Dünəndən İran səfərində olan Ermənistan prezidenti Serj Sərkisyan həmkarı Mahmud Əhmədinejadla 1 saat qapalı danışıqlar aparıb. Prezidentlər İranla Ermənistan əlaqələrinin dərinliyinə toxunaraq qarşılıqlı münasibətlərin bütün sahələrdə daha da genişləndirilməsinin vacib olduğunu vurğulayıblar.
S.Sərkisyanı rəsmi səfərində Ermənistanın xarici işlər, enerji və təbii sərvətlər, nəqliyyat və informasiya, iqtisadiyyat və diaspor nazirləri, Ermənistan Mərkəzi Bankının sədri və deputatlar müşayiət edir.
“Media forum” saytının məlumatına görə, Əhmədinejad və Sərkisyan İranla Ermənistanın istər bölgə, istər dünya miqyasında müştərək görüşə malik olduqlarını bildiriblər. Onların fikrincə, bölgədə və dünyadakı dəyişikliklər baxımından İranla Ermənistanın əməkdaşlığı zəruridir, bölgədə sülh, dostluq və qardaşlıq bütün ölkələrin birgə əməkdaşlığı ilə hakim olmalıdır.
Sərkisyanın İrana səfərinin əhəmiyyətinə toxunan Əhmədinejad Ermənistanın inkişafının bütün bölgə üçün xeyirli olacağını vurğulayıb: “Ermənistanın çiçəklənməsi, inkişafı və sabitliyi bütün regionun xeyrinədir. Bizim qarşılıqlı əlaqələrimiz müxtəlif sahələrdə, o cümlədən enerji, ticarət, nəqliyyat və digər regional, beynəlxalq sahələrdə genişləndirilməlidir”.
Ermənistan lideri ölkəsinin inkişafı üçün göstərdiyi yardım və qayğıya görə İran İslam Respublikasına öz təşəkkürünü bildirib: “Yerevanla Tehranın münasibətləri genişləndirilməli və qarşılıqlı əməkdaşlıq səviyyəsi yüksəldilməlidir”.
Kaydol:
Kayıt Yorumları (Atom)
Hiç yorum yok:
Yorum Gönder