Avropa Birliyi İranın müxalifətdə olan “İran xalq mücahidləri” qruplaşmasını terror təşkilatları siyahısından çıxarıb.

Avropa Birliyi İranın müxalifətdə olan “İran xalq mücahidləri” qruplaşmasını terror təşkilatları siyahısından çıxarıb.

Lent.az-ın “France Presse” agentliyinə istinadən verdiyi məlumata görə, AB ölkələrinin xarici işlər nazirlərinin Brüsseldə keçirilən görüşündə Lüksemburq məhkəməsinin bir ay əvvəl qəbul etdiyi qərar təsdiq edilib.

Məhkəmənin qərarında qeyd edilir ki, “İran xalq mücahidləri” qruplaşmasının vəsaitləri əsassız şəkildə dondurulub və təşkilatın adı əsassız olaraq terror siyahısına salınmaqla onun hüquqları pozulub.

“İran xalq mücahidləri” qruplaşması 1965-ci ildə yaradılıb. Təşkilatın əsas məqsədi şah rejiminin devrilməsi olub. İlk dövrlərdə hərbi təşkilat kimi yaradılan qruplaşma 2001-ci ildə silahlı mübarizədən imtina etmək qərarına gəlib. Hazırda qruplaşmanın əsas orqanı sayılan “Milli Müqavimət Şurası” Fransada yerləşir. Şuranın üzvləri özlərini sürgündə olan parlament üzvləri adlandırırlar və İranda demokratik koalisiya hökumətinin yaradılmasına çalışırlar.

AB-nin qərarı rəsmi Tehranın kəskin etirazına səbəb olub. İran paytaxtında keçirilən mitinq iştirakçıları Avropa Birliyini ikiüzlülükdə ittiham ediblər.

LENT.AZ



Xəbərin oxunma sayı: 58