Türkiyədəki “göbəkli etiraz” aksiyasından yeni görüntülər

Türkiyədəki “göbəkli etiraz” aksiyasından yeni görüntülər

Türkiyənin Artvin şəhərinin Hopa qəsəbəsində Türk sürücülərin yolun buz bağlamasına etirazlarını azərbaycanlı bir qadına göbək rəqsi oynatmaları ilə bildirməsinin yeni təfərrüatları məlum olub. Lent.az-ın Türkiyə mətbuatına istinadən xəbərinə görə, göbək rəqsi oynayan azərbaycanlı qadının adı Aygündür. O, qəsəbədəki kazinoda çalışdığını deyib: “Sürücülər məndən etiraz aksiyası üçün dəstək istədilər, mən də dəstək verdim. Ümid edirəm ki, bu sürücülərin səsini eşidən olar”.
Aygünü sözün əsl mənasında oynadan sürücülərin adları isə Tuğrul Akoğlu, Turan Altınkaya, Celal Çakır, Uğur Türker və Ferhat Karabacaqdır. Onlar “etdiyimiz şikayətlər illərdir sürür. Siyasətçilər də söz verib əməl etməyiblər. Ümid edirik ki, bu dəfə diqqətlərini çəkə bilmişik” söyləyiblər. Sürücülər bir daha buz bağlamış yolların açılması üçün əlaqədar qurumlardan kömək istəyiblər.
Qeyd edək ki, sözügedən ərazidə qış aylarında qar yağması və yolların buz bağlaması nəticəsində sürücülər xeyli çətinliyə düşür. Yerli yol müfəttişləri sürücülərin zəncirsiz və maşınları sazlamadan yola çıxmamaları barədə müraciət edib.

LENT.AZ

Xəbərin oxunma sayı: 652