ƏHMƏDİNEJADIN BAŞ MÜŞAVİRİ İSTEFA VERİB

İran prezidenti Mahmud Əhmədinejadın baş müşaviri Müctəba Haşimi Səmərə istefa verib.

“Media forum” saytının məlumatına görə, istefanın əsl motivi açıqlanmasa da, siyasi təhlilçilər prezident seçkisi ərəfəsinə təsadüf edən bu addımı Əhmədinejadın yenidən seçilmək şansının az olması ilə əlaqələndirirlər.

H.Səmərənin istefa ərizəsində isə onun başqa sahədə xidmət göstərmək istədiyini yazdığı bildirilir.

H.Səmərə M.Əhmədinejadın ən yaxın adamlarından biri kimi tanınırdı. O, islam inqilabından sonra bir sıra vəzifələrdə çalışıb. Prezidentin baş müşaviri olana qədər İranın Qərbi Azərbaycan ostandarının müavini, Kürdüstan ostandarının müavini, Sənəndəc şəhərinin meri, Kürdüstan ostandarının müşaviri, Kürdüstan Azad Universiteti rektorunun canişini, “Atisaz” şirkətinin baş direktoru işləyib.




«Media forum»