ABŞ, İrana göndəriləcək məktub üzərində işləyir. "Qaynar.info"-nun ingilis "The Guardian" qəzetinə istinadən verdiyi xəbərə görə, ABŞ Xarici İşlər Nazirliyi hal-hazırda göndəriləcək məktubun mətni üzərində işlərini davam etdirir.
İran dövlət başçısı Mahmud Əhmədinejad, Barak Obamanın noyabrın 4-də prezident seçilməsini noyabrın 6-da yazdığı uzun bir məktubla təbrik etmişdi. Qəzet, ABŞ Xarici İşlər Nazirliyinin göndəriləcək məktub üzərində həmin tarixdən etibarən işlədiyini yazıb.
Qəzet, 3 müxtəlif qaralama olduğunu bildirib. Qəzetə danışan diplomatlar Obamanın məktubunun, ABŞ hökumətindəki ton fərqinin ortaya qoyulacağı "simvolik bir jest" olacağı şərhini veriblər. Obamanın sələfi Corc Buş, İranı "şər oxu" içində elan etmişdi. Bundan başqa məktubla İran liderlərinin ABŞ-a qarşı olan şübhələrinin dağıdılması və Obama hökumətinin bilvasitə görüşlərdə iştirak etməsinin önünün açılması məqsədi güdülür.
Qəzet, məktubda, ABŞ hökumətinin Tehran hökumətini devirmək istəmədiyini, sadəcə davranışlarında dəyişiklik istədiyini bildirib. İran xalqına xitabən yazılan məktubun bilvasitə ruhani lider Ayətulla Əli Həmaneyiyə göndəriləcəyini ya da açıq məktub formasında yayımlanacağını qeyd edilib. //Rəşad Səfərov, QayNar
Hiç yorum yok:
Yorum Gönder