Avropa İttifaqı İran nüvə proqramı üzrə Fars körfəzində yerləşən ərəb ölkələri ilə əməkdaşlığı davam etdirəcək.
Aİ-nın xarici siyasət üzrə başçısı Havyer Solana Yaxın Şərq regionuna səfəri zamanı Fars körfəzi ərəb ölkələri ilə əməkdaşlıq məsələlərini müzakirə edəcək, o cümlədən Səudiyyə Ərəbistanla. Bu barədə « Trend News »a çərşənbə günü Havyer Solananın mətbuat katibi Kristina Qalax telefonla Brüsseldən bildirib.
Qalaxın sözlərinə görə, Solananın Fars körfəzi ölkələrinə səfərinin əsas məqsədi – bu ölkələrlə Aİ-nın əlaqələrini yaxşılaşdırmaqdır.
«Aİ-nın bu ölkələrlə çox sıx əməkdaşlıqları var, biz istərdik ki, bu əlaqələri bir neçə sazişin imzalanması ilə daha da dərinləşdirək. Biz onlarla bir sıra məsələləri müzakirə etmək istəyirik – Yaxın Şərq nizamasalınmasını, İran nüvə proqramı və bir sıra beynəlxalq məsələlər – dünya maliyyə böhranı», Qalax bildirib.
Onun sözlərinə görə, Aİ qabaqlar da bu məsələlərlə bağlı ərəb ölkələri ilə əməkdaşlıq etmək istəyib və bildirib ki, Aİ-nın bu ölkələrlə yaxşı siyasi əlaqələri vardır və bunalrı möhkəmləndirmək üçün yaxşı imkanlar yaranıb.
«Biz hamımız İran nüvə proqramında maraqlıyıq, bir çox beynəlxalq ideyalar onunla bağlıdır və biz bunun Aİ ölkələriylə inkişafını müzakirə edəcəyik», Qalax bildirib.
trend
Hiç yorum yok:
Yorum Gönder