Türkiyəli general: ”Azərbaycan öz torpağının bir parçasında və yalnız ermənilərin yaşadıqları yerdə referendum keçirilməsinə icazə verə bilməz”

Türkiyəli general: ”Azərbaycan öz torpağının bir parçasında və yalnız ermənilərin yaşadıqları yerdə referendum keçirilməsinə icazə verə bilməz”

“Ermənilər Dağlıq Qarabağdan kənarda yerləşən torpaqlarımızı da işğal ediblər, indi isə o topraqlardan müəyyən güzəştlər qarşılığında çıxa biləcəklərini deyirlər. Belə bir şey ola bilməz. Sanki işğalçı ermənilər bizə lütf edirlər. Onlar Azərbaycanın iqtisadi yüksəlişini və buna paralel olaraq hərbi potensialının gücləndiyini görüb işğal etdikləri torpaqlardan çıxa bilərlər, ancaq onlara heç bir güzəştdən söhbət getməməlidir. Əgər ermənilər desələr ki, biz bu torpaqları qan tökərək almışıq, onda bizim də torpaqlarımızı savaş yoluyla geri almaqdan başqa çarəmiz qalmayacaq”. Bu sözləri APA-nın Türkiyə bürosuna açıqlamasında Azərbaycan ordusunun qurulmasında iştirak etmiş Türkiyə Hərbi Hava Qüvvələri kəşfiyyat idarəsinin keçmiş rəisi, istefada olan general-leytenant Yaşar Dəmirbulaq deyib. O, danışıqlar prosesində Şuşa, Laçın və Kəlbəcərin adının çəkilməməsini də təəccüblə qarşıladığını bildirib: “Əgər ermənilər işğal etdikləri torpaqlardan Dağlıq Qarabağın statusu ilə bağlı referendumun keçirilməsinə dair razılığın əvəzində çıxacaqlarsa, bu, çox acınacaqlı olar. Nəyin referendumu? Hansı torpaqlarda referendum? Azərbaycan öz torpağının bir parçasında və sadəcə ermənilərin yaşadıqları yerdə referendum keçirilməsinə icazə verə bilməz. Artıq Sovet İttifaqı tarixə qarışdığına görə hər respublikanın içində kiçik muxtariyyətlər yaratmaq təcrübəsi də geridə qalıb. Ermənilər Türkiyəni qondarma “soyqırım”la suçlayarkən biz niyə ermənilərin Qarabağda törətdiyi qətliamları dünyaya yaymırıq?!”