İranın “Bəsic” “xalq milisi”nin rəhbərliyi Misir prezidenti Hüsnü Mübarəkin başına 1 milyon dollar mükafat təyin edib. Lent.az-ın “MIGnews” istinadən verdiyi məlumata görə, bu barədə “Fars” dövlət agentliyi informasiya yayıb.
Agentlik qeyd edir ki, “Bəsic” milisinin üzvləri – inqilabçı tələbələr xüsusi iclas keçiriblər: “Həmin tədbirdə xain Hüsni Mübarək barəsində çıxarılan ölüm hökmünün yerinə yetirilməsi müqabilində 1 milyon dollar mükafat təyin edilib. Tədbirdə Dünya Şəhidlərinin Mükafatlandırılması təşkilatının rəhbəri Foroz Recai çıxış edib”.
Qeyd edək ki, Dünya Şəhidlərinin Mükafatlandırılması təşkilatı İran İslam İnqilabı Keşikçiləri Korpusu tərəfindən yaradılıb və İranın dövlət strukturu sayılır.
Hiç yorum yok:
Yorum Gönder