İsrail Azərbaycanlıları Konqresi HƏMAS-ın əməllərini pisləyən bəyanatla çıxış edib

İsrail Azərbaycanlıları Konqresi HƏMAS-ın əməllərini pisləyən bəyanatla çıxış edib

İsrail Azərbaycanlıları Konqresi Qəzza sektorunda baş verən hadisələrlə bağlı bəyanatla çıxış edib. APA-nın məlumatına görə, Konqres bildirib ki, baş verən hadisələrin günahkarı HƏMAS-dır: "Atəşkəs rejiminin HƏMAS tərəfindən kobud şəkildə pozulması, İsrailin cənubunda dinc vətəndaşların raket atəşinə tutulması İsrail hökumətini bu kimi qərar qəbul etməyə vadar edib. Baş verən hadisələrə görə günahkar məhz HƏMAS-dır. HƏMAS-ın günahı ucbatından Qəzza zolağının əhalisi normal həyat tərzi sürə bilmir. Artıq yeddi ildir ki, Qəzza zolağı ilə sərhəddə yaşayan azərbaycanlıların və Azərbaycandan köçmüş yəhudi ailələrinin vəziyyəti dözülməzdir. Heç bir ölkə bu vəziyyətə dözə bilməz. Qəzza zolağında aparılan antiterror əməliyyatının əsas məqsədi ölkənin cənubunda yaşayan vətəndaşların durumunu yaxşılaşdırmaqdır".