İran-İraq müharibəsi veteranı bu gün İran parlamentinin binası qarşısında özünü yandırıb. Hadisə şahidlərinin Trend News-a bildirdiyinə görə, keçmiş hərbiçiyə İran parlamentinin nümayəndələri ilə görüşmək imkanı verilməyib və o da etiraz əlaməti olaraq özünüyandırma aktını törədib.
Etiraz edən şəxsi güclü yanıqlarla xəstəxanaya çatdırıbılır.
-----------------------------------------------------------
Xocalı soyqırımının növbəti ildönümü ilə əlaqədar BMT-nin Nyu Yorkdakı mənzil qərargahı qarşısında etiraz aksiyası keçiriləcək
--------------------------------------------------------------------------------
Xocalı soyqırımının növbəti ildönümü ilə əlaqədar BMT-nin Nyu Yorkdakı mənzil qərargahı qarşısında etiraz aksiyası keçiriləcək
Amerika Birləşmiş Ştatlarında (ABŞ) fəaliyyət göstərən Amerika-Azərbaycan Cəmiyyəti Xocalı soyqırımının 17-ci ildönümü ilə əlaqədar bir sıra anım tədbirləri keçirəcək.
“Fevralın 27-də BMT-nin Nyu Yorkdakı mənzil qərargahı qarşısında etiraz aksiyası keçiriləcək. Etiraz aksiyasında BMT ölkələrinə və baş katibinə müraciət ünvanlanacaq”, - şənbə günü TrendNews-a Nyu-Yorkdan telefonla ABŞ-da fəaliyyət göstərən Amerika-Azərbaycan Cəmiyyətinin sədri Tomris Azəri məlumat verib.
Azəri bildirib ki, fevralın 28-də Xocalı faciəsi ilə bağlı Nyu-Yorkda “Türk evi”ndə təqdimat keçiriləcək. “Mərasimə amerikalı jurnalist Tomas Qolts, millət vəkilləri Qənirə Paşayeva, Həvva Məmmədova qatılacaq. Türk, yəhudi icmalarının da iştirak edəcəyi tədbirdə Heydər Əliyev Fondunun təqdim etdiyi Xocalı soyqırımını əks etdirən fotoşəkillər və film nümayiş etdiriləcək”, - o deyib.
TrendNews-un arayışı: 1992-ci il fevralın 26-da Ermənistan hərbi birləşmələri tərəfindən yeddi min əhalisi olan Xocalı şəhərində soyqırım aktı həyata keçirilib. Ermənistan hərbi birləşmələrinin şəhərə hücumu zamanı burada yalnız üç minə yaxın insan qalıb. Çünki 4 aydan artıq zaman ərzində mühasirədə olduğu üçün əhalinin xeyli hissəsi şəhərdən çıxmaq məcburiyyətində qalmışdı. Xocalı soyqırımı zamanı 613 nəfər ödürülüb, 1000 nəfər müxtəlif yaşlı dinc sakin aldığı güllə yarasından əlil olub. 106 nəfər qadın, 63 azyaşlı uşaq, 70 qoca öldürülüb. 8 ailə tamamilə məhv edilib, 25 uşaq hər iki valideynini, 130 nəfər valideynlərindən birini itirib. Faciə baş verən gecə 1275 nəfər dinc sakin girov götürülüb, onlardan 150 nəfərin taleyi indi də məlum deyil.
Azərbaycan hökuməti Xocalı soyqırımı ilə bağlı Ermənistan dövlətinin Beynəlxalq Cinayət Məhkəməsinə (Haaqa məhkəməsi) verilməsini araşdırır, Prezidentin İcra Aparatının İctimai-siyasi şöbəsinin müdiri Əli Həsənov öncə Trend News-a bildirib.
Hiç yorum yok:
Yorum Gönder