Buna türmədə aldığı işgəncə səbəb olub.
21 Azərlə bağlı aksiyalarda həbs edilmiş Güney Azərbaycan Milli Hərəkatının fəalı Nəvid Sultaninin durumu ağırdır. Xanımına istinadən GAMOH-un Quzey Azərbaycan təmsilçiliyindən "OLAYLAR"a daxil olan məlumata görə, türmədə aldığı fiziki və ruhi işgəncələr Nəvid bəydə əsəb pozğunluğu yaradıb. Xanımı bildirib ki, Nəvid bəy təcili müalicə olunmalı, həbsxanadan buraxılmalıdır. Qeyd edək ki, 20 yaşlı Nəvid bəyi dekabrın 22-də mühakimə edəcəklər.
Hərəkatçılar Evində saxlanılır
Məhkəmə hakimi bunu 40 gün sonra etiraf edib
Noyabr ayında ETTELAAT qüvvələri tərəfindən yaxalanmış Milli Hərəkat fəalları Hüseyn Hüseyni və Abdulla Abbasiye Cavanın həbs edildiyi təsdiq edilib. Həbsdən 40 gün ötəndən sonra Tehran İnqilab Məhkəməsinin hakimi bildirib ki, hər iki hərəkatçı Evin türməsində saxlanılır. GAMOH-un Quzey Azərbaycan təmsilçiliyindən "OLAYLAR"a daxil olan məlumata görə, saxlanılanlar nizamın əleyhinə fəaliyyət göstərməkdə və pantürkizmdə suçlandırılırlar.
Hiç yorum yok:
Yorum Gönder