İranın Qərbi Azərbaycan əyalətinin paytaxtı Urmiyanın Qızıl Hənəyə kəndinin sünni azərbaycanlı sakinləri ilə İranın güc strukturları arasında silahlı atışma olub. Lent.az-ın Türkiyə mətbuatına istinadən verdiyi məlumata görə, yanvarın 14-də azərbaycanlılar taxıl sahələri üçün istifadə etdikləri suyun kəndin yaxınlığında inşa edilən fabrikə yönəldilməsinə etiraz ediblər. Onlar etirazlarını Salmas və Xoy şəhərlərinin arasındakı yolu bağlamaqla bildiriblər.
Polis və təhlükəsizlik qüvvələrinin silahsız aksiya iştirakçılarına qarşı hücumları isə 4 saat davam edən atışmaya səbəb olub. Aksiya iştirakçılarından ən azı 15 nəfərin yaralandığı və Urmiyanın İmam Xumeyni Xəstəxanasına aparıldığı, 40 nəfərin isə polis tərəfindən saxlanıldığı bildirilir.
2 mindən çox əhalisi olan Qızıl Hənəyə kəndinin sakinlərinin əksəriyyəti sünni Azərbaycan türküdür və onlar təsərrüfat işləri ilə məşğul olurlar.
Pərvin ABBASOV
Hiç yorum yok:
Yorum Gönder