Məhəmmədrza Rəhimi
Ötən il daxili işlər naziri Əli Kürdanı saxta fəxri doktorluq dərəcəsindən istifadədə günahlandırıb istefaya göndərən İran parlamenti daha bir hökumət rəsmisini sorğu-suala tutmağa hazırlaşır. Parlamentin komissiya sədri Əli Abbaspur jurnalistlərlə söhbətində prezident Mahmud Əhmədinejadın parlament təmsilçisi Məhəmmədrza Rəhiminin ali təhsil sənədinin yoxlanacağını bildirib.
«Media forum» saytının məlumatına görə, Ə.Abbaspur M.Rəhiminin ali təhsil sənədi barədə sorğuya Təhsil Nazirliyindən qaneedici cavab ala bilmədiklərini vurğulayıb: «Biz Rəhiminin təhsil sənədin yoxlanması məsələsini qaldırmışıq və parlament araşdırma aparacaq».
M.Rəhimi jurnalistlərlə söhbətində deputatların onu ali təhsil sənədi ilə bağlı sorğu-suala tutmaq istəyini qanunsuzluq adlandırıb: «Məmləkətdə hər şey həllini tapdı, bircə qaldı mənim sənədim? Deptaların mənim ali təhsil sənədimlə bağlı sorğu-sualı qanunsuzluqdur».
Hiç yorum yok:
Yorum Gönder