TRT KÜRD DİLİNDƏ YAYIMA BAŞLADI

TRT KÜRD DİLİNDƏ YAYIMA BAŞLADI


Türkiyə Radio-Televiziya Qurumunun (TRT) kürd dilindəki kanalı test yayımına başlayıb. APA-nın məlumatına görə, dekabrın 25-də yerli vaxtla saat 18.30-da yeni telekanal - TRT-6-nın test yayımına start verilib. Telekanal Türkiyənin Dövlət Himni - İstiqlal Marşı ilə açılıb. Marş çalınarkən fonda türk bayrağı, Atatürkün, Qurtuluş Savaşının və birinci Türkiyə Böyük Millət Məclisinin görüntüləri ekrana gəlib.
Kürd dilinin “kurmançi” ləhcəsi ilə yayıma başlayan kanalda kürd sənətçiləri Rojin və Nilufər Akbalın klipləri efirə verilib. Telekanal 2009-cu il yanvarın 1-də baş nazir Rəcəb Tayyib Ərdoğanın iştirakı ilə keçiriləcək mərasimlə rəsmən fəaliyyətə başlayacaq.