GÜNAZ.TV mətbuat mərkəzinin (www.dak.az) saytından aldıgı bilgiyə əsasən son günlərdə Güney Azərbaycanın Təbriz, Urmiyə, Ərdəbil, Zəncan, Marağa, Xoy, Həmədan və başqa şəhərlərində ana dilində təhsil tələbi ilə imza toplama kompaniyası keçirilir. Məlumatda bildirilir ki, Türk dilində təhsil kompaniyası bir müddət öncə Təbriz şəhərində başlanıb, bu kompaniyada Güney Azərbaycanın bütün təbəqələri iştirak edir. İmzalar bazarlarda, idarələrdə, dövlət və özəl iş yerlərində, zavod və fabrikalarda, məktəb və universitetlərdə əhalinin canlı iştirakı ilə həyata keçirilir. Məlumata görə son günlərdə 100 min nəfərdən artıq İranın ana yasasının 15 və 19 maddələrində nəzərdə tutulan bütün qanunların icra olunmasını öz imzaları ilə tələb etdiklərini bildiriblər. İmza toplama 21 fevral-Beynəlxalq Ana Dili gününə qədər davam edəcək. Toplanan imzalar İranın dövlət rəsmilərinə, parlamentə və beynəlxalq təşkilatlara göndəriləcək.
Hiç yorum yok:
Yorum Gönder