“İranda hemofiliya xəstələrinin müalicəsi zəif aparılır” deməsi Əhməd Qəvidelinin başına oyun açıb
QayNar: İranın Hemofiliya Mərkəzinin vəkili bildirib ki, bu mərkəzin rəhbəri həbs olunub.
İranın Hemofiliya Mərkəzinin vəkili Əli Sabiri bildirib ki, İranın Səhiyyə Nazirliyinin şikayətinə əsasən Hemofiliya Mərkəzinin rəhbəri Əhməd Qəvideli yalan məlumatlar yaymaqda günahlandırılır. “Tehran şəhər Məhkəməsinin 6-cı şöbəsi Qəvideli haqda həbs qərarı qəbul edib. Qəvideli həbs edilərək Tehranın Fələstin xiyabanında yerləşən 48-ci bölməyə aparılıb”, - deyə Sabiri bildirib.
Sabiri, İranın Hemofiliya Mərkəzinin rəhbərinin bir neçə gün öncə mətbuata müsahibəsi zamanı “İranda hemofiliya xəstələrinin müalicəsi zəif aparılır” çıxışının, bəzi xəbər agentliklərində “İranda hemofiliya xəstələrinin müalicəsi dayandırılıb” kimi dərc olunmasını onun həbsinə səbəb kimi göstərib. //Trend
Hiç yorum yok:
Yorum Gönder