Prezidentin növbəti seçkilərdə iştirak edə bilməyəcəyi iddia olunur
İran müxalifəti ölkə prezidenti Mahmud Əhmədinejadın ağır xəstə olduğunu iddia edir. Lent.az-ın müxalifətin nəzarətində olan “Shahab News” saytına istinadən verdiyi məlumata görə, 52 yaşlı prezident səhhətinin ağırlaşması səbəbindən 2009-cu ildə keçiriləcək prezident seçkilərində iştirak etməyəcək.
İnternet saytı İran prezidentinin yaxın ətrafına istinadən iddia edir ki, Əhmədinejad hətta xidməti vəzifələrini də güclə həyata keçirir: “Xəstəliyi səbəbindən onun təzyiqi kəskin aşağı düşüb - prezident tam süstlük vəziyyətindədir”.
Qeyd edək ki, Əhmədinejad həqiqətən də son vaxtlar bir neçə ictimai tədbirdə iştirakdan imtina edib və Nazirlər Kabinetinin son iclasında iştirak etməyib. Bundan əlavə, o, sentyabrın əvvəlindəki çıxışı zamanı qarşıdan gələn prezident seçkilərində iştirak edib-etməyəcəyi ilə bağlı yekun qərar vermədiyini də vurğulayıb.
İran prezidentinin köməkçisi Mənsur Borgeyi isə Əhmədinejadın ağır xəstə olduğu barədə iddiaları təkzib edib: “Prezident sadəcə özünü bir qədər nasaz hiss edir”.
Xəbər xidməti
musavat
Hiç yorum yok:
Yorum Gönder