Şahnaz Qulamidən həyəcanlı xəbərlər

Şahnaz Qulamidən həyəcanlı xəbərlər

10:20 05-01-2009





Aclıqdan huşunu itirən jurnalistin harada saxlanıldığı bilinmir

Müddətsiz aclıq aksiyası keçirən azərbaycanlı jurnalist, www.azarwomen.blogfa.com saytının redaktoru Şahnaz Qulaminin vəziyyəti pisləşib. Dünya Azərbaycanlıları Konqresinin (DAK) mətbuat xidmətindən Lent.az-a verilən məlumata görə, o tamam huşunu itirib, özündən gedib. Bundan sonra zindan (həbsxana) rəhbərliyi tərəfindən həbsxanadan çıxarılıb. Hazırda həbsdə saxlanılan Şahnaz Qulaminin harada olduğu və fiziki durumu haqda məlumat yoxdur.
Maraqlı tərəflərin Şahnaz Qulamiyə qarşı ediləcək hansısa təxribatlarla bağlı indidən “sığortalama işi” gerçəkləşdirildiyi bildirilir. Belə ki, jurnalistin ”psixi durumu yaxşı deyil”, “o intihar edə bilər” kimi "proqnoz"lar verilir.
Qeyd edək ki, Qulami dekabrın 19-dan başlayaraq Təbriz həbsxanasındakı ağır durumuna etiraz əlaməti olaraq müddətsiz aclıq aksiyasına başlamışdı. O, işinə qanun çərçivəsində baxılmasını tələb edir.
Pərvin ABBASOV

LENT.AZ