"Amnesty İnternational" (Beynəlxalq Əfv Təşkilatı) Güney Azərbaycandakı son vəziyyətlə bağlı bəyanat verib. Sənəddə bildirilir ki, ötən il noyabrın 13-də Tehranın Şəhid Rəcai Universitetinin müəllimi Abdullah Abbasi Cavan və onun bacısı oğlu Hüseyn Hüseyni Güney Azərbaycan Məşrutə Hərəkatının lideri Səttarxanın ildönümü ərəfəsində onun məzarı başında həbs olunublar. Ailələrinin onlar barəsində heç bir məlumatı yoxdur. Valideynləri yalnız milli fəallar noyabrın 23-də Tehrandakı Evin həbsxanasının 209-cu korpusuna köçürüldükdən sonra xəbər tutublar. Hüseyn Hüseyni isə bu il yanvarın 21-də girov müqabilində sərbəst buraxılıb. Ancaq Abdullah Abbasi Cavanın ailə üzvlərilə görüşə və vəki tutmağa icazə verilmir.
Turqut
Milli fəal 2007-ci ildə də həbs olunub və 130 gün təcridxanada saxlanılıb. O, "dövlətçilik əleyhinə təbliğat aparmaq"da və pantürkizmdə günahlandırılıb. Bəyanatda qeyd olunur ki, bu il yanvarın 14-də Güney Azərbaycanın Urmiya şəhərindəki Qızıl Xənəyə (Xaneqahe-Sorx) kəndində baş verən toqquşmada həbs edilən 30-dan çox insanın 18-nin adı məlumdur. Bunlar Barzad Nizami Əfşar, Miğdad Nizami Əfşar, Səid Cəfərpur, Məhəmməd Səmədzadə, Bəhram Quluzadə, Nadəli Quluzadə, Nadəli Əlipur, Merac Əlipur, Heydər Əlipur, Süleyman İbrahimzadə, Nasir Quluzadə, Əkbər Rüstəmi, İsgəndər Aslani, Allahverdi Aslani, Fəraməz Cəfəri, Məhəmməd Cəfəri, Nağı-A və Davud-Ş-dir: "Sakinlər yeraltı su qaynaqlarının sənaye istifadəsi üçün yönəldilməsinə etiraz əlaməti olaraq Urmiya-Salmas magistralını bağlayıblar. Ancaq onlarla polis gözyaşardıcı qaz və silahla dinc nümayişçilərə hücum çəkərək onlara atəş açıb. Polis kəndlilərə aid olan avtomobilləri zədələyib, qeydiyyat nömrələrini müsadirə edib. 30-dan artıq kənd sakini tutulub. Gözaltına alınanlar arasında yaralılar da var, ancaq ilk saatlarda onlar üçün müalicə imkanları yaradılmayıb. Yaralılar 5-6 saat sonra ağır qanaxmalarına görə, Urmiyanın İmam Xomeyni xəstəxanasına aparılıblar. Tutulanlar işgəncə olunmaqla sorgu-suala çəkilib və on günün içərisində girov müqabilində sərbəst buraxılıblar. Ancaq onlar hökumətə qarşı üsyan və məhkəmə hökmünə hörmətsizlik etməkdə günahlandırılıb və Nuşinşəhər (Urmiyanın yaxınlığında) məhkəməsində mühakimə olunublar. Məhkəmənin qərarıyla 11 nəfərə 3 il, 1 nəfərə 2 il, 3 nəfərə 6 ay 2 gün həbs cəzası verilib. Qalan 6 şəxs isə 2 milyon rial cərimə edilib. Günahlandırılan 10-dan çox şəxs həbsdən başqa, 74 şallaq cəzasına da layiq görülüb".
Hiç yorum yok:
Yorum Gönder