1915-ci ildə Osmanlı İmperiyasında baş verən hadisələrin “erməni soyqırımı“Ⅶkimi tanınmasını nəzərdə tutan qərar layihəsi ABŞ Konqresinin Nümayəndələr Palatası üzvlərinin imzasına təqdim edilib.
APA-nın “Habertürk”ə istinadən verdiyi məlumata görə, layihə demokrat konqresmenlər Frank Pallone, Adam Şiff, respublikaçı konqresmenlər Corc Radanoviç və Mark Kirk tərəfindən hazırlanıb. Amerika Erməni Milli Komitəsinin rəhbərlərindən olan Aram Hamparyan saxta soyqırımın tanınması üçün son mərhələyə gəldiklərini açıqlayıb: “Amerikadakı, Ermənistandakı və dünyadakı milyonlarla erməni olaraq erməni soyqırımının Amerika Konqresi tərəfindən tanınmasına yönəlmiş yeni təşəbbüsü məmnuniyyətlə qarşılayırıq”.
Xatırladaq ki, ABŞ prezidenti Barak Obama, vitse-prezident Co Bayden və dövlət katibi Hillari Klinton “erməni soyqırımı”nı tanıyacaqlarını vəd etmişdilər.
Hiç yorum yok:
Yorum Gönder