Azərbaycanlı jurnalist Şahnaz Qulami keçən il Xordat ( May ) hadisələrinin iki illiyində iştirakına görə 23 gün həbsdə yatmışdır. O zaman jurnalist xanım hökümətə qarşı təbliğata görə 6 aylıq həbsə məhkum edilmişdir
Azadtribun-dan GAİP XƏBƏR mərkəzinə daxil olan məlumata görə 2009 - cu il 26 yanvarda jurnalistin vəkili Nağı bəy Mahmudi tərəfindən ona bildirilmişdir ki, əvvəlki 6 aylıq cəza hökmü təsdiqlənib. Bu, o, mənadadır ki, təqribən iki həftənin ərzində verilən cəzanı çəkmək üçün özünü Təbriz zindanına təslim etməlidir. Əlbəttə, Ş. Qulamiyə bundan əlavə, Şərqi Azərbaycanın polis rəisi ittiham vurub ki, Qadir Sədiqinin ölümü ilə bağlı yalan məlumat yayıb. Və bu ittihama görə də ona yenidən 6 ay həbs kəsilə bilər. Məlumat üçün qeyd edək ki, keçən il milli fəal Qadir Sədiqi motorskiletlə yol gedərkən ETTELAAT məmurlarının maşını ilə qəzaya salıb, ölümünə bais olmuşdurlar. Hadisədən dərhal sonra camaat, o cümlədən Şahnaz Qulami hadisə yerinə yetişirlər. Ş.Qulami hadisəni şərh edir və orda olanlardan bir nəfər hadisənin filmin çəkir. Qadir Sədiqinin müəmmalı ölümü ilə bağlı camaat şikayət yazır, imza toplanır, hökümət dairələrinə göndərilir və mətbuata yayılır. Buna baxmayaraq ki, o hadisə ilə bağlı çəkilmiş film var və müəyyən adamlar şikayətçi olublar, amma Şərqi Azərbaycan polis rəisi Şahnaz Qulamini yalan məlumat yaymaqla ittihamlayır. Bunlardan da əlavə, Ş.Qulamiyə ittiham vurulub ki, İranın Xalq Mücahidlər Təşkilatının orqanı olan "Huma" adlı xəbər agentliyi ilə əməkdaşlıq aparıb. Bu ittihamla da bağlı Ş.Qulamiyə bir neçə il həbs cəzası çəkilə bilər. Sonda bildiririk ki, bütün bu ittihamlar öz yerini taparsa, onda Ş. Qulamini uzunmüddətli həbs cəzası gözləyir.Qeyd etməliyik ki, jurnalist Şahnaz Qulami İranın Xalq Mücahidlər Təşkilatına heç bir müsbət münasibəti və ya simpatiyası olmadığını bildirib. Hətta bu təşkilatla bağlı müəyyən faktlar əsasında tənqidi fikirlərində yazıb. O, birinci dəfə 19 yaşında olarkən qardaşı və 3 nəfərlə birlikdə İranı qeyri - qanuni tərk etməyə cəhd edərkən tutulub və ölkədən qeyri - qanuni çıxmaq və İranın Xalq Mücahidlər Təşkilatı ilə əməkdaşlıq ittihamı ilə 5 il həbs cəzasına məhkum olunub. Onunla birlikdə ölkədən çıxmağa cəhd edən 3 nəfərin özü də yox, yaxın qohumları xalq mücahidi olduğu üçün onların beşinə də bu ittiham vurulmuşdu. Hal - hazırda da "Huma" adlı xəbər agentliyinin də nə olduğu heç kəsə məlum deyil. Milli fəalların nəzərinə görə, adı çəkilən xəbər agentliyini İran ETTELAAT - ı özü yaradıb və Ş.Qulamini də bu agentliklə əməkdaşlıqda şərləyib, bir neçə il həbsdə saxlamaq istəyir.
Hiç yorum yok:
Yorum Gönder