Türkiyənin Azərbaycandakı səfirliyinin mətbuat müşavirliyi Azərbaycan bu gün mətbuatında dərc olunan bir xəbərlə bağlı açıqlama yayıb. Səfirliyin açıqlama yaymasına səbəb həmin xəbərdəki “Türkiyədə azərbaycanlı millət vəkillərinin çıxışları titrlərlə verilir.. Dillərimiz eynidirsə, onlar niyə belə edirlər?” cümləsi olub.
“Media forum” saytının məlumatına görə, səfirliyin mətbuat müşavirliyi bu ölkədə səfərdə olan Azərbaycan deputatlarının çıxışlarını diqqətlə izlədiyini bəyan edib: “Televiziya kanallarının hardasa hamısının hörmətli millət vəkillərinin danışdıqlarını alt yazısız və dublyajsız verdiyi müşahidə edilir. Ölkəmizin televiziya kanallarındakı qaydalara görə, tamaşaçının sözləri daha yaxşı anlaya bilməsi üçün bəzən yuxarı səviyyəli rəsmilərimizin çıxışları da daxil olmaqla, danışılanlar alt yazı ilə verilir. Bir neçə kanalın alt yazı verməsi istisna olmaqla, ölkəmizin televiziyalarının əksəriyyətinin Azərbaycanın hörmətli millət vəkillərinin çıxışlarını olduğu kimi verməsi “bir millət-iki dövlət” sözünün gerçək həyatda tətbiqinin əlamətidir. Türkiyədəki televiziya tamaşaçılarının millət vəkillərinin bütün sözlərini anladığını, “dilimiz birdir” deyənlərin bir daha haqlı çıxdığını söyləməyə isə ehtiyac belə yoxdur”.
«Media forum»
Kaydol:
Kayıt Yorumları (Atom)
Hiç yorum yok:
Yorum Gönder