasi böhran"a qədər
Ukrayna iki yerə bölünür?Ukraynada "narıncı koalisiyanın" dağılması ilə bağlı rəsmən məlumat veriləndən sonra qafalar yenidən qarışdı. Bu olayın arхasında ciddi siyasi və hətta geosiyasi proseslərin durduğuna şübhə etmirlər. Prezident Viktor Yuşşenkonun Rusiya prezidenti Dmitri Medvedyevə zəng edərək onu Kiyevə dəvət etməsinə məhz bu proseslər prizmasında baхırlar. Rusiya dövlət başçısının dəvəti qəbul etməklə yanaşı şərtinin də olduğu deyilir. Şərt Ukraynanın NATO-ya qəbul olmamasıdır. Hər bir halda siyasi kluarlarda Ukrayna üçün olduqca məsuliyyətli bir mərhələnin başladığını deyirlər. Prezidentlərin danışmasına baхmayaraq, rusiyalı deputatlardan bəzilərini Ukraynaya buraхmayıblar. Onların Ukraynada separatizmi qızışdırdığını deyirlər. Хüsusilə Krım məsələsində tərəflər arasındakı gərginlik səngimir. Ukrayna rus hərbi donanmasının kirayəsini bir neçə dəfə qaldırmaq istədiyini bildirəndən sonra ara daha da qarışıb. İndi tərəflərin həmin məsələdə ortaq məхrəcə gəlməsinə çətin bir iş kimi baхırlar. Bütün bunların fonunda baş nazir Timoşenkonun "narıncı"ları pis duruma salması ciddi siyasi mesay olaraq qəbul edilir. Prezident Yuşşenko parlamentə növbədənkənar seçki təyin etməyi düçünür. Ancaq bu, parlamentdə yeni koalisiya yaranmayacağı halında olacaqdır. Bunun üçün bir ay vaхt vardır. Ukraynadakı müşahidəçilər bu müddətdə nəyinsə ola biləcəyinə inanmırlar. Odur ki, indi əksəriyyət Ukraynada yeni siyasi böhrana hazırlaşır. Bu böhranın isə daha ağır olacağını deyirlər. Bunun bur neçə səbəbi üzərində dayanmaq olar. Birincisi, sirr deyil ki, Ukraynadakı böhranın əsl səbəbi bu ölkənin Rusiya ilə ümumi dil tapa bilməməsidir. Viktor Yuşşenko Saakaşvili qədər Qərbpərəstdir. Onun siyasətində Rusiya ilə münasibətlərə lazımi qədər yer ayrılmır və tariхi olaraq bir yerdə olmaq şərtlərinə əməl edilmir. Kreml üçün bu, qəbuledilməzdir. Ona görə də bizcə, indi mövcud olan şərtlər daхilində Ukraynada sabitliyin olması imkansızdır. Rusiya buna imkan verməyəcək. İkincisi, Gürcüstan misalı göstərdi ki, Rusiya yaхın ətrafında istənilən hərbi əməliyyatı apara bilər. Ukrayna üçün isə Kreml daha coх siyasi tələlər hazırlayıb. Timoşenkonu bir neçə il bundan öncə Rusiyanın ələ aldığı haqqında məlumat var. Bunun altından sonra kimlərin çıхacağı bəlli deyil. O baхımdan Ukraynanın Gürcüstanın taleyini bir qədər başqa formada yaşaya biləcəyini təхmin etmək olar. Üçüncüsü, Ukraynanın NATO ilə münasibətləri kuliminasiya nöqtəsinə çatdığından vəziyyət daha qarışıq məzmun kəsb edir. Əgər Ukrayna NATO-ya qəbul edilsə, Rusiya üçün olduqca ağır bir durum yaranır. Lakin Kremlin Güney Amerikada etdikləri (Boliviyadan ABŞ səfirinin çıхarılması, Venesuelada rus nüvə silahı daşıyan qırıcılarının peyda olması, Kubaya Rusiya qırıcılarının uçuşu və s.) göstərir ki, o da Amerikanın qulağının dibində koalisiya yarada bilər. Bunlar Gürcüstan və Ukraynaya cavabdır. Ukraynanın NATO ilə münasibətləri həmin səbəblərdən heç də sadə məsələ deyil. Rəsmi Kiyev bu punktlarda böyük ölçüdə ilişib. Ukraynada siyasi böhran bu səbəblər prizmasında həlli çətin olan məsələyə bənzəyir. Növbədənkənar parlament seçkilərinin nəyi həll edəcəyi məlum deyil. Tam aydındır ki, Rusiyanın əsas məqsədi Yuşşenkonu hakimiyyətdən uzaqlaşdırıb yerinə özünə loyal olan birisini gətirməkdir. Ona görə də istənilən halda Rusiya başqa üsul tapacaq. Burada kompromisə yol görünmür. Tərəflərdən hansısa tam uduzmalıdır. Ukraynadakı siyasi və geosiyasi şərtlər elədir ki, kiminsə tam siyasi qələbəsi imkanı yoхdur. Bu da siyasi savaşın süründürməçi formada uzun müddət davam edəcəyini göstərir. Partlayışın olması ehtimalı isə qalmaqdadır. Bununla Ukraynanın növbəti dəfə narahatedici siyasi dönəmə qədəm qoyduğunu deyə bilərik. Bu dönəmdə daha qorхulusu tərəflərin silah işlətmək ehtimalının çoх olmasıdır. Lakin Ukraynada çoхlu rus yaşadığından daha çoх diplomatiyaya üstünlük veriləcəyini güman etmək olar. NATO-nun qərarında inad etdiyi halda isə Rusiya sərt addımını atacaq. Atmasa, Gürcüstandan da əlini üzməli olacaq. Gürcüstanda NATO-nun baş katibi rus əsgərlərinin Abхaziya və Güney Osetiyadan çəkilməsini mütləq şərt adlandırıb. Deməli, tərəflər silaha əl ata bilərlər. Bunun Ukraynada necə tazahür edə biləcəyi maraqlıdır.
Şahin Məhəmmədoğlu olaylar

"Qarabağ düyünü" Ermənistanı silkələyir

"Qarabağ düyünü" Ermənistanı silkələyir
Qafar Çaxmaqlı: "Hakimiyyətə gəlmək Qərbdən dəstək almağa çalışan, ancaq buna nail ola bilməyən Levon Ter-Petrosyan Rusiyaya meyllənməyə başlayıb""İrəvan özbaşına addım ata bilməz, çünki Serj Sərkisyanın addımlarını Moskva müəyyənləşdirir"Ermənistanda daxili siyasi vəziyyət gərginləşib. Məsələ tək sentyabrın 15-də sabiq prezident Levon Ter-Petrosyanın rəhbərlik etdiyi Erməni Milli Konqresinin keçirdiyi mitinqlə bağlı deyil. Sentyabrın 16-ı parlamentin spikeri Tiqran Torosyan tutduğu postdan və Respublika Partiyasının üzvlüyündən istefa verib.
Ramiz Mikayıloğlu
O, qərarını partiyadakı fikir ayrılığıyla əlaqələndirib. Ancaq həmin fikir ayrılıqlarının nədən ibarət olduğunu aydınlaşdırmayıb. Xatırladaq ki, prezident Serj Sərkisyanın sədri olduğu Respublika Partiyasının icraçı orqanı hələ sentyabrın 6-da Tiqran Torosyanın spiker postunda qalmasını məqbul saymamış və bu posta prezident admnistrasiyasının sabiq başçısı Ovik Abramyanın namizədliyini irəli sürüb. Hakimiyyət koalisiyasında təmsil olunan Daşnakstyun və "Çiçəklənən Ermənistan" partiyalarının təmsilçiləri də məsələyə şərh verməkdən, münasibət bildirməkdən yayınıblar və bunu Respublika Partiyasının daxili işi kimi qiymətləndiriblər. Spikerdən neçə saat sonra isə Kassasiya Məhkəməsinin sədri Ovannes Manukyanın da istefa verdiyi məlum olub. O da istefasının səbəblərini açıqlamayıb. Bir çox ekspertlər vurğulayırlar ki, Ermənistanda yüksək postlarda təmsil olunan və az-çox rasional düşüncəli insanlar prezident kürsüsünə xalqın qanını tökməklə əyləşmiş Serj Sərkisyanın xarici siyasətdə bir sıra manevrlərindən sonra bu hakimiyyətin ömrünün uzun olmayacağı və yaxşı sonluqla qurtarmayacağı qənaətinə gəlməyə başlayıblar. Serj Sərkisyanın manevrləri də əsasən Türkiyəylə münasibətləri nizama salmaq, bunun üçün Dağlıq Qarabağ münaqişəsi ətrafında hər hansı irəliləyişə nail olmaq, "soyqırımla" bağlı danışıqlara başlamaqla Ankaranı sərhədləri açmasına razı salmaqdır. Ankaraya isə Qarabağ münaqişəsinin tənzimlənməsi istinamətində məhz rəsmi Bakını razı salacaq irəliləyişlər lazımdır ki, sərhədləri açarkən ölkə müxalifətinin və Azərbaycanın sərt təpkisiylə üzləşməsin. Bu vaxta kimi özünü Qərbpərəst göstərən, Ermənistanın iqtisadi blokadadan çıxması üçün Türkiyəylə əlaqələr qurmasının gərəkliyini vurğulayan, Qarabağ münaqişəsinin "dondurulmuş" vəziyyətdə qalmasından erməni xalqının daha çox əziyyət çəkdiyini dilə gətirən Levon Ter-Petrosyanın indi rusiyapərəst kimi danışması da diqqətdən yayına bilməz. Sentyabrın 15-də keçirilən aksiyada çıxışı zamanı sabiq prezident deyib ki, dövlət reketi hakimiyyətin fəaliyyətinin əsas məzmununu təşkil edir. Hakimiyyətin cinayətkar iqtisadi siyasəti ermənilərə ağır qış vəd edir, yazda isə dərin böhran gözlənilir. Levon Ter-Petrosyan hələ istefalardan öncəki bu çıxışında onu da vurğulayıb ki, Robert Köçəryanın dövründə hakimiyyət monolit olsa da, indi çat verir. Buna misal kimi o, Türkiyə prezidenti Abdulla Gülün Serj Sarkisyanın dəvəti əsasında Ermənistana səfəri zamanı hökumətdə təmsil olunan daşnakların etiraz aksiyası keçirməsini göstərib. Müxalifət liderinin fikrincə, Ermənistan heç vaxt indiki qədər xarici təzyiqə məruz qalmayıb. Keçmiş dövlət başçısının sözlərinə görə, Serj Sərkisyan ölkənin maraqlarını qurban vermək bahasına özünü legitimləşdirir və "erməni soyqırımı", erməni-türk münasibətləri kimi məsələlərdə güzəştlərə hazır olduğunu nümayiş etdirir. O, Dağlıq Qarabağ probleminin həllinin də təhlükə altında olduğunu söyləyib: "Mən dünyada Dağlıq Qarabağın müstəqilliyini tanıyacaq dövlət görmürəm. Üstəlik, Qərb Rusiyanın acığına Dağlıq Qarabağ münaqişəsinin həlli prosesinə aktiv qoşulmaq istəyir, Serj Sərkisyan isə sanki hipnoz altında bu basqılara boyun əyir". Levon Ter-Petrosyan Ermənistan-Türkiyə-Azərbaycan formatında keçiriləcək üçtərəfli görüşü çox təhlükəli adlandırıb: "Öz eqoist yanaşmaları ilə o, Dağlıq Qarabağ problemini hərraca çıxarıb". Levon Ter-Petrosyanın tərəfdarları isə çıxışlarında Ermənistanda NATO təlimlərinin keçirilməsinin də yolverilməz olduğunu vurğulayıblar. Məsələylə bağlı fikirlərini öyrəndiyimiz Erməni Araşdırmaları Mərkəzinin rəhbəri Qafar Çaxmaqlı deyir ki, əvvəllər Levon Ter-Petrosyanı Dağlıq Qarabağ məsələsini həll edəcək, Ermənistan-Türkiyə münasibətlərini nizama salacaq siyasətçi kimi qələmə veriblər. Ancaq ekspert həmin dövrlərdə də fərqli düşüncədə olub və mətbuata açıqlamalarında da bunu söyləyib. Əslində Levon Ter-Petrosyan hakimiyyətdə olduğu dövrlərdə erməni şovinisti kimi millitarist siyasət aparıb. Qafar Çaxmaqlı dedi ki, sabiq prezident son dövrlər hakimiyyətə gəlməsi üçün Qərbdən dəstək almağa çalışıb, ancaq buna nail ola bilməyib. Ona görə də yavaş-yavaş Rusiyaya meyllənməyə başlayıb. Həm də prezident Serj Sərkisyanın mövqeyi o qədər də möhkəm deyil. Son dövrlərdə onun Ermənistan siyasətində gücü zəifləməkdədir. Bu da onunla bağlıdır ki, Serj Sərkisyan təyin olunmuş şəxsdir və təyin olunmuş da heç vaxt prezident kreslosunda özünü rahat hiss edə bilməz, çünki xalqdan dəstəyi yoxdur. Serj Sərkisyanın Türkiyəylə bağlı siyasət sərgiləməsi, Rusiyaya get-gəlləri, bir az özünü demokrat göstərməsi, ABŞ-la bağlı siyasətə yer verməsi göz önündədir. Əslində Türkiyəylə əlaqələr saxlamaq Qərbyönümlü siyasət aparmaq deməkdir. Məhz bu amil də Levon Ter-Petrosyanı müəyyən qədər baxışlarını dəyişməyə sövq edib və o, rusiyameyilli siyasət sərgilməyə başlayıb: "Sabiq prezident hakimiyyətə gəlmək istəyir. Bəs bunu hansı yolla gerçəkləşdirsin? Görür ki, Rusiyasız mümkün deyil, ona görə də siyasətində dəyişiklik edir". Erməni Araşdırmaları Mərkəzinin rəhbəri də vurğuladı ki, Ermənistandakı daxili siyasi gərginlikdə Qarabağla bərabər iqtisadi amillər də ciddi yer tutur. İşğalçı ölkənin iqtisadi durumu ağırdır. Xalq Robert Köçəryandan sonra Serj Sərkisyanın nə isə etməsini gözləyir. Serj Sərkisyandan ümidi kəsiləndə də təbii ki, ermənilər Levon Ter-Petrosyana, yaxud başqasına ümidlə baxacaqdı. Ermənistanın vəziyyətinin yaxşılaşması da yalnız Qərbə inteqrasiyayla, bunun üçün də Türkiyəylə sərhədləri açmaqla mümkün ola bilər. Amma bu zaman ortaya paradoksal durum çıxır. Ermənistanda əhalinin böyük əksəriyyəti Türkiyə və Azərbaycan türklərini düşmən sayırlar. Serj Sərkisyanın Türkiyə prezidenti Abdulla Gülü İrəvana futbola baxmağa dəvət etməsi də Ermənistanda yaxşı qəbul olunmayıb: "Ermənistanın daxili siyasətində gərginlik bununla da bağlıdır. Əsas təkanverici isə iqtisadi amildir. Həmin iqtisadi amili, Ermənistanın təcrid durumuna düşməsini isə Qarabağ məsələsi şərtləndirir". Qafar Çaxmaqlı hesab edir ki, ermənilər Türkiyəyə lazımınca qiymət verməkdə, bu ölkəylə əlaqələr qurmaqda gecikiblər. Ermənistan regional layihələrdən kənarda qalıb. Digər tərəfdən, Rusiya İrəvanı şirnikləndirir ki, Qars-Gümrü dəmiryolunu açacaq. Dəmiryollarına nəzarət işğalçı ölkədə Rusiyanın əlində cəmləşib: "Türkiyəylə son əlaqələri də Ermənistan Moskvanın icazəsiylə qurur. İrəvan Rusiyasız, özbaşına addım ata bilməz, çünki Serj Sərkisyanın addımlarını Moskva müəyyənləşdirir".