Güney Azərbaycan kürdləşdirilir

Güney Azərbaycan kürdləşdirilir

Urmiyə şəhərinin "Nazlı" bölgəsinin Qızıl Xanəyə kəndinin sakinləri isə əkin sahələrinin suvarılmasında istifadə etdikləri su mənbələrindən məhrum edilmələrindən təşvişə düşərək dinc etiraz aksiyası keçirirlər.
Onlar kəndin əkin sahələrinin uzun illərdən bəri istifadə edilən çayın istiqamətinin dəyişdirilərək bu kəndin yaxınlığında inşa edilə qum fabrikinə yönəldilməsinə etiraz əlaməti olaraq Salms-Xoy şəhərlərarası şose yolunu bağlayıblar. Polis və təhlükəsizlki qüvvələrinin hücumu isə əhali ilə təhlükəsizlik qüvvələri arasında saatlarla davam edən toqquşmalara səbəb olub.
Dinc etirazçıları dağıtmaq məqsədilə polis soydaşlarımıza sərt təzyiqlər göstərib, adamları dəyənəklərlə döyüblər, sonra da soydaşlarımız atəşə tutulub.
Kənd sakinlərindən ən azı 15 nəfəri müxtəlif dərəcəli bədən xəsarətləri alıb, 40 kəndli isə həbs olunub. Kəndlilərə atəş də açılıb
Urmiyədəki Xomeyni xəstəxanasına yerləşdirilən yaralılar polis nəzarətində saxlanılır. Bundan başqa, Qızıl Xənəyə kəndinin giriş və çıxış yolları sərt polis nəzarətində saxlanılır. Kəndlilərin kənddən çıxmalarına məhdudiyyət qoyulub.
Aksiya zamanı həbs olunanların isə harada saxlandığı barədə heç bir dəqiq məlumat yoxdur.
Əkinçilik və bağçılıq isə 2 min nəfərdən artıq əhaliyə malik Qızıl Xənəyə sakinlərinin əsas dolanışıq mənbəyidir.
Dünən əməkdaşımızın əldə etdiyi məlumatlara görə, Qızıl Xəniyə kəndinin sakinlərinin etirazlarının əsas səbəbi su ilə bağlıdırsa, buraya kürdlərin köçürülməsi ilə bağlı yaranmış narazılıqlar da çox ciddi rol oynayıb.
Kənd sakinləri baş verənlərlə bağlı iki məktub yazıblar. Urmiyənin imam-cüməsi Həsəniyə ünvanlanmış məktubda hadisələrin kimlər tərəfindən və nə üçün törədilməsindən bəhs olunur.
O da bildirilir ki, İranın kütləvi informasiya vasitələri Qızıl Xənəyədə baş verənlər barədə heç bir məlumat vermirlər.
Qərbi Azərbaycan Müdafiə Komitəsindən verilən məlumata görə, Qızıl Xənəyə sakinlərinin etirazları gəlmə kürdlərin tərbiyəsiz, aqressiv davranışları ilə bağlı olaraq daha da sərtləşib.
Onlar kənd sakinlərinə sataşan, onların torpaqlarını qəsb etməyə çalışan və azərbaycanlıları təhqir edən kürdlərin, habelə dinc sakinlərə atəş açanların cəzalandırılmasını tələb edirlər.
Urmiyə şəhər məscidinin imam-cüməsi Həsəni isə bölgənin nüfuzlu azərbaycanlılarından biridir. 1979-1980-ci illərdə Sulduz şəhərinə axın edən kürdlərin işğalçı davranışına qarşı ayağa qalxan soydaşlarımızın arasında Həsəni də vardı. O, 40 mindən artıq kürdlə əldə silah vuruşan azərbaycanlılardan biri olub.
Qaçaqmalçılıq, narkotik maddələr, silah və insan alverindən əldə etdikləri pullarla Urmiyyənin yaxınlığında mal-mülk alan kürdlərin başında isə Hacı Abdulla Nuri adlı birisi durur.
Məhz bu şəxs Qızıl Xənəyənin yaxınlığında daş-qum karxanası salaraq, kənldin yaxınlığından axan çayın məcrasını dəyişərək karxanaya və onun kənarındakı tikinti materialları zavoduna yönəldərək soydaşlarımızı susuz qoyub.
Kürdlərin isə Güney Azərbaycana yürüşü xatırladaq köçü davam edir. Onlar məskunlaşdıqları azərbaycanlı kənd və qəsəbələrində ev tikəndən sonra əvvəlcə qohumlarını, sonra isə tanıdıqları bütün kürdləri oraya çağırırlar. Bu minvalla hakimiyyət dairələrinin də dhər yolla dəstək verdiyi kürdləşmə prosesi gedir. Güney Azərbaycanında Xananın "Piranşəhr", Soyuqbulaşın "Mehabad", Sulduzun isə adının "Nəğədə"yə döndərilməsi məhz bu minvalla baş verib.
Təbrizin azərbaycanlı tələbələri isə yanvarın 21-də yerli vaxtla saat 12-də Təbriz Universitetinin yataqxana korpusunna daxil olan "Ustad Cəfəri" kampus binasın qarşısında dinc oturaq etiraz aksiyası keçirəcəklər. Tələbələr Vahid Şeyxbəylinin azadlığa buraxılmasını tələb etmək niyyətindədir.
Aksiyada Təbriz tələbə hərəkatının liderlərindən biri, Güney Azərbaycanındakı milli-azadlıq hərəkatının fəallarından olan Əkbər Ələmi də qatılacaq.
Vahid Şeyxbəyli 24 gün əvvəl İranın ETTELAAT təşkilatının əməkdaşları tərəfindən evinin qarşısında həbs olunub. Qapını döyən təhlükəsizlik xidməti əməkdaşı onu çağırıblar. Şeyxbəyli darvazanı açıb çölə çıxanda isə onu zorla maşına basaraq, naməlum istiqamətə aparıblar.
Dünən aldığımız məlumatlara görə, zindana salınmış V.Şeyxbəylinin vəziyyəti ağırdır. Güney Azərbaycanındakı "Arman" milli təşkilatının lır.
Bu arada azərbaycanlı fəal və jurnalist Şahnaz Qulami zaminə buraxılıb.
İki ay öncə, ötən ilin noyabrın 9-da İranın Cinayət Məcəlləsinin "İran dövlətçiliyinə qarşı əks təbliğat" maddəsi ilə ittiham olunaraq həbs olunan Şahnaz Qulami 20 milyon tümən ($20 min) müqabilində müvəqqəti azadlığa buraxılıb.
İran təhlükəsizlik orqanları tərəfindən qanunsuz olaraq həbs olunması və Təbriz həbsxanasında təhlükəli cinayətkarlarla birlikdə saxlanmasına etiraz olaraq 2 həftə öncə aclıq aksiyasına başlayan jurnalist bunun nəticəsində huşunu itirərək xəstəxanaya yerləşdirilmiş və aksiyanı dayandırmağa məcbur olmuşdu.
Onun Təbriz həbsxanasında təhlükəli cinayətkar və əxlaqsız qadınlarla birlikdə saxlanıldığı, onun ən zəruri imkanlarla, o cümlədən yorğan-döşəklə təmin edilmədiyi də bildirilirdi. Azərbaycanlı jurnalist rütubətli və soyuq beton üzərində gecələməyə məcbur edildiyindən bel ağrılarından hələ də əziyyət çəkir.
Xəstəxanada Şahnaz xanıma lazımi tibbi yardımın göstərilmədiyi və onun səhhətinin hələ də yaxşılaşmadığı qeyd olunur.
"Azərqadın" veb səhifəsinin baş yazarı, Şahnaz xanım hakimiyyəti tənqid edən yazılarına görə, Təbrizin İslam İnqılabı Məhkəməsi tərəfindən 6 ay müddətinə azadlıqdan məhrum edilmişdi.
Şahnaz Qulaminin yenidən həbsə alınıb zindana salınması və ya azadlığa buraxılacağı bu yaxınlarda keçriləcək məhkəmədə həll olanacaq.express