Böyük Atatürkçü Türkan Saylan vəfat etdi

Türkiyədə Çağdaş Yaşamı Dəstəkləmə Dərnəyinin (ÇYDD) sədri, professor Türkan Saylan bu gün səhər müalicə aldığı xəstəxanada keçinib.

Lent.az-ın məlumatına görə, professor yerli vaxtla saat 04.30-da (Bakı vaxtilə 06.30) dünyasını dəyişib. Xərçəng xəstəliyindən əziyyət çəkən Saylan uzun müddət kimyaterapiya müalicəsi alıb. Son günlər vəziyyəti ağır olduğundan kimyaterapiyaya fasilə verilib.
Hazırda yüzlərlə insan onun müalicə aldığı İstanbul ÇAPA Tibb Fakültəsinin qarşısına toplaşıb. Binanın qarşısına gələnlərin sayı getdikcə artır.
Qeyd edək ki, bir müddət əvvəl “Ergenekon” işi üzrə 74 yaşlı Saylanın evində axtarış aparılıb. Həmin vaxtdan professorun vəziyyəti daha da pisləşib.