TÜRKİYƏNİN BAKIDAKI SƏFİRLİYİ QARŞISINDA AKSİYA KEÇİRİLİB

TÜRKİYƏNİN BAKIDAKI SƏFİRLİYİ QARŞISINDA AKSİYA KEÇİRİLİB
2009-04-13 - 16:22:00


Bu gün Türkiyənin Azərbaycandakı səfirliyi qarşısında etraz aksiyası keçirilib. “Turan” agentliyinin məlumatına görə, aksiya iştirakçıları Türkiyə-Ermənistan sərhədinin açılmasına etraz ediblər.

Aksiyaçılar “Türkiyə, Azərbaycanı və Qarabağı unutma!”, “Türkiyə, sərhədləri açma” və sair şüarlar qaldırıblar.

Etiraz aksiyasını “İrəvanın Azadlığı Təşkilatı” keçirib. Təşkilatın nümayəndəsi Ceyran Ansarova aksiya içtirakçılarının yekun qətnaməsini Türkiyə səfirliyinin nümayəndəsinə təqdim edib.

Aksiya sakit keçib, polis onun gedişinə müdaxilə etməyib.

“İrəvanın Azadlığı Təşkilatı”nı əslən Ermənistandan olan azərbaycanlılar yaradıb.