Neft 70 dollara qədər bahalaşa bilər

Neft 70 dollara qədər bahalaşa bilər


Birjalarda neftin qiyməti artmağa başlayıb. Bu dəfə bahalaşmaya əsas səbəb kimi tək iqtisadi deyil, siyasi faktorların da təsiri olduğu göstərilir. OPEK isə hasilatı yenidən azaltmaq barədə düşünür.

Nyu-York birjasında layt neftinin bir bareli 49 dollar 90 sentə təklif olunur. London birjasında hərraca çıxarılan brent neftisə daha baha- 51 dollar 8 sentə satılır.
Ekspertlər hesab edir ki, opekin hasilatı azaltmaq barədə qərarı qiymətlərə təsir etdi. Qışın sərt keçməsilə bağlı neft məhsullarına tələbat artıb. Hasilatçı ölkələr - küveyt və qətər isə yanvar ayından başlayaraq asiya ölkələrinə neft ixracını azaldacaq. OPEK hasilata yenidən baxacağı ilə bağlı planlarını açıqlayıb.

Bütün bunlar da neftin qiymətinə təsirsiz ötüşməyib. Amma qiymət artımına təsir edən amillər sırasında siyasi prosesalərin yükü də az deyil. Qəza zolağında hərbi münaqişə və Rusiyadan Avropaya qaz nəqlində yaşanan problemlər bu faktorlardan ən təsirlisi sayılır.

Daim dəyişən siyasi proseslərlə bağlı qiymət ətrafında proqnoz vermək çətin olsa da, gözləntilər də var. Amma qlobal maliyyə böhranı neftin qiymətinə daha çox təsir edir. Qiymətin 50 dollarıq psixoloji həddi aşması belə OPEK-i qane etmir. Kartel ölkələri gələn ay bir araya gələrək, hasilatı yenidən azaltmaq barədə qərar qəbul etmək istəyir. // Lider