Xəzər İbrahim: "Azərbaycanın Dağlıq Qarabağ probleminin nizamlanması üzrə hər hansı bir gizli plan hazırlamayıb""
Akif Nağı: "İnanmıram ki, Azərbaycan rəhbərliyi Dağlıq Qarabağda müvəqqəti hökumətin yaranmasına razılıq versin"
Fevralın 10-da "Sabah" qəzetinin köşə yazarı Ərdal Şafak diqqət çəkən yazı qələmə alıb. Ankaranın son dövrlər dliplomatik fəallığına toxunan Ərdal Şafak bildirib ki, Azərbaycanla Ermənistan arasındakı son danışıqlarda prinsipial razılaşmalar əldə olunub. Ermənistanın işğalı altındakı 7 rayon müəyyən bir təqvim içərisində Azərbaycana geri veriləcək, qaçqınlar evlərinə dönəcəklər: "Dağlıq Qarabağda statusunun gələcəkdə müəyyənləşməsi şərtiylə müvəqqəti hökumət qurulacaq.
Ramiz Mikayıloğlu
Dağlıq Qarabağla Ermənistan arasında nəqliyyat, rabitə və digər əlaqələr üçün keçidlər açılacaq". Köşə yazarı razılaşmanın müəyyən suallar yaratdığını da bildirib: "Qarabağda müvəqqəti hökumət necə qurulacaq? Keçidlər haralardan açılacaq, onların təhlükəsizliyini kim təmin edəcək? Ermənilər təhlükəsizliyin təmin olunmasının rus əsgərlərinə həvalə olunmasını istəyirlər. Azərbaycan isə "nə qədər rus əsgəri gətirsəniz, biz də o qədər türk əsgəri istəyirik" cavabını verir. Yəqin ki, sonda problemə müdaxiləsi olmayan ölkələrin əsgərlərindən ibarət sülhməramlı qüvvələr məsələsində razılığa gəlinəcək".
Məsələylə bağlı Qarabağ Azadlıq Təşkilatının (QAT) sədri Akif Nağının münasibətini öyrəndik. Akif Nağı dedi ki, Ərdal Şafak bir köşə yazarıdır və hansı mənbəyə əsaslanırsa, o mənbəyi göstərməlidir. Ancaq yazıda mənbə göstərilmir: "Ona görə də hesab edirəm ki, həmin yazıya o qədər də ciddi əhəmiyyət verməyə dəyməz. Buna münasibət bildirməyin də mənası yoxdur. Dağlıq Qarabağda hansısa müvəqqəti hökumətin yaransın, Azərbaycan ona razılıq versin, mən bunu qeyri-mümkün sayıoam. İnanmıram ki, Azərbaycan rəhbərliyi Dağlıq Qarabağda müvəqqəti hökumətin yaranmasına razılıq versin. Lakin hər halda yəqin ki, bu informasiyanı Azərbaycanın Xarici İşlər Nazirliyi, xüsusi xidmət orqanları dəqiqləşdirməlidirlər".
Dünən məlum oldu ki, Türkiyənin tanınmış "Hürriyyət" qəzeti də anoloji məzmunlu məlumat dərc edib. Məqalə Türkiyənin xarici işlər naziri Əli Babacanın Bakıya qisamüddətli səfərinə həsr olunub. Əli Babacanın ermənistanlı həmkarı Edvard Nalbəndyanla Münhendə keçən görüşündən sonra Bakıda Elmar Məmmədyarovla və İlham Əliyevlə də görüşməsindən bəhs edən məqalədə yazılır ki, Əli Babacan tərəflərə yeni Qarabağ planı təqdim edib. Prinsip anlaşmasına görə, Ermənistan mərhələ-mərhələ Azərbaycanın işğal altındakı 6 rayonunu azad edəcək, Azərbaycan da Ermənistanın şosse və dəmiryolunu açacaq. Qəzet tərəflərin yeni tənzimləmə planına Türkiyənin köməyi ilə yaxınlaşdıqlarını bildirir. Əli Babacanın Münhen-Bakı xətti ilə baş tutan diplomatik səfərindən sonra Ermənistan Dağlıq Qarabağda azərbaycanlılarin yaşadıqları 6 rayonu mərhələ-mərhələ Azərbaycana qaytarmağa razıdır. "Hürriyyət" yazır ki, öncə Füzuli, Ağdam, Cəbrayıl, Qubadlı və Zəngilan Azərbaycana qaytarılacaq. İkinci mərhələdə evlərini tərk etmək zorunda qalmış məcburi köçkünlər yurdlarına geri dönə biləcəklər. Üçüncü mərhələdə Dağlıq Qarabağın statusunu müəyyənləşdirmək üçün region bir müddətliyə müvəqqəti hökumətə veriləcək. Status müəyyən edildikdən sonra Kəlbəcər rayonu da Azərbaycana qaytarılacaq. Buna qarşılıq olaraq Azərbaycan Ermənistanın şosse və dəmiryolunu açacaq. Nəhayət, Ermənistan və Dağlıq Qarabağ arasındakı sərhəd bölgəsinə beynəlxalq sülhməramlılar yerləşdiriləcək. Bu qüvvələrin tərkibində tərəf və müdaxiləçi ölkələr (Türkiyə və Rusiya) yer almayacaq.
Amma Azərbaycan Xarici İşlər Nazirliyinin (XİN) mətbuat katibi Xəzər İbrahim bildirib Türkiyənin "Hürriyyət" qəzetinin Türkiyənin vasitəçiliyilə Dağlıq Qarabağ probeminin nizamlanması barədə razılaşma əldə olunduğu haqda məlumatını təkzib edib. Xəzər İbrahim mətbuata verdiyi açıqlamasında Azərbaycanın Dağlıq Qarabağ probleminin nizamlanması üzrə hər hansı bir gizli plan hazırlamadığını deyib. Mətbuat katibi bildirib ki, Azərbaycan ATƏT-in Minsk qrupu çərçivəsində münaqişənin nizamlanması üzrə sülh danışıqlarını davam etdirir və problemin beynəlxalq hüquq normaları və dövlətin ərazi bütövlüyü əsasında həlli mövqeyinə sadiqdir.
Hiç yorum yok:
Yorum Gönder