İranda amerikalı jurnalist üzərində məhkəmə başlayıb

31 yaşlı Roksana Sabiri casusluq etdiyini “boynuna alıb”

İranda casusluqda ittiham edilən amerikalı jurnalist üzərində məhkəmə prosesi başlayıb. Lent.az-ın “BBC”yə istinadən verdiyi məlumata görə, ilk iclas aprelin 13-də keçirilib. İranlı məmurlar hazırda Evin həbsxanasında saxlanılan 31 yaşlı Roksana Sabiri barəsində tezliklə hökm çıxarılacağını bildiriblər.

Qeyd edək ki, ilkin olaraq Sabiriyə bir şüşə çaxır almaqla bağlı ittiham irəli sürülüb. Sonra onu müvafiq akkreditasiyası olmadan jurnalistika ilə məşğul olmaqda ittiham ediblər. İndi isə ona qarşı ABŞ-ın xeyrinə casusluq etmək ittihamı irəli sürülüb. “İSNA” agentliyi İran baş prokuroruna istinadən bildirib ki, jurnalist qadın casusluq etdiyini boynuna alıb.

LENT.AZ