Vladimir Jirinovski: “İsrail oktyabrda İrana hərbi zərbələr endirəcək”

Vladimir Jirinovski: “İsrail oktyabrda İrana hərbi zərbələr endirəcək”

“İsrailin iki ay ərzində İrana zərbə endirəcəyi qaçılmazdır”. APA-nın məlumatına görə, bu bəyanatla Rusiya Liberal Demokrat Partiyasının sədri Vladimir Jirinovski çıxış edib. PLDP sədri hücumun böyük ehtimalla oktyabr ayında gerçəkləşəcəyini bildirib: “İsrail ABŞ-ın dəstəyi ilə İrana edəcəyi hücum nəticəsində bu ölkənin hərbi gücünü tamamilə məhv edəcək. Müharibə nəticəsində İrandan şimala doğru güclü qaçqın axınının olacağı gözlənilir. Cənubi Qafqazda yaratdığımız yeni təhlükəsizlik bölgəsi sayəsində iranlı qaçqınların ölkəmizə daxil olmasının qarşısını ala bilərik”. Jirinovski Rusiyanın son 200 ildə Qafqaz xalqlarının Türkiyə və İranın hücumlarından qoruduğunu iddia edib: “Qafqazda sülh və sabitliyin təminatçısı Rusiyadır. Qarşıdakı 5-7 ildə daha 20 dövlət Cənubi Osetiya və Abxaziyanın müstəqilliyini tanıyacaq. Dünya xəritəsinə daha iki müstəqil dövlət daxil olub və bu, gerçəkləşmiş reallıqdır”.