Misir atəşkəs planı təklif etdi

Misir atəşkəs planı təklif etdi


Misir, Qəzzadakı qanlı olaylara son qoyulması məqsədilə bir atəşkəs planı təklif edib

QayNar: Misir dövlət başçısı Hüsnü Mübarək, tətil diyarı Şarm Əl Şeyxə gələn Fransa prezidenti Nikolya Sarkozi ilə görüşündən sonra təşkil olunan mətbuat konfransında, İsrail ilə Qəzzadakı fələstinlilər arasında dərhal atəşkəs elan edilməsini istəyib.
"Qaynar.info"-nun verdiyi xəbərə görə, Mübarək, atəşkəsin elan edilməsindən sonra aralarında Qəzzaya tətbiq olunan mühasirənin ləğv edilməsi məsələsinin də yer aldığı uzunmüddətli tənzimləmə mövzusunda görüşlərə start verilməsini təklif edib.
Mübarəkin təklifinin əsas başlıqları belədir:

* İsrail və fələstinli qruplar müvəqqəti bir zaman çərçivəsində dərhal atəşkəs elan edəcək. Bu müvəqqəti zaman ərzində Qəzzaya humanitar yardımın çatdırılması üçün etibarlı dəhlizlər açılacaq və Misirə də əhatəli və son atəşkəs məsələsində səylərini davam etdirməsi üçün zaman tanınacaq.
* Misir, hal-hazırda hakim olan gərgin vəziyyətin yenidə ortaya çıxmaması, sərhədlərin qorunması, keçid nöqtələrinin yenidən açılması və mühasirənin aradan qaldırılması mövzularında tənzinləmələrin həyata keçirilməsi və bunalara zəmanət verilməsi məqsədilə həm İsrail, həm də Fələstin tərəfini təcili olaraq toplantıya çağıracaq.
* Misir, beynəlxalq uzalşmanın təmin edilməsi məqsədilə göstərdiyi səylərə qarşılıq vermələri üçün Fələstin hökumətini və bütün fələstinli qrupları yenidən görüşlərə dəvət edəcək.

Fransa dövlət başçısı Nikolya Sarkozi də mətbuat konfransında, Mübarəkin, israilliləri "vaxt itirmədən" Fələstin-Misir sərhəddinin təhlükəsizliyi məsələsini Misirdə müzakirə etməyə dəvət etdiyini bildirib. //Rəşad Səfərov, QayNar