70 min tələbə İsraildə kamikadzeliyə hazırlaşır

70 min tələbə İsraildə kamikadzeliyə hazırlaşır
14:35 06-01-09
Qəzzada həlak olan hər bir şəxs şəhid sayılacaq



70 mindən çox iranlı tələbə İsraildə kamikadzeliyə hazır olduğunu bəyan edib. Lent.az-ın “İRNA” agentliyinə istinadən verdiyi məlumata görə, tələbələr İsrailə qarşı vuruşmağa icazə verməsi üçün prezident Mahmud Əhmədinejada müraciət ediblər. Lakin İran prezidenti bu müraciətə hələlik reaksiya verməyib.



Kamikadzelik etməyə hazır olan könüllülərin siyahısı keçən həftədən etibarən tutulmağa başlayıb. Aksiyanı bir neçə radikal tələbə və dini təşkilat başlayıb. Onlar bildirirlər ki, bu addımla HƏMAS təşkilatına dəstək verirlər. İranın ali dini rəhbəri ayətulla Əli Xamneyi isə dekabrın 28-də fətva verərək Qəzzada İsraillə döyüşdə həlak olan hər bir şəxsin şəhid sayılacağını bəyan edib.