İranda daha 6 soydaşımıza həbs cəzası verilib

İranda daha 6 soydaşımıza həbs cəzası verilib
"İran" qəzetində azərbaycanlıları təhqir edən karikaturanın dərcinə etiraz olaraq 2006-cı ilin mayında keçirilən aksiyalara qatılan daha 6 azərbaycanlıya həbs cəzası verilib. Bu barədə Dünya Azərbaycanlıları Konqresinin (DAK) mətbuat xidmətindən verilən məlumatda bildirilir.
Xəbərə görə, Xoy İnqilab Məhkəməsində bu ölkədə yaşayan azərbaycanlılarının hüquqları uğrunda hərəkatın bir qrup fəalının işinə baxılıb. Məhkəmə aksiyalara qatıldıqları üçün İbrahim Abdullanejad, Əli Həlmi, Əli Hüseynnejad, Möhsün Hüseynzadə, Sabir Beytullahi və Bəhmən Nəsirzadə barədə 10 aydan 1 ilə qədər şərti həbs cəzası çıxarıb. Adıçəkilən şəxslər İranın dövlət quruluşuna qarşı təbliğat aparmaqda və pantürkist təbliğatda ittiham olunurdular.