“Qarabağ probleminin sülh yolu ilə həlli mümkün deyil”

“Qarabağ probleminin sülh yolu ilə həll olunması barədə Avropa Şurasının qarşısında öhdəlik götürən partiyaları bu öhdəlikdən imtina etməlidirlər. Düzdür, bu zaman həmin partiyalar müəyyən

mənada beynəlxalq dəstəyi itirə bilər, amma belə olan halda da Avropa Şurası həmin partiyalarla əməkdaşlıq etməyə məcbur olacaq”. RİA-nın məlumatına görə, bu təkliflə Demokratiya Uğrunda İttifaqın (DUİ) təşəbbüsü ilə keçirilən Qarabağ Forumunda Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyev çıxş edib.

Həsənquliyevin fikrincə, dünya birliyi Ermənistana təzyiq göstərməsə, münaqişənin Azərbaycanın maraqlarına uyğun həll olunması mümkün deyil. "Ona görə biz peşəkar ordu quruculuğunu daha da sürətləndirməliyik. Düşünürəm ki, torpaqlarımızın müharibə yolu ilə işğaldan azad olunması nə zamansa zərurətə çevriləcək", - deyə millət vəkili əlavə edib.

BAXCP sədri Qarabağ probleminin həllinə dair təkliflər paketi hazırladıqlarını, lakin bir çox müxalifət partiyalarının bu sənədi imzalamadığını deyib. “Bu da onu göstərir ki, ümumi problemlərlə bağlı da bir çox hallarda firqə maraqları öndə tutulur”, - deyə Həsənquluyev deyib.

Qarabağ Azadlıq Təşkilatının (QAT) sədri Akif Nağı Qarabağ problemin həlli ilə bağlı nəinki hakimiyyətlə, hətta müxalifətin daxilində də bir mövqedən çıxış etməyin problem olduğunu söyləyib. “Biz dəfələrlə bəyan etmişik ki, müxalifət bir araya gələrək hakimiyyətdən danışıqları dayandırmağı tələb etməlidir. Kim danışıqların perspektivinə inanırsa, bunu sübut etsin. Biz düşünürük ki, Azərbaycan ordusu hərbi əməliyyatlara başlamalı və beynəlxalq birliyi fakt qarşısında qoymalıdır. Yalnız bundan sonra proseslər Azərbaycanın xeyrinə ola bilər”, - deyə Akif Nağı vurğulayb.


Klassik Azərbaycan Xalq Cəbhəsi Partiyasının sədri Mirmahmud Mirəlioğlu təklif edib ki, Dağlıq Qarabağ münaqişəsinin nizamlanması ilə bağlı Azərbaycan iqtidarı və müxali

Ria.Az