زاد تبریز- آذربایجانی زیارت ائدن تورکییه باش ناظیر رجب طیب اردوغان باکی نین قافقاز باریش و امکداشلیق پلاتفورماسی تکلیفینه موثبت یاخینلاشدیغینی سؤیله دی.
آذربایجانا زیارت اوچون گئدن باش ناظیر اردوغانین زیارتی سونا چاتدی. آذربایجان رئسپوبلیکا باشچیسی ایلهام علی اوف ایله ایکیلی گؤروشمه ائدن اردوغان، داها سونرا اورتاق مطبوعات کونفرانسینا قاتیلدی. گؤروشمه لرده ایکی اؤلکه آراسینداکی علاقه لر، بؤلگه ده کی اینکیشافلار، اورتاق ائدیلن پروژه لرین تهلوکه سیزلیگی، تورکییه نین تکلیف ائتدیگی قافقاز ایتتیفاقی و دیگر مؤوضوعلار اله آلیندی. گؤروشمه لر سونراسی علی اوف و اردوغان اورتاق مطبوعات کونفرانسی تشکیل ائدیلدی.
اؤیرنجی نین جیهان خبر آژانسی ندان آلدیغی خبره گؤره، طبوعات کونفرانسیندا دانیشان علی اوف، ایکی اؤلکه آراسینداکی علاقه لرین سورعتله اینکیشاف ائتدیگینی بیلدیردی. علی اوف، “تورکییه-آذربایجان دوستلوغو ایکی اؤلکه آراسینداکی علاقه لرین اینکیشافینا سورعت قاتیر. بیزیم اورتاق چابالاریمیز نتیجه سینده بؤلگه ده بؤیوک انرژی و نقلیات پروژه لرین رئاللاشمیشدیر.” دئدی.
قافقاز باریش و امکداشلیق پلاتفورماسی تکلیفینی گوندمه گتیردیگینی ایفاده ائدن اردوغان ایسه، بو پلاتفورمانین بؤلگه ده ثابیت لیگین تأمین ائتمه سینه اهمیتلی رول اوینایا بیله جگینی وورغولادی. باش ناظیر، “روس و گورچو طرفی نین بو تکلیفیمیزه موثبت یاخینلاشدیغینی ممنونیتله موشاهیده ائتدیک. بو مؤوضوع نو بو گون حؤرمتلی علی اوف ایله ده اطرافلی بیر شکیلده اله آلدیق. آذربایجانین دا تکلیفیمیزه موثبت یاخینلاشماسی بیزلری آیریجا ممنون ائتمیشدیر.” دئیه دانیشدی.
آذربایجانین داغلیق قاراباغ پروبلئمینه ده توخونان اردوغان، “داغلیق قاراباغ پروبلئمی آذربایجانین تورپاق بوتونلوگو و بین الخالق حوقوق چرچیوه سینده حلل ائدیلمه لیدیر.” دئدی.
باش ناظیر اردوغانی ایستانبولا حرکتیندن اول، حیدر علی اوف بین الخالق هاوا ساحه سندن آذربایجان باش ناظیری کؤمکچیسی عابید شریف اوف یولا سالدی.
Hiç yorum yok:
Yorum Gönder