Milli Təhlükəsizlik Nazirliyi (MTN) tərəfindən həyata keçirilən növbəti əməliyyat tədbirləri nəticəsində İrandan Azərbaycana qaçaqmalçılıq yolu ilə narkotiklərin daşınmasının qarşısı alınıb.
MTN ictimai əlaqələr mərkəzindən Lent.az-a verilən məlumata görə, 50 kiloqramdan artıq narkotik vasitə olan həşiş aşkarlanaraq götürülüb. Belə ki, 2009-cu il fevralın 9-da Astara rayon sakinləri – Xosrov Nüsrətov, Elməddin Həmdəmov və Heydər Mədətov, habelə hazırda şəxsiyyəti istintaqla araşdırılan İran vətəndaşı və qeyriləri qabaqcadan əlbir olaraq, satış məqsədilə külli miqdarda narkotik vasitəni qaçaqmalçılıq yolu ilə gömrük sərhədindən gömrük nəzarətindən gizli yolla İrandan Azərbaycan ərazisinə gətiriblər.
Məlum olub ki, yuxarıda adları çəkilən şəxslər arasında əvvəlcədən əldə olunmuş razılığa əsasən, həmin İran vətəndaşının qaçaqmalçılıq yolu ilə Azərbaycan ərazisinə keçirdiyi narkotiki Elməddin Həmdəmov ondan alaraq, Astara rayonunun Kijəbə kəndində Xosrov Nüsrətova təhvil verib. Xosrov Nüsrətov həmin narkotikləri Kijəbə kənd sakini Heydər Mədətovun idarə etdiyi “VAZ-2107” markalı avtomaşında Masallı rayonuna apararkən onlar Lənkəran şəhərində MTN əməkdaşları tərəfindən saxlanılıblar. Avtomaşından 50 kiloqram 171.9 qram narkotik vasitə olan həşiş aşkarlanaraq götürülüb.
Faktla bağlı başlanılmış cinayət işi üzrə bütün halların araşdırılması, bu hüquqazidd əməllərin digər iştirakçılarının müəyyənləşdirilməsi üçün zəruri istintaq hərəkətləri və əməliyyat-axtarış tədbirləri davam etdirilir.
LENT.AZ
Hiç yorum yok:
Yorum Gönder