Təbriz şəhərində baş verən partlayış nəticəsində iki nəfər ölüb

Təbriz şəhərində baş verən partlayış nəticəsində iki nəfər ölüb


Təbriz şəhərində baş verən partlayış zamanı bir ailənin iki üzvü həlak olub, ikimərtəbəli bina tamamilə dağılıb. Bu barədə İranın Fars xəbər agentliyi məlumat yayıb.

Təbriz şəhər yanğınsöndürmə idarəsinin məlumatına əsasən, hadisə şənbə günü səhər saatlarında Təbrizin İmamiyyə xiyabanı yaxınlığındakı ikimərtəbəli binada baş verib. Hadisə yerinə Təbriz şəhər yanğınsöndürmə idarəsinin 1 və 4-cü bölmələri göndərilib. Yataq otağında qaz sızmasından baş vermiş partlayişda 26 yaşlı Nadir və həyat yoldaşı 18 yaşlı Səmira həlak olublar.

Hadisə nəticəsində qonşu binaya və yaxınlıqdakı üç avtomobilə ziyan dəyib.trend