İRANIN KEÇMİŞ PREZİDENTİNƏ HÜCUM OLUB

İRANIN KEÇMİŞ PREZİDENTİNƏ HÜCUM OLUB

İranda islam inqilabının 30 illiyi ilə bağlı keçirilən tədbirdə bir qrup şəxs sabiq prezident və hazırda prezidentliyə namizəd olan Məhəmməd Hatəmiyə hücum edib.
APA-nın “Habertürk”ə istinadən verdiyi məlumata görə, M.Hatəmi Tehranın Azadi meydanında təşkil olunan tədbirdə iştirak edərkən əlində zopalar olan bur qrup adam “Hatəmiyə ölüm”, “Amerikan hökuməti istəmirik” deyə qışqıraraq ona yaxınlaşmağa cəhd göstərib. Ancaq “Hatəmi, Hatəmi, arxandayıq” deyən başqa bir qrup onların qarşısını kəsib. M.Hatəmi isə mühafizəçiləri tərəfindən meydandan uzaqlaşdırılıb.
Xatırladaq ki, M.Hatəmi bir neçə gün əvvəl iyun ayında keçiriləcək prezident seçkilərində iştirak edəcəyini açıqlayıb.