SİLAH QALMAQALI MİLLİ MƏCLİSDƏ MÜZAKİRƏ OLUNACAQ

SİLAH QALMAQALI MİLLİ MƏCLİSDƏ MÜZAKİRƏ OLUNACAQ

Rusiyanın Ermənistana 800 milyon dollarlıq silah verməsi ilə bağlı məsələ Milli Məclisin (MM) yaz sessiyasının ilk iclasında müzakirə olunacaq. Bunu APA-ya MM mətbuat xidmətinin rəhbəri Akif Nəsirov bildirib. A.Nəsirov deyib ki, MM Qarabağla bağlı bütün məsələlərə həssas yanaşır, Rusiyanın Ermənistana silah verməsi ilə bağlı məsələyə də deputatlar tərəfindən münasibət bildiriləcək.
Artıq MM üzvləri tərəfindən Rusiyanın Ermənistana silah verməsinə etiraz əlaməti olaraq müraciət hazırlanır. Müraciət hazırda imzalanma mərhələsindədir. İndiyədək müraciətə 20-dək deputat imza atıb. Bu müraciətin də MM-in ilk iclasında səsləndiriləcəyi gözlənilir. Qeyd edək ki, yaz sessiyasının ilk iclası fevralın 2-də keçiriləcək.
Xəbər xidməti
musavat