Roma papası Fələstin dövləti ideyasına dəstək verib

Roma papası Fələstin dövləti ideyasına dəstək verib

Yaxın Şərqə səfərini davam etdirən Roma papası Benedikt fələstinlilərin öz dövlətlərinə malik olmaları hüququna dəstək ifadə edib.
Qərb Sahilinə özünün ilk səfəri zamanı, papa uzun illər ərzində əzab içində yaşayanların halına acıdığını bildirib.

Fələstin prezidenti Mahmud Abbasa müraciət edən papa Benedikt, fələstinliləri zorakılıq və terrora əl atmamağa çağırıb.

Papa Betlehemdəki Tövlə Meydanında kütlə qarşısında dualar deyib.

Daha sonra o Fələstin qaçqın düşərgəsində olacaq.

BBC-nin papa ilə səyahət edən müxbiri deyir ki, katolik kilsəsinin rəhbərinin çıxışı olduqca siyasiləşdirilmiş idi.