Türkiyənin Azərbaycandakı səfiri Hulusi Kılıç 2008-ci il dekabrın 26-da keçirdiyi mətbuat konfransında demişdi ki, 2009-cu ildə Bakıda Mustafa Kamal Atatürkün heykəli qoyulacaq. «Media forum» saytı bununla bağlı səfirliyə və Bakı Şəhər İcra Hakimiyyətinə müraciət edib. Səfirlik heykəlin harda ucaldılacağı, məsələ ilə bağlı Azərbaycan hökumətinə müraciət edilib-edilmədiyi haqda sualların heç birini cavablandırmayıb. Bakı Şəhər İcra Hakimiyyətinin mətbuat xidmətindən isə sayta deyiblər ki, Atatürkün heykəlinin qoyulması ilə əlaqədar onlara hər hansı rəsmi müraciət daxil olmayıb. Mustafa Kamal Atatürk (1881-1938) Türkiyə Respublikasının qurucusu və ilk prezidentidir.
Hiç yorum yok:
Yorum Gönder