Amerika Birləşmiş Ştatlar prezidenti Corc Buşa ayyaqabı atan iraqlı jurnalist Müntəzar Əl-Zeydiyə dəstək nümayiş etdirmək üçün bu dəfə Tehranda etiraz aksiyası keçirilib. Onlarla tələbə iraqlı jurnalistin azad olunmasını tələb edib. Sabah isə Corc Buşun portretinə ayaqqabı atmaq üzrə Tehranda yarış keçiriləcək. Yarışlar Tehran Universitetinin ərazisində cümə namazından sonra başlayacaq. Qeyri-adi yarışın şərtləri və qaydaları barədə hələlik məlumat verilmir. Xatırladaq ki Birləşmiş Ştatların hazırki prezidenti Corc Buşun son Bağdad səfəri zamanı Əl-Cəzirə telekanalının Misir bürosunun əməkdaşı, Müntəzar Əl-Zeydi Ağ Ev rəhbərinin apardığı siyasətə etirazını bildirərək ona ayyaqabılarını tullayıb. /İctimai TV/
Hiç yorum yok:
Yorum Gönder