Sadıq Məhsuli
İranın daxili işlər naziri Sadıq Məhsuli jurnalistlərə açıqlamasında ictimai təhlükəsizlik layihəsinə yenidən baxıldığını deyib. Üç ildir həyata keçirilən ictimai təhlükəsizlik layihəsində yalnız xuliqanlığa və dələduzluğa qarşı mübarizə məqsədi güdüldüyü deyilsə də, sonradan bu proses gənclərin saç düzümü və geyiminin islama uyğun tənzimlənməsinə qədər genişlənib.
«Media forum» saytının məlumatına görə, S.Məhsuli layihənin icrasında mədəni üsullardan istifadə ediləcəyini bildirib: «Hazırda ictimai təhlükəsizlik layihəsinə yenidən baxılır. Qərara almışıq ki, layihənin icrasında mədəni üsullardan istifadə olunsun və vətəndaşların hüququna əvvəlkindən artıq riayət edilsin».
Hüquq-mühafizə qüvvələrinin layihə zamanı vətəndaşlara qarşı zorakılıq nümayiş etdirməsi, onlarla kobud davranması bir çox hallarda polislə qarşıdurmaya, hətta bir sıra rəsmilərin etirazına səbəb olub.
«Media forum»
Hiç yorum yok:
Yorum Gönder