Türk dövlətləri Bakıya yığışacaqlar

Türkdilli Dövlətlərin Parlament Assambleyasının ikinci toplantısı 2009-cu ilin sentyabrında Bakı şəhərində keçiriləcək. Bu barədə məlumat verən millət vəkili, Azərbaycan-Türkiyə parlamentlərarası dostluq qrupunun rəhbəri Nizami Cəfərovun sözlərinə görə, toplantıda Özbəkistan və Türkmənistan da iştirak ödəcək: "Məlumdur ki, ilk toplantıda Türkmənistan və Özbəkistan iştirak etməyib. Düşünürəm ki, Azərbaycan, Türkiyə və Türkmənistan pezidentlərinin bu yaxınlarda keçirilən üçtərəfli görüşündə yəqin ki, bu məsələ həllini tapıb. Odur ki, şübhə etmirəm, Bakı toplantısında Türkmənistan iştirak edəcək. Hələ İstanbul toplantısında da Türkmənistanın iştirakı gözlənilirdi, amma son anda bundan imtina edildi". Millət vəkilinin bildirdiyinə görə, Özbəkistanla isə problemlər hələ ki, açıq qalır. Ola bilsin ki, Özbəkistan bu tədbirdə
ya iştirak etməsin, ya da lazımi səviyyədə iştirak etməcin.
Buna baxmayaraq belə bir assambleyanın fəaliyyətinə ehtiyac var. Bütün Türk dünyası etiraf edir ki, bu assambleyanın yaradılması hətta gecikmiş bir məsələdir.olaylar