8 illik İran-İraq müharibəsində həlak olmuş üç naməlum əsgərin cəsədinin qalıqları Tehranın Müdərris adına Pedaqoji Universitetinin həyətində basdırıl

8 illik İran-İraq müharibəsində həlak olmuş üç naməlum əsgərin cəsədinin qalıqları Tehranın Müdərris adına Pedaqoji Universitetinin həyətində basdırılacaq


Universitetin informasiya mərkəzi bildirib ki, dəfn mərasimi gələn həftə, İmam Sadiqin vəfatının ildönümündə olacaq.
Bir il əvvəl İran-İraq müharibəsində həlak olmuş naməlum əsgərlərdən beşinin meyiti Tehranın Elm və Sənaye Universitetinin, beşinin meyiti Şiraz Universitetinin, daha bir neçəsi isə digər universitetlərin həyətində basdırılmışdı. Bu, bəzi tələbələrin etirazı ilə qarşılanmış, «Universitetləri qəbiristanlığa çevirməyin», «Universiteti qəbiristanlıqla səhv salmayın» şüarları ilə aksiyalar keçirilməsi ilə nəticələnmişdi.

İran-İraq müharibəsi 20 il qabaq başa çatıb.