Güney Azərbaycanın bütün şəhərlərində May hadisələrinin üçüncü ildönümü munasibətilə minlərə bildiriş yayılıb

Güney Azərbaycanın Təbriz, Ərdəbil, Urmiyə, Zəncan, Marağa, Maki və başqa şəhərlərində minlərlə 22 may (1 Xurdad) hadisələrinin üçüncü ildönümüylə əlaqədar bildiriş hazırlanaraq əhaliyə paylanılıb. Bildiriş 2006-cı il may hadisələrinin əldə etdiyi qazancların qorunmasının önəmi vurğulanıb və Azərbaycan türklərinin öz haqlarını müdafiə etməyə hər zaman hazır olduğu qeyd olunub.

Xatırladaq ki, 2006-cı il mayın 22-si Güney Azərbaycan Milli Hərəkatında yeni dönüş nöqtəsi başlayıb. Təbriz şəhərində “İran” adlanan qəzetdə təhqir xarakterli karikaturaya (Azərbaycan türkləri "tarakan"a bənzədilmişdi) etiraz olaraq milyonlarla soydaşımız küçələrə çıxıb və “Haray-haray mən türkəm!” deyib. Sonradan aksiyaların kütləviləşdiyini və bütün Güney Azərbaycanı əhatə etdiyini görən fars şovinist rejimi əvvəlcədən icazə verdiyi mitinqi xüsusi qəddarlıqla yatırdıb. Nəticədə onlarla gənc və yaşlı həlak olub, yüzlərlə soydaşımız yaralanıb və minlərlə nümayişçi həbs olunub.