«KALES» ŞİRKƏTİ: AZƏRBAYCANLILARA BİLET SATAN ERMƏNİ BAŞQA ADAMLA ƏVƏZ OLUNUB

«KALES» ŞİRKƏTİ: AZƏRBAYCANLILARA BİLET SATAN ERMƏNİ BAŞQA ADAMLA ƏVƏZ OLUNUB
2009-01-05 - 18:25:00


Lena Kellens


Meri Sarqsyan




«Azərbaycan Hava Yolları» Qapalı Səhmdar Cəmiyyəti üçün Brüsseldə bilet satışını həyata keçirən Hollandiyanın «Kales» şirkətinin azərbaycanlı müştərilərə bilet satan, milliyyətcə erməni olan agenti Meri Sarqsyan başqa işçi ilə əvəz edilib. Bunu «Media forum» saytına «Kales» şirkətindən bildiriblər.

Şirkətdən sayta verilən məlumata görə, bundan sonra azərbaycanlı müştərilərə M.Sarqsyan yox, Lena Kellens adlı bilet satışı agenti xidmət göstərəcək. «Kales»dən artıq bu barədə «Azərbaycan Hava Yolları» QSC-yə rəsmi məlumat göndərildiyini vurğulayıblar.

Məsələ ilə bağlı «Media forum» «Azərbaycan Hava Yolları» QSC-nin mətbuat xidmətinə də müraciət edib. İş gününün sonu olduğundan mətbuat xidmətindən saytın müraciətinə yanvarın 6-da cavab veriləcəyi bildirilib.

«Kales» şirkətinin «Azərbaycan Hava Yolları» üçün Brüsseldə bilet satışını həyata keçirən agentin erməni olması xəbəri dekabrın 26-da yayılıb. Həmin gün «Azərbaycan Hava Yolları» QSC «Kales» şirkətinə müraciət edərək M.Sarqsaynın başqa millətdən olan agentlə əvəz olunmasını istəyib.

Dekabrın 26-da «Media forum»a açıqlamasında M.Sarqsyan deyib ki, əslində o, başqa aviaşirkət üçün işləyir: «Sizin müştərilər rusca danışdığından və mən də rusca danışa bildiyimdən bəzi rusdilli müştəriləri mənə istiqamətləndirirlər. Əgər belə olmasa, mənim «Azərbaycan Hava Yolları» ilə heç bir işim yoxdur».


«Media forum»