Türkiyənin Azərbaycandakı səfirliyi qarşısında etiraz aksiyası keçirilib

Türkiyənin Azərbaycandakı səfirliyi qarşısında etiraz aksiyası keçirilib
15:20 13-04-09


Bu gün Türkiyə-Ermənistan sərhədlərinin açılmasına etiraz olaraq Türkiyənin Azərbaycandakı səfirliyinin binası qarşısında aksiya keçirilib.



APA-nın xəbərinə görə, İrəvan Azadlıq Təşkilatının (İAT) bir qrup üzvü “Türkiyə, Azərbaycanı unutma!” şüarını səsləndirib, üzərində “Azərbaycan-Türkiyə”, “Bir millət, iki dövlət” sözləri yazılan plakatlar qaldırıblar.



Sonda aksiyanın bəyanatı oxunub. Bəyanatda Türkiyə-Ermənistan sərhədinin açılmasına etiraz bildirilib. Qeyd olunub ki, Ermənistan Azərbaycan və Türkiyənin ərazi bütövlüyünü tanımayana, Qarabağ azad olunmayana qədər sərhədlərin açılması müzakirə mövzusu ola bilməz.



Bəyanatda sərhədlərin açılması yönündə Türkiyə iqtidarının atdığı addımlar türk dünyasına xəyanət kimi dəyərləndirilib. Bəyanat səfirliyə təqdim olunub.