MAQATE rəhbərinin müavini İrana səfər edib

MAQATE rəhbərinin müavini İrana səfər edib


MAQATE rəhbərinin müavini Olli Heynonen (Olli Heinonen) bazar ertəsi Tehrana səfərə gəlib. İranın Atom Enerji Təşkilatının dəvəti ilə İrana səfərə gəlmiş Heynoneni MAQATE-nin protokollar üzrə eksperti müşayiət edir. Bu barədə İranın «İRNA» agentliyi məlumat yayıb.

İranın Atom Enerji Təşkilatının məlumatına əsasən, MAQATE-nin Baş katibi Məhəmməd Əl-Bəradeinin müavini ötən səfərləri çərçivəsində aparılan müzakirələri davam etdirmək məqsədilə İrana səfər edib.

Heynonen avqust ayının 7-də Tehrana iki günlük rəsmi səfər etmişdi. Həmin səfəri zamanı o, İran və MAQATE arasında protokol əməkdaşlığına dair məsələləri müzakirə etmişdi.

trend