Türkiyəli jurnalistlər Dağlıq Qarabağa getməkdən imtina etdilər

Rəsmi İrəvan onlara təklif edib ki, «Dağlıq Qarabağ Respublikası»nın «xarici işlər naziri»nin adına məktub yazsınlar və onlar bununla razılaşmayıblar

Türkiyəli jurnalistlərin Azərbaycanın işğal olunmuş əarzisi olan Dağlıq Qarabağa səfərdən imtina ediblər. ANS PRESS, Ermənistanın «PanARMENIAN.Net» saytına istinadən xəbər verir ki, Dağlıq Qarabağ səfər etmək istəyən jurnalistlər rəsmi İrəvanın təkliflərini qanunsuz hesab ediblər. Belə ki, İrəvanda onlara təklifı olunub ki, Xankəndiyə getmək üçün qondarma Dağlıq Qarabağ Respublikasının «xarici işlər naziri» Georgi Petrosyana məktub yazsınlar və icazə istəsinlər. Lakin türk jurnalistlər hensab ediblər ki, yalnız «cənab Petrosyan» müraciəti kifayətdir. Aparılan danışıqlardan sonra jurnalistlər «hörmətli cənab Georgi Petrosyan» müraciətinə də razılaşıblar və bildiriblər ki, ona «xarici işlər naziri» kimi müraciət etmək niyyətində deyillər. Bundan sonra Ermənistan Xarici İşlər Nazirliyi onların Xankəndiyə getməsinə icazə verməyib. Türkiyəli jurnalistlərin özləri də bildiriblər ki, Dağlıq Qarabağa səfər etmək fikrindən daşınıblar.

Xatırladaq ki, Qara dəniz İqtisadi Əməkdaşlıq Təşkilatının İrəvanda keçirilən toplantısında iştirak edən bir qrupp türkiyəli jurnalist aprelin 18-də Dağlıq Qarabağa birgünlük səfər etmək niyyətində idi. /ANS PRESS/